(( إســــــــمي ثـــــــــايـــر ))

كبل لا ابدي بكلامي ارد اقدم لُكـُم اسمي
وهذا مو اسمي لصلي -- هذا اسمي المستعار
اختاره كل شريان بيـّه -- يحمل دموم اعـرُبيـه
وسمي هذا اليوم ثــاير
مـاني شــايل بندقية ولالي بدلة عسكرية -- شايل بإيدي
قلم ينطق مشــاعر -- واسمي ثــاير
بدلتي ثوب العروية -- مطرز وكل خيط بيه اتعدّه كل دهري
وخطوبه -- وحته ثوبي الي ألبسهه اليوم ثــاير
مولدي بهذي الأرض -- ارض الكرامة والعــَرض
ماني من أرض الكنانة ولا سبأ
ولاني من تدمر اجيت ولا القدس ولاني حته من القناطر
وسمي ثـــاير
مولدي بكل ارض حرة -- مارضت بالضيم يسكن شبر اراضيهه
رغم كل سنين مره
ولا صافحت فد يوم جاير واسمي ثاير
آنه ابن أمة محمد سيد الأخيار مبعوث البشاير ---
ولي ابو علمني إن الذله شينـه وليــّفرط بالكرامة ولا يدافع عن
خواله ولا عمامه ماله مكعد بين ارجال العشاير -----
هذا آنه شايل بإيدي هويتي
رصاصي جلماتي بقصيدي تصيب كل خاين وغادر ------
والأشوفة بعيني واقع ---- معتدي وماإله رادع
ولتسمعــَه إذني كل يوم يحــَيـّر الما هو حاير ----
عين شافت ليل مظلم --- يعيشه اخويه الدينه مسلم
بلمسامع ولمـنـاظـر
اخويه الي سلبوا ارضه --- واستحلــّوا حته عرضه
وهـَدموا دياره لشرار
اخويه اليـّـصرخ بصـوته --- والعروبه تشوف موته
وتسكت وتخشـه القرار
وديار ابن عمي الخـذوهه --- بكل بساطة دمروهه
وعايش بذل ومرار
وطفل ابن عمي بحقدهم -- يكتلوه لو وكف ضدهم
شايل بإيده لحجــار
ويه صرخة ام حزينـه -- ثكله تمشي بالمدينة
وبكلبهه تهيج نار
وآنه اشوف وكلبي ثــاير
مانجت منهم مرابع -- لاحقول ولا مزارع
وهذا ماهو من الطبايع نلبس الذله ونشيل وسام عار
ياعرب وين الحميه --- وين اهل القادسية ؟؟
وين امه حــِمــَل رايتهه محمد وي علي الكرار
ثاير آنه وكلبي نار
عار عالعـُربي اليشوف ولا يرد
من اخوه تنهدم داره وينطرد -- وهو يستنكر ويشجب الي صار
ثاير آنه عله العروبة الي غدت
بس إسم تنطقهه أمة هــوِّدت -- ونامت اعله الضيم والسجين
غار
ثاير آنه اعله العرب تريد السلام
تحط ايديهه بإيد صهيوني يبيعلهه الكلام -- وتكعد وياه وتحاور
الله واكبر ياعرب تكفي المهانه
يكفي كل جور وظلم جانه ولفانه
وخل ترفرف راية العز والبشاير
وخلي كل عربي وياي يصير ثاير وابن ثاير


مـع تحيــات / عاشقــة تـراب العــراق
أم فيصــل

مـاني شــايل بندقية ولالي بدلة عسكرية -- شايل بإيدي
قلم ينطق مشــاعر -- واسمي ثــاير


تحياتي لك ام فيصل وشكرا شكرا لهذا العزف الجميل الذي يحمل شموخ واباء الثوار
وكما عودتينا دائما باسلوبك الخاص والمميز . تقبلي مروري ودعواتي .

جزيل شكري لك ياماجد

ويسعدني ان تكون اول المتصفحين لكتابتي المتواضعة

لاحرمت هذا المرور الدائم

تحياتي لك ------------- ماجد

الله واكبر ياعرب تكفي المهانه
يكفي كل جور وظلم جانه ولفانه
وخل ترفرف راية العز والبشاير
وخلي كل عربي وياي يصير ثاير وابن ثاير

الله ياام فيصل على هذه السمفونيه الجميله بارك الله بك وبارك بكل عراقي يحب وطنه ولا يرضى بالذل والمهانهوتقبلي مروري واحترامي

تسلملي هالطلة ياروماني

والف شكر لك على هذا التواصل الدائم

لقد تعلمنا منذ الصغر هذه الإنشودة وكنا نرددها بفخر دائما


بلاد العــُرب أوطـــــاني مــن الشــام لبغـــدان ِ

ومـن نجــد الى يمـــن ٍ - الى مصـــر فتــطـــوان ِ


تحياتي لك عزيزي

السلام عليكم00
سيدتي الغاليه00الى القلب الذي غنى
بما نبكي
بأحرف صماء مغبره
بما نبكي
بالحانٍ
كما النواح مجتره

واطفال غزه
صامتون
بدمهم
رأينا جُبن اعيننا
بصبرهم
كتبوا عنوان كذبتنا
رسموا مآساة أمتنا00
\\\\\\\\\\\\\\\\\\\\\\\\\\\
سيدتي
هل لمن يقرأ أحرفك خيارا غير أن يقف مشدوها أمام جمالها الأخاذ؟

لكل حرف من حروفك وردة بيضاء,,, ولقلمك الخالق وردة حمراء,,,
تحياتي,,,
صكر

ايها الصكر

ثمالة المشاعر ان نبوح من دون ارادة

وعبثا نحاول ان نجد لنا موقعا بين الأبطال والغيارى

لكننا للأسف -------- لم يبقى لنا الا اللسان والقلم

سيوف مقهورة في زمن قتلت فيه النخوة العربية


شــكرا لإطرائك -- والف شكرا للمداخلة الرائعة

حملنا البنادق وارتدت الى صدورنا00
ثماني سنوات يقاتل على مدفعه وبعدنصره يشنق به!!!!!!!!!!!!
يتدلى جسده بفوهة المدفع ونحن ننظر0000ذكريات مقاتل عراقي
صكر

حملنا البنادق وارتدت الى صدورنا00
ثماني سنوات يقاتل على مدفعه وبعدنصره يشنق به!!!!!!!!!!!!
يتدلى جسده بفوهة المدفع ونحن ننظر0000ذكريات مقاتل عراقي

آلمنــي هــذا البــوح ياصـكـر
دعنــا نتقـدم خطــوة للأمام
ولاننظـر الى الخلف
كانوا فرسانا
والحريــة لاتليق الا بالفرسان
فتعســا ً لـزمن يدفن الحريـة

تحيــــاتي ايها الجريح