في اي بــلــد أنتم مـــغتــــربيـــن

http://gallery.7oob.net/data/media/19/s777.gif


في البداية : أحب أتوجه بخالص الشكر والتقدير للاخ العزيز foraten.net/?foraten.net/?foraten.net/?foraten.net/? foraten.net/?foraten.net/?foraten.net/?foraten.net/?foraten.net/?foraten.net/?foraten.net/?
لكونه فتح لنا هذا القسم , الي يعبير عن المتنفس الوحيد لكل مغترب

ومن خلاله نتعرف على بعض أكثر ونشوف أغلب الاعضاء وين متغربين
وبنفس الوقت نسأل الله عز وجل أن يفك كربة العراق ويرجعنا جميعا
لبلادنا ونعيش تحت خيمة العراق
خيمة الحب والوئام ولمة الاهل والاحباب ..


http://gallery.7oob.net/data/media/20/line-hawaa.gif

يلا كل واحد يدخل , يقولنا في أي بلد متغرب وصارله كم سنة ؟؟



انتظر تفاعلكم مع الموضوع

تحياتي لكم



http://gallery.7oob.net/data/media/20/line-hawaa.gif

دومك مبدعة ومميزة بالمواضيع ام فاطمة والف شكر على افتتاحك هذا الموضوع الرائع والمهم

الذي يخص هموم العراقيين وغربتهم وابدء عن نفسي

الصراحة انا مغترب عن عن بلدي الحبيب من حوالي 16 سنة عشت منها خمس ونصف

سنين تحت من لارحمة لهم حكومة ال سعود والبعثية منها تغربت 1996 الى الولايات المتحدة

الامريكية وننتظر ان يعود الامن والامان الى وطننا الجبيب لنعود تحت قبته واهله الطيبين

وشكرا مرة ثانية ام فاطمة تحياتي


http://gallery.7oob.net/data/media/20/line-hawaa.gif

يسلموووو على القسم الحلو مشكوره ام فاطمه وشكرا لforaten.net/?foraten.net/?foraten.net/?foraten.net/?

اني صارلي 10 سنوات مغتربه باستراليا ملبورن بس سافرت للعراق سنة 2004
واحلى سفره جانت وانشاءالله يصير الوضع زين بالعراق ونرجع

شكرا ام فاطمه على الموضوع

الـــسلام علـــيكم والــرحمه والاكرام

اولا احب ان اشكر الاخت الغاليه الحالمه لطرحها هذا الموضوع

عن الغربه وما اقساها من كلمه

تغربت كثيرا من صغر سني....

سافرت اولا الى الاردن في عام 1995 وعشت هناك سنتين ثم عدنا العراق عام 1997

في عام 1999 سافرنا الى الاردن مره اخرى واقمت انا والعائله هناك لمدة 4 سنوات.. درست خلالها الصف التاسع والعاشر

في ال2003 انهيت دراستي للصف الحادي العشر في سوريا التي اقمنا بها سنه.. ومن حوالي 3 سنوات مقيم في ولاية غرب استراليا. وعاصمتها مدينة بيرث

شكرا لكم

دأما مبدعة في مواضيعج خيتي ام فاطمة وشكرا على هذا الموضوع الجميل
واني صارلي سبع اشهر بالاردن وانشاء الله ابقة اقل مدة 3 سنوات وانشاء الله ارجع للعراق من يتحسن الوضع
تحياتي

موضوع مميز وجميل جداً من انسانه رائعه

مشكورة حبيبتي ام فاطمة على فتح هذا الموضوع الجميل الذي يخص هموم العراقيين وغربتهم..

وبلنسبه لي فأنا مغتربه منذ تقريباً 21 سنة..

فقد ولد في سورية وعشت ما يقارب الخمس سنوات هناك..

ثمه سنحة النا الضروف وخرجنا للدنمارك حيث اعيش الان..

وشكرا مرة ثانية ام فاطمة

مع خالص وارق التحايا

بنـ بنت بلادي ـوته

السلام عليكم و رحمة الله و بركاته

الف تحية للعرق
و للعراقيين
و للعراقيين المغتربين

تحية طيبة لام فاطمة العزيزة


اما عني فانا مغتربة منذ 1997
سافرنا انا و عائلتي الى الاردن و بقينا هناك حوالي 3 اشهر
و من ثم سافرنا الى السويد.
و من ذلك اليوم و لم تسمح الدنيا لي بزيارة العراق الحبيب.
انا الان مقيمة في السويد, Helsingborg منذ حوالي 9 سنين

تحياتي

:66 (46):

اول الشي احييج ام فاطمه موضوع جميل جدا ..
اني سبق واتغربت بالعراق من هدام الملعون :66 (124): رحلنا عن بيتنا:66 (185):وراها محبينا عيشتنا بالعراق الى يوم سفر ابويه لسويد وراها ب3سنين اجينا لسويد ولهسا عايشه هنا..واتمنى اسافر لعراق:4: ...واشوف كردستان:4:

السلام عليكم

اهلا" وسهلا بكل ابناء بلدي الحبيب

انا ايضا" واحده منكم ومغتربه في الولايات المتحده الامريكيه لكني زرت العراق في سنة 2003 ومكثت هناك حتى صيف ال 2004 :4: وكانت من اجمل ايام حياتي والله ...

ان شاء الله نزور العراق قريبا وفي ظروف احسن , وبالمناسبه اسكن حاليا" في ولاية بنسيلفانيا ....لكن لا يجود هنا الكثير من العراقيين عكس ولاية ميشكان اتكولون عبالك ابنص العراق بس الدوله امريكا !!!

اني صاري 11 سنوات متغربه
عشت 5 سنوات بماليزيا
وهسه صاري 6 سنوات بنيوزيلندا

واريد ارجع للعراق بس ان شاء الله لمن يصير الوضع زين

شكرا عزيزتي الحالمه على الموضوع الرائع
تحياتي لكى:66 (46):

مشكوره اختي على الموضوع الجميل
اما بالنسبه الي غربتي مو طويله
بس هم غربه انه تغربت بسوريا
سنه وبالاردن سنه وصلت لامريكا
من اربع سنين يعني كلها ست اسنين
مشكوره اختي مره اخرى
تحياتي

اول شيء احب اشكر اختي الحالمه على الموضوع المميز



بالنسبة لي اني متغرب صارلي 15 سنة


يعني من سنة 1995 والى حد الان



طلعت الى الاردن وظلت 3 سنين وبعدين سافرت الى السويد


ومقيم في


karlstad





تحياتي

http://gallery.7oob.net/data/media/20/14.gif


ها هي جراح الغربة وألآمها تجمعنا معاً ... عبر هذه الصفحة
كي ننثر فيها الآمنا ,, همومنا

جراح تتلوها جراح مع استمرار بعدنا عن وطننا الحبيب
يتزايد معها الاشتياق , الحنين ,, ولهفة لرؤية الاحبة الذين فارقناهم

لقد عانينا نحن العراقيين وتكالبت علينا الوحوش من كل جانب
كبدونا هموم والآم لن يستطيع هذا الزمن محوها لوقتنا هذا
ها نحن اصبحنا مشتتين , تكفل بنا الزمن وجعلنا في كل قارات العالم تائهين
تمزقنا آهات الغربة ولوعات الحنين الى الاهل والاحبة ...

فهل سيأتي يوم نجتمع كلنا في بلد طالما غرس حبه في دمنا نجتمع تحت خيمته
خيمة يسودها ,,

الآمن والامان
الحب والوئام


لقد دفعنا ضريبة غالية من ارواحنا من راحتنا من صحتنا من ارضنا ,
الا نستحق الان ان نحصد فوائد لهذه الضريبة الباهضة الثمن ؟؟


http://gallery.7oob.net/data/media/20/14.gif


ها انا أقف حائرة كيف اواسيكم على هذه السنين التي قضيتموها
خارج بلدنا , اراكم كلكم اخذت الغربة منكم سنين وسنين
فيحتار وصفي ويخجل قلمي لااعرف هل كلماتي هذه ستطيب لكم
وهل ستضمد لكم جراكم النازفة ...

لكن لا يسع قلمي وقلبي معاُ ,,, سوى ان يدعو لكم ولي بأن نحصد خيراُ
بعد هذه المعاناة ..

لا ننكر جميعا أن الغربة اعطتنا دروساُ كثيرة
لكن رغم هذا , تأتي بنا لحظات نكره هذه الكلمة اللعينة ( الغربة )
وتضيق بنا الدنيا ,, لاننا مهما بعدنا وتغربنا

يبقى حنين الوطن والبلد الذي نشأنا فيه
هو هاجسنا الوحيـــد .

http://gallery.7oob.net/data/media/20/14.gif


اخواني اخواتي ....

بصراوي مشاغب
سومه
الاسمراني
أمير الحب والعاشقين
بنت بلادي
عراقي غرول
زريان
MinaMadi
وردة
رونالدو
توتي

http://gallery.7oob.net/data/media/20/oielletbar.gif

تعددت اسمائكم , لكن أنتمائكم واحد وهدفكم واحد وهو

العـــــــراق الحبيب

ورؤيته سالماُ معافاُ , وهذا أملنا كلنا وندعو من الله أن يكون هذا اليوم قريباُ.

أشكركم جميعا , واشكر تواجدكم الرائع الذي حسسني بأن جميعنا لدينا

هدف مشترك , وبعون من الله سوف يتحقق ...

من القلب أشكركم واتمنى أن تزول هذه الغربة ويحل مكانها
استقرار نفسي ومعنوي لكل الغتربين..


أختكم الحالمه

شكراُ اختي الحالمه على الموضوع


اما بالنسبه الي
بسنة 1990 طلعنا من العراق الى السعوديه رفحاء
و بسنة 1996 اتغربنا لفلندا
يعني حوالي 16 سنه بالغربه
و عمري مشايفه العراق

نسأل الله العلي العظيم ان يرجعنا لوطنا
وكافي غربه و عذاب

و ان شاء الله العراق يصير امن



تحياتي لكِ اختي الحالمه:66 (46):
قمر العراق

شكراُ اختي الحالمه على الموضوع


اما بالنسبه الي
بسنة 1990 طلعنا من العراق الى السعوديه رفحاء
و بسنة 1996 اتغربنا لفلندا
يعني حوالي 16 سنه بالغربه
و عمري مشايفه العراق

نسأل الله العلي العظيم ان يرجعنا لوطنا
كافي غربه و عذاب

و ان شاء الله العراق يصير امن



تحياتي لكِ اختي الحالمه
قمر العراق

السلام عليكم

اختي الكريمة الحالمة شكرا لكِ على طرح الموضوع

الغربة ولو كانت ليوم واحد فــ هي صعبه او دعيني اقول قاتله

الغربة معي انا قتلت احلامي واضاعت سنواتي التي مرت وربما التي سوف تأتي

انا من 8 سنوات وانا بعيده عن العراق

بعيده عن احلامي عن طفولتي التي حرمتني منها الغربة

صدق من قال فقد الاهل غربة ونحن فقدنا الاهل والوطن وكل شي

اخيرا

اتمنى لكل غريب ان يعود اله اهله وبلده واقدم لكِ شكري وتقديري

اختكم
اميرة البصرة

http://gallery.7oob.net/data/media/20/vailine16.3.gif


بعد التحية والسلام ...

اخواتي العزيزات

قمر العراق
اميرة البصرة

اعانكم الله على هذه السنين المريرة
التي قضيتموها بعيدات عن بلدكم , اسأل الله
ان يرد كل غريب لبلده بحق غريب كربلاء زين العابدين (ع)

وان يلملم جراحنا من بعد هذا العذاب

شاكرة لكم مداخلتكم الرائعة , حفظكم الله من كل مكروه


تحياتي


http://gallery.7oob.net/data/media/20/vailine16.3.gif

شكرا لكي اختي الحالمه
انا صارلي 6 سنوات متغربة عن العراق انا اعيش في المانيا واتمنئ ان يصير العراق زين وارجع اشوفه مرة ثانية واملي عيني منه واشرب من مايها واكل من تمرها
وارتاح من هاي الغربة لان الغربة اصعب شيئ في الحياة
والحمد لله من دخلت للمنتدئ خففت عني شوية من الم الغربة عبالك اني بالعراق :66 (46):

اهلا وسهلا بك معنا في البيت العراقي وانشاءالله معنا لم تعرفي الغربة

فانتشرف بمعرفتك وياريت تنورينا منتدى الترحيب لنقوم بالواجب

لك خالص التحية والاحترام

اشكرك اخي بصراوي واكيد انا بعيدة عن الغربة وفي بيتي الثاني وبين اخواني واخواتي وانا لية الشرف اكثر اكون عضوة في منتدئ جميل وراقي مثل منتدئ الفرات

هلا ومرحب بأختنا العزيزة سندريلا العراق

نورتي بيتنا الفراتي , ويسعدنا انضماج اختي
والله يعينج على غربتج , وان شاء الله يجي اليوم الي ترجعين للعراق
وتروين عطشج بشوفته , بس قولي آآآآمين

والله يسمع من عدنا ويحقق النا هذه الامنية ...

شكراُ حبيبتي الحالمه على الموضوع

من جان عمري 9 سنين طلعنه من العرق رحنه الكردستان

عشنا 3 سناوات بالكردستان بعدين سافرنه لسويد..

هسه سارلي 5 بالسويد

:4: :4: :4:

:66 (185):

تم حذف المشاركة لاانك من البكائين على النظام البائد

والارهابيين فاانت غير مرغوب بمنتدانا

المشرف العام

تم حذف المشاركة لاانك من البكائين على النظام البائد

والارهابيين فاانت غير مرغوب بمنتدانا

المشرف العام

شكراُ على الموضوع

عشنا 11 سناوات باالعراق بعدين سافرنه لسويد..
هسه سارلي4 بالسويد

مشكورة الاخت الغالية على هذا الموضوع
اود اقول
انا ابنك ياعراق اسشهد فيكى ابويا بسلاح كفرة وملاعين قتلوا عمى واخويا قصادى وقصاد عينى ماتو اعز الاحباب البيت كان متوينا شوفته طوب وتراب
على بابه شجرة جميلة ارويها تبقى مرعرعة نقعد والقعده جميلة تحتها احنا الاربعة شجرة
مزروعة بايدين جدى هدموه اعداء الدين حرمونا من لمتنا مفدلش غير الشجرة اقعد تحتها وابكى وفوقها ضوء القمرة فكرنى واحنا بنحكى وف بلدى امريكان وكفرة وجيش مبرحمناش ومفيش غير الحجرة احدفها قصاد رشاش والحجرة هتعمل ايهقدام جنود مرصوصة وفين الامل نلاقيه وكلمة سلام محبوسه

انا صلاح foraten.net/?foraten.net/?foraten.net/?foraten.net/? من العراق واعيش حاليا بمصر من 12 عام وعشت بالعراق 9 اعوام لم اتذكحر بها اى شىء سوى ساعات الطفولة بل سنوات الطفولة ولكنى اعيش على حكايات امى لى
ولى فى قلبى اشتياق ان ارجع لها
اخوكم صلاح من العراق العظيم
لمراسلتى

أخي الكريم صلاح سوف اقوم بحذف الايميل لئنه

خارج قوانين منتدياتنا

اتمنا التزامك بقوانين المنتدى

ولك جزيل الشكر على المشاركه

الاداره

انا اتشرف اني انتميت لمنتداكم العراقي الرائع

ارجوا ان تقبلوني عضوة لديكم

اختكم الغزالة
مولودة بأبوظبي (الامارات)

ورجعت للعراق سنة وحدة بسسسسسسسسسسسسسسس
رحت ادرس بالعراق بس ما استحملت الوضع ورجعت لدار زايد

يعني صارلي 18 سنة بالامارات
:( :( :(

دعواتنا للعراق الحبيب مشتاقة اعيش فيه كثيييييييييييييييييييييييييييييييييييييييييييييير
احبه وااااااااااااااااااااااااااااااااااااااااايد

فديت ترابه

مشكوره غاليتي ام فاطمة على موضوعج المميز وهذا ليس بغريب علينا من انسانه مميزه

طبعاً اهلي تغربو قبلي عاشو في سوريه وعشت انا هناك حوالى ثلاث سنوات ونصف وبعدها سنحت لهم الفرصه وهاجرو مره أخرى الى الدنمارك حيث نحن نعيش الآن يعني ولدتو في غربه وعشت في غربه ودراستي ايضاً في الغربه لم ارى بلدي الحبيب ابداً
و اتمنا العوده الى بلدي يوماً ما ودعواتي كلها لأهل بلدي بلأمن والاستقرار
والعوده لكل عراقي مغترب عن قريب ان شاء الله
وشكرا مرة ثانية ام فاطمة
تحياتي و احترامي

اخواني واخواتي العزيزات , حياكم الله بهذه الصفحة

التي جمعت جميع القلوب المغتربة


شاكرة لكم حسن التواصل والمشاركة

اختي العزيزة نارين ,, أعانكِ الله على غربتكِ , اٍال الله ان يمن عليك بالصبروالعودة الى البلد الحبيب.



اخي الكريم zedoon_ir , شاكرة لك مشاركتك معنا , وأعانكم الله على غربتكم .



اخي الكريم اسكندر الزمان ,, اهلا وسهلا فيك بمنتدانا , والله يعينك , 12 سنة مو قليلة
هذا عمر , لكن ما نقول غير الله أرحم الراحمين , ان شاء الله ترجع لبلدنا الحبيب وتسترجع
جميع ذكرياتك , واتمنى نشوفك دائما في بيتنا الفراتي , مشكورة على المشاركة .



اختي الكريمة الغزالة الحزينة , اهلا وسهلا بيج معانا في منتدى الفرات , واتمنى منك التواصل
واشكرج على مشاركتك الحلوة , وان شاء الله يصير الوضع احسن في العراق
وكنا نرجع , لان مالنا غنى عن بلدنا .



اختي العزيزة كتكوتة ,, نورتي الموضوع بمرورك يالغالية , والله يعينج عزيزتي
لانك ما شفتي بلدك وهذه جدا صعبة , دعواتنا لعراقنا الحبيب , وان شاء الله يتحسن الوضع
وترحين تشوفين اصلك وناسك .



مشكورين جميعا والله لايحرمني من تواصلكم الرائع والمميز

انا عراقي من اهل البصره مدينة انخيل والخليل مدينة الشاعر الكبير الله يرحمة بدر شاكر السياب احب ان انقل تحياتي واشواقي الى اخوتي الموجودين في العراق وخارج العراق واشكر السيد مدير الموقع والى كل من شارك في تطوير هذا الموقع الجميل الاول على المواقع العربية والعالمية والنقف اخواني وقفة واحدة الى الله سبحانة وتعالى وندعو عند ربنا بجاة شهر رمضان شهر الطاعة والايمان بان يوحد طريقنا ويجمع شمل العراقيين اجمعين وان يزيح الغمة عن بلادنا ويرجع العراق واحد لاينكسر وان امام العدوان على بلادنا وندعو من اخواننا ان نكون قوة واحدة لاتفرقنا التفرقة الطائفية نترك الطائفية وننضر الى مستقبل العراق مستقبلنا مستقبل اطفالنا اطفال العراق اخوة اخوة حتى الموت -- سنة --وشيعة --وكرد --واشور --وكلدان لايفرقهم الة الموت في سبيل الوطن العراق العراق العظيم والله اعظم الى اخواني اريد رد وتاييد لهذة الكلمة التي تنبع من اعماق قلبي عليكم وخوفي على بلدي وشكرا لكم اخوكم ابووسام

اهلا وسهلا بيك اخوي صادق العراقي منور المنتدى اخي الكريم والله يسمع دعائك اخي انشاءالله بوجودكم

واوجود الشرفاء من ابناء الشعب العراقي يتطهر العراق من هذه الايدي الخبيثة التي تزرع التفرقة والطائفة

العنصرية .

فااهلا بك اخوي الكريم منور المنتدى وياريت تتفضل الى منتدى الترحيب لنقوم بالواجب

سلام عليكم طبعا اول شي اريد اشكركم على هذا الموضوع الجميل و اشكر اختي الحالمة على هذه الفكرة الي اعتقد انه الشي الوحيد الي يجرنا على دخولة و المشاركة بيه سوى بحر الشوق والحنين الي بداخلنا . طبعا اني حديث على المهجر يعني صارلي سنة و نص بس اني و بلا حسد بس اريد اتعلم منكم شلون تكدرون تصبرون كل هاي الفترة مثل 10 و 15 سنة اني هسة بالسويد و قبلها بالنروج و بايطاليا بس اتصدكون اني و اللة شاهد علية انو ماكو يوم نمت بليل نومة عادية اذا ما افز من النوم بس اريد ابجي ما ادري ليش و ما ادري شلون حتنكظي يلة اللة يفرجهة عاد و نرجع لبغداد.اخوكم محمد البغدادي:4:

السلام عليكم ورحمة الله وبركاته

اهلا وسهلا بكل الاخوان الي شرفونا بمرورهم وردودهم الرائعة

مية هلا بالاخ صادق العراقي , منور منتديات الفرات ومشكور على كلامك الحلو , هذا كله من ذوقك اخي
ويارب يستجاب دعواتك الصادقة وان شاء الله يارب تنزاح هذه الغمة عن بلدنا الجريح
مشكور على مشاركتك ونتمنى نشوفك دائما منور منتدانا .

اهلا وسهلا بالاخ الكريم ماميش

منور اخي الفاضل منتدانا , ويسعدنا ويشرفنا انضمامك لمنتدانا
واذا تحسدنا عالصبر , فصدق اخي السنين تمشي بينا كوه علينا
والغربة صارت تجري بدمنا , يعني شي خارج عن ارادتنا , باول غربتنا
كنا مثلك نقول شلون راح نصبر واحلام مزعجة واشتياق كبير ما ينوصف
وكآبة مالها دواء تراودنا كل يوم , لكن ما باليد حيلة شي وانفرض علينا
وشوية شوية بدينا نتعود عالوضع الجديد , بس وثق بالله
انه رغم كل هذه السنين الطويلة اللهفة والاشتياق زاد ما نقص
والامل موجود

والاكثر من هذا وذاك انه ماكو يأس من رحمة الله , ونصبر انفسنا بقول رب العزة والجلالة

( ولاتقنطوا من رحمة الله ان الله غفور رحيم )

(ومن يتقي الله يجعل له من أمره يسرا)
تحياتي لك اخي الكريم وحياك الله معانا

السلام عليكم
تحياتي الى كل عراقي وعراقية في ارض الوطن وخارج الارض الوطن
ادعي من الله العلي القدير لكم بالموفقية لجميع العراقيين
وكل عام وانتم بالف خير
اخوكم خالد المياحي

السلام عليكم
اولا احب اشكر صاحبة الموضوع اللي يعطي فرصة للمغتربين ان ينفسو عن انفسهم و يعرف كل واحد ان مثله في الغربة كثير.
انا اعيش في السويد مند 1997 و قبلها عشت في سوريا مند 1975.
عندي اطفال اثنين ولدو في السويد و لم يرو العراق الا من خلال الصور او التلفزيون مثل امهم
ان شاء الله يرجع لنا بلدنا و نعيش فيه و لكن اتساءل هل سيقبل بنا بلدنا و نحن الدين عشنا طول عمرنا بعيدين عنه

اهلا وسهلا بيج اخت عزيزة معززة معنا ومنورة المنتدى ياوردة ونحن هنا اغلبنا ايضا مغتربين

ومشتاقين للوطن الجريح وانشاءالله ياربي يعود لنا وطننا مثل ماكن وافضل دون ظلم وضطهاد يارب

ونعيش باقي ايام عمرنا بيه يارب

ميت هلا بيج معنا بالبيت العراقي الي يجمعنا هذا وياريت تنورينا بقسم الترحيب لنقوم بالواجب

اقتباس:

---

المشاركة الأصلية كتبت بواسطة بصراوي مشاغب

اهلا وسهلا بيج اخت عزيزة معززة معنا ومنورة المنتدى ياوردة ونحن هنا اغلبنا ايضا مغتربين

ومشتاقين للوطن الجريح وانشاءالله ياربي يعود لنا وطننا مثل ماكن وافضل دون ظلم وضطهاد يارب

ونعيش باقي ايام عمرنا بيه يارب

ميت هلا بيج معنا بالبيت العراقي الي يجمعنا هذا وياريت تنورينا بقسم الترحيب لنقوم بالواجب

---

شكرا لك على الكلام الجميل و ان شاء الله ربي يلم شملنا و ينهي غربتنا

اقتباس:

---

المشاركة الأصلية كتبت بواسطة خالد حسن المياحي

السلام عليكم
تحياتي الى كل عراقي وعراقية في ارض الوطن وخارج الارض الوطن
ادعي من الله العلي القدير لكم بالموفقية لجميع العراقيين
وكل عام وانتم بالف خير
اخوكم خالد المياحي

---

وتحياتنا لك اخي الفاضل , واهلا وسهلا بك في منتدانا
والله يتقبل دعواتكم الصادقة , بارك الله فيك
وحياك الله بين اهلك وناسك .

اقتباس:

---

المشاركة الأصلية كتبت بواسطة sinaa

السلام عليكم


اولا احب اشكر صاحبة الموضوع اللي يعطي فرصة للمغتربين ان ينفسو عن انفسهم و يعرف كل واحد ان مثله في الغربة كثير.
انا اعيش في السويد مند 1997 و قبلها عشت في سوريا مند 1975.
عندي اطفال اثنين ولدو في السويد و لم يرو العراق الا من خلال الصور او التلفزيون مثل امهم
ان شاء الله يرجع لنا بلدنا و نعيش فيه و لكن اتساءل هل سيقبل بنا بلدنا و نحن الدين عشنا طول عمرنا بعيدين عنه

---

اهلا وسهلا بيج اختي العزيزة , نورتينا والله ولاشكر على واجب
كلنا نغتربين ونحس بمعاناة بعضنا البعض
وان شاء الله يرجع بلدنا وينتعش حاله , حتى كلنا نرجع ويلتم شملنا
واحضان الوطن فاتحة ذراعاتها لابنائها دائما
لكن تبقى علينا احنا نكون فاتحين قلوبنا وعقولنا لبلدنا
حتى نطوره ونبنيه للافضل والاحسن .

تحياتي الج ويارب يرجع كل غريب الى بلده .