الى الحكام ( العرب ) وماساة غزه

شلكم بالعكل ..
واطفال اخذهه الموت
تسبح من دماهه وبيها ماتدرون !
ومن تصرخ الحره تريد ناس تكوم
وياصرخة الحره تنادي العنده غيره تكون !
وشلكم بالعكل ..
وانتم دمى وبيد اطفال
مثل خراعة الخضره لتجيبون لتودون !
عيون الكم متعجب تنام شلون
وبنص غزه حفلة موت
تستاهل تجون بنصهه وتركصون !
ياصحرة ضماير والكصص جلمود
بعلم اسرائيل فرحانين وتتباهون !
اشباه الرجال ولا بعد دون الدون
ودعتوا المستحه والذله الكم ثوب
وكون اعله المزابل خيبه تنذبون
بوكت الحجي واحدكم ابن شداد
وبوكت الصدك نعامه وروسكم تخفون
ياامة عرب .. يادين يا ا سلام
ملوك وقاده تخدمكم يابني صهيون
ياذله اعله ذله وعار خلف عار
يخدام الكراسي لياوكت تبقون !
ذيوله وابد مايوم تصبح راس
يعمي عيون انتو وما اظن تفتحون
عجوز بغزه دمعتها تساوي الكون
وانتو جفوفكم تركص وسط جف شارون
ياعار الزمن والخجل عنكم وين
عالذل موبديكم فرض بيه ترضون
ياحسني الامبارك يافهد يافلتان
ياخيبه شكبره وعشعشت عالكون
باجر من يجي ومن يحجي التاريخ
ياخيبة زمنكم بالله شتكولون


تحياتي ماجد الشاعر 28 /12/2008

عزيزي ماجد
الرؤساء والملوك وووو -- العرب هذوله وصمة عار بجبين
التاريخ همه وجامعتهم هذوله خدم لليهود لان ماعدهم غيره
لا على عرضهم ولا ارضهم وعيب عليهم يلبسون عكلهم خل ينطوها لنسوانهم اشرفلهم لانهم عبيد عند امريكا واسرائيل
-----
شكرا يا مبدع على هذه القصيده التي فيها العتب الكثير للناس اللابسه عكل والناس الماعدهم مستحه والماتهمهم صرخة الحره
والما عدهم ضمائر
تقبل مروري وتحياتي

سنظل على الذل ننام -- اشباح ٌ تسكن الأجساد

وتأن الحرة -- والطفل في المهاد

وتصرخ القدس فكلهم جلاد

احسنت ياماجد -- نطقت فأصبت

تحياتي لك عزيزي

تسلم اخي الكريم هاشم ولمرورك الجميل ولك مني الف تحيه
وسعيد جدا بمرورك الجميل

شكرا لكلماتك والجميله ولمرورك الغالي ام فيصل هكذا تعودنا عليك دائما

اسف كون القصيده سريعه وارتجاليه وربما لاترتقي لمستوى الحدث

شكرا اخي العزيز ماجد الشاعر الورد
على الكلمات المميزة
عاشت الايادي اخي كلمات رائعة ونابعة من قلب حزين
على وضع لايعلم الا الله متى ينجلي
وعلى حكامنا لانقول الا لا حولة ولا قوة الا بالله
وتحياتي
http://up.foraten.net/uploads/64d7738e18.gif

حبيبي اسد العراقي شكرا لمرورك الجميل زكلمات الرائعه اسعدني مرورك

صح لسانك اخويه العزيز ماجد
نطقت فصدقت ولكنن لا حول ولا قوه الا بالله
تقبل مني خالص الود والتقدير
ودمت بحفظ الباري

تحيه لك حبيبي حيدر ومنورنا بمرورك الرائع

صح السانك اخي ماجد قصيده رائعه عاشت ايدك الكريمه وضعت الدواء على الجرح عاشت ايدك ياشاعر

شكر اخي الكريم الزير الروماني لمرورك الجميله وكلمتك المعبره لك تحياتي