إلى من سرقها مني القبر ((صــــور وجــــروح ومـــلح))
وحدي عايش ليل يترجه الگمر
وتنزف جروح الشبابيچ عله مودك
شوگ وعيون ومطر.....
وين رايح؟خشبة التابوت عميه وانت بعيونك صور من ماي روحي
الموت مايقره الصور.......
الموت مايرهم عليك..
الموت من گد اليتامه الراسمين عيونهم بالعيد بيّاعة قهر
الموت لو سامع ضحكتك چانزل ساجد يبوس چفوف اديك
الگبر مايعرف ترافه.....
الگبر لو شايف طعم شبگة زنودك
ماطبگ روحه عليك......
ولاكلت بخدودك سنون التراب...
خدودك الچانت ضوه بوحشة صفنتي شلون طفتهه السنين
وسدت بعينك ضواهه
وفتحت عله جروحي باب.....
وانت تدري
تعودن تلچمهن انت
وبعد مايرضن غريب يمر عليهن
جروحي كلش يستحن
يبچن بسكته
خاف واحد يخطف ويسمع بجيهن.....
البارحه سولفنه بيك
آنه وجروحي وصورك والملح...
چانت اول ذكرى صوره
الصوره سألتني عليك
اتلعثمت بأول حرف من ردت أجاوب
ردت أنسيهه السؤال.......
ودرت ظهر الصوره بس شنهي بظهرهه!!
الصوره مطعونه برمح.....
رمح فرگاك بظهرهه وتنزف الصوره غياب
تكسر الخاطر مثل طفله يتيمه
تريد من عندي جواب
وشرد أگلهه......
فلان بدل ثوبنه بثوب التراب!!!
وصبرتهه....
وسكتت الصوره وبقه ينزف ظهرهه
وچنهه نامت
توهه نامت
شهگ بضلوعي جرح......
أول جرح شايل طبع غيرة فلح
شالوا مساحيهم صرح.....
هيچ انه جرحي مچلب بحلگ الرمح
وعنك سألني.....
تحيرت بيناتهم صوره وجرح......
وأتلعثمت بأول حرف نار وحچي
وظل الملح ياكل بروحي
وذبلت جروحي معاناة وبچي
ليله مو ليله رهيبه
عبريناهه نزيف وذكريات.....
وحشمت حته القصايد
بلكي تفزعلي ولو ومضة حياة.......
ياهي الاقراهه وتفك حزني عليك؟؟!!
اوراقي كلهن گلبّتهن مالگيت
شلون تطلع ضحكه من ورقة وفاة؟؟!!
وراحت وياك القصايد والصور والذكريات
وبقن بيه جروحي وچفوف الملح
وعشت بالگوه بغيابك
عشت ميّت
آنه وجروحي جرح ياكل جرح
آنه وجروحي جرح ياكل جرح
عاشق عيونك
رد: إلى من سرقها مني القبر ((صــــور وجــــروح ومـــلح))
وحدي عايش ليل يترجه الگمر
وتنزف جروح الشبابيچ عله مودك
شوگ وعيون ومطر.....
وين رايح؟خشبة التابوت عميه وانت بعيونك صور من ماي روحي
الموت مايقره الصور.......
قصيدة جميلة وحزينه
عن الفراق والغياب
عاشت ايدك ياعاشق
وتحياتي لك
رد: إلى من سرقها مني القبر ((صــــور وجــــروح ومـــلح))
عاشت ايدك ياعاشق
وتحياتي لك:8:
رد: إلى من سرقها مني القبر ((صــــور وجــــروح ومـــلح))
شكرا ام فيصل ..مغترب ع المرور الله ليحرمنا من ردودكم يلغالين
تحياتي
رد: إلى من سرقها مني القبر ((صــــور وجــــروح ومـــلح))
البارحه سولفنه بيك
آنه وجروحي وصورك والملح...
چانت اول ذكرى صوره
الصوره سألتني عليك
اتلعثمت بأول حرف من ردت أجاوب تسلم ايدك الي كتبتهة
رد: إلى من سرقها مني القبر ((صــــور وجــــروح ومـــلح))
شكرا نومة ع المرور
تحياتي
رد: إلى من سرقها مني القبر ((صــــور وجــــروح ومـــلح))
تسلم اخي العزيز عى هذه القصيده الرائعه والكلمات الرائعه
تقبل مروري وكل عام وانت بالف خير
:66 (46)::66 (46)::66 (46):
رد: إلى من سرقها مني القبر ((صــــور وجــــروح ومـــلح))
كل عام وانت بالف خير هاشم الغالي شكرا ع المرور منور
تحياتي
رد: إلى من سرقها مني القبر ((صــــور وجــــروح ومـــلح))
تقبل مروري اخي الكريم عاشق عيونك وشكرا للكلمات الرائعه والعزف الجميل على سكون الليل وهدؤءه
رد: إلى من سرقها مني القبر ((صــــور وجــــروح ومـــلح))
شكرا ماجد الغالي شكرا ع المرور
تحياتي
رد: إلى من سرقها مني القبر ((صــــور وجــــروح ومـــلح))
قصيده جميلة جدآ عن الفراق
تـــــسلم الايادي
تحـــــياتي
رد: إلى من سرقها مني القبر ((صــــور وجــــروح ومـــلح))
رد: إلى من سرقها مني القبر ((صــــور وجــــروح ومـــلح))
شكرا احزان ع المرور
تحياتي
رد: إلى من سرقها مني القبر ((صــــور وجــــروح ومـــلح))
منور اسد شكرا ع المرور
تحياتي
