انه والليل وصفنتي
وصوت حاير !!
مدري ليش .. اشبيه حاير !
ودموع من تبجي القصيده
تحرك اوراق الدفاتر !!
وبعيني شفت الناس تضحك !
وليش تضحك ؟
جيه تموت بلا سبب
انبل مشاعر
واني وعيون الشمس
انتاني باجر !!
وصوت محبوبي تعده
وما سمعني من صحتله
لا .. سمعني بس سكت مارد عليه !
ودار عينه ولني وحدي
لان مكتوب اعله كصتي
عمري هذا اكضيه حاير !!
وانه لعيونك حبيبي
راضي تاكل روحي حيره !!
وراضي اتسله بدمعتي
وماعرفت بدربي غيره !
وانه وعيون التعب صرنه حبايب
واشتهينه انبوس اثر جدمك من تفوت !
واشتهينه نكتب اعله خدودك قصيده
تكول يالمبعد تعال
ولا تظل مثلي انت حاير
تحيات ماجد الشاعر 25/11/2008
