هاي الفقره غير تضوج شوفو هم تضوجكم لو بس اني

السلام عليكم ورحمه الله وبركاته
شلونكم كلككم على بعضكم
أجتني هاي الرساله على ايميلي
وكلش عجبتني فحبيت اشترك بيها وياكم
وهي عباره عن فقرات كلنا مارين بيها ...بس
بصراحه (((تضوووووووج حيل )))


إنت نايم على القريولة مالتك، ومطفّي الضوة، ومتغطي بالبطانية، يجي واحد من أهلك ويفتح باب غرفتك ويگلك: "ها عبود!! شنو نايم ؟؟"
لا والله دا ارگص وأغنّي.. بس إنت دتتخيل آني نايم

معزومين يم جماعة، ووصلتوا.. دگيتوا الباب.. يفتحلكم واحد من أهل البيت وراسا يگوللكم: "ها..جيتوا ؟؟"
لا والله بعدنه على الطريق.. بعد نص ساعة نوصل لطويريج.. إشوية إزدحام

لابس هدومك الحلوة، ومتعطّر، والجل على شعرك يخبّل، وبيدك ميدالية مال مفاتيح السيارة (إذا عندك سيارة).. تجي أمّك وإتكول: "ها إبني.. طالع ؟؟"
لا والله يُوم.. دا أطلع للسطح.. وأعدّل الدش مال الستلايت.. بلكي يطلّعلي قناة عرعر.

لازم الكتاب لو الملزمة، وگاعد دتقرة لأن باجر عندك إمتحان، وناثر الكتب حواليك والأوراق مطشّرة بكل مكان.. يطب أبوك ويگلك: "ها إبني.. دتقره ؟؟"
لا والله يابة.. دا أبدّل الدهن مال السيارة ودا أصلّح الكابريتر.

توّك لازم السماعة مال التلفون واتريد إتخابر صديقك (لو صديقتك)، وبديت إدّك بالأرقام.. تجي أختك وتسألك: " شنو دتخابر"
لا والله.. دا أسوي زلاطة.. بس السچينة عمية ومدتنگص الطماطة وياية

واحد يأشّر لتكسي.. التكسي يوكفله.. يگلّه للسايق: "فارغ ؟؟"
لا والله عندي أربع خطوط مال مدارس لازم أجيبها، وأريد اروح أتسوّك قبلها، واشتري لحم، وأشتري ركيّة، وأدفع قائمة الكهرباء.

راكب نفرات بكيّا.. إطلِّع (ربع دينار) وتنطيها للكدامك.. الكدامك يسألك: "واحد عيوني ؟؟"
لا عيوني.. 20 واحد ورجعلي الباقي

إتريد تنزل من الكيّا.. تگولّه للسايق.. على اليمنة بلية زحمة.. السايق يسألك: "شنو.. إتريد تنزل ؟؟"
لا والله .. دا أجرب حسّي.. أشوفه حلو لو محلو من أحچي

تقبلو تحياتي

حيدر القريشي

ههههههههههههههههههههه
ههههههههههههههههههههههههههههههههههه
والله موبس اضوجني ادمرني اطلعني من صوابي
تحياتي الك حبيب كلبي
تقبل تحياتي وودي

هههههههههههه ههههههههههه
صدك هاي المواقف اتضوج واتملل الواحد
عاشت ايدك خويه حيدر

هههههههههههههههههههههههههههه مشكور

هههههههههههههههههههه
ههههههههههههههههه
هههههههههههه
ههههههه
هههه
هه
ه
واله عاشت ايدك ابو شهاب على الموضوع
واله هاي السوالف تطلع الروح مو بس
تضوجنتي تحياتي
لك اهل العراق

شكرا على مروركم الرائع
وتقبلو تحياتي

هههههههههههههههههههه
هههههههههههههههههههههه
صدك تطلع الروح
مشكور حيدر
ســــــــلامي

العفو احزان
وشكرا على المرور
منوووووووووووووووره
تقبلي تحياتي

:66 (46):شكـــــرا:66 (46):
ههههههههههههههههههههههه
كلش مميزة وجميلة جدا ياورد
:66 (46)::66 (46):عاشت الايادي:66 (46)::66 (46):

والله هاي اشياء حلوه احس دايما اعملها



........حبيبت العراقي

شكرا على مرورك اخويه رافد
وشكر على مرورك حبيبت العراقي
وتقبلو تحياتي