تمنيتك تجي !

تمنيتك تجي ..
وتشوفني بياحال .
وفركتك جان تدري اسوت بروحي .
وتمنيتك تجي ..
واحجيلك المضموم
وكل لحظه بغيابك تجفل جروحي !
يا شنهي . شأوصفك
منين ابدي وياك !
اذا كربك فرحتي .
وبالبعد نوحي .
ابجي اعليك طبعا من تصير بعيد !
وافرحلك عمر لو كربت يمي !
جاري الماي انت وانه العطشان
اموت بجيتك واكطع نفس همي !!
تانيتك عمر والعمر كله وياك
وشلي بالعمر ياصاح من دونك
اني اسمك زرعته فوك باب الروح
وديرت عمري قصيده تغني لعيونك !
اخاف اعليك منك من مهب الريح
واحسدهم هللك كدما يشوفونك ...


تقبلوا تحيات اخوكم ماجد الشاعر

قصيدة رائعه حبيبي انته
تقبل تحياتي يامبدع
لك ودي وتقديري

الله يا اخ ماجد قصيدة خرافية تسلم

اهــذا عشــق ٌ أم هيــام ؟

اجبني يامن ترسل الكلمات كسيل ٍ جارف

ماجــد الشاعر -- اطربنا اخي بكلماتك التي تترنح بين الروح والضلوع

لتعلن أن الحب الحقيقي لازال موجود

مبدع ياشاعر

الله ياماجد والله رائع في كل كلمه نسجتها يمينك بارك الله بك

ماجد الشاعر
احسنت على ما قدمت هنا
سلمت اناملك على ما خطت
تحياتي

العراقي

اني اسمك زرعتة فوك باب الروح....لااظن ان مكانا اقرب من هذا لمن تحب
ودرت عمري قصيدة تغني لعيونك...من يملك احساسك لابد وان يدير عمرة قصائد لمن يحب
تقبل اعجابي بقصائدك من الاحترام

اخي محمد الغالي الحقيقه لا تسعفني الكلمات كي اوفي جزاء من حقكم علي وان احتفائكم بي
ليشعرني بسعاده لاتوصف تسلم حبيبي الغالي

الاخت الغاليه ام فيصل تحيه لك وسؤالك اسعدني وسأرد عليه بقصيده لاحقا ممنون منك ولك الف تحيه
اخوك ماجد الشاعر ........

والله اخي الزير العزيز انتم الرائعون واغرقتموني بفيض كلماتكم لك مني كل الود والاحترام .........

واحسنت حبيبي مصطفى الورده على مرورك الجميل وكلماتك الاجمل

اما انت حبيبي زمن الرحيل فكلماتك تسعدني وتشعرني بفرح غامر لك مني كل الود والاحترام

شكرا جزيلا لكم احبتي ولكم مني ارق تحيه مع خالص دعائي للجميع بالصحه الدائمه