يابستان العشگ فلاحك انه العام
زرعت اشواگي بيك وخضرت ورده
وگرب وكت الحصاد وجيتك انه اليوم
اشو لاشم عطر لا اشوفا الورده
يابستان العشگ احجيلي عن الصار
أنا مسافر جنت كل هذي المده
يفلاحي استريح واسمع الأخبار
وذب حبل الحصاد ومنجلك هده
مر بينه غريب وهاي من شهرين
وتعلكت بيه وردتك صارت اتوده
وهوه يرسم عليه ويتعنه كل يوم
يمد أيده عليها وهيه مترده
حاولت امنعهه ونهي الي صار
بديهه جلبت ما قبلت اتهده
عافت هل حديقه واعتنت وياه
كل ضنهه الوفه اشوفه من عنده
وجازاها بغدر ما شافت الإحسان
ولا نامت العين بصحبته رغده
تعنيت انه ليها وجني ادك بالبيبان
اوصلت انه الغريب وقبل ما انشده
شفت وردتنه ميته بلا ذنب بالباب
وصاحبنه جديده الورده البيده
وصاحبنه جديده الورده البيده
تحياتي
العراقي
