قصيدة دوخني العراق

دوخني العراق
*************
ابوك من الفرح لسمك حـرف وانطيك
والكــــه ويه الحزن متقاوله حروفـك
واكول اجرح جروفك حته تنزف ماي
وتظل تنزف جثث من اجرح جروفك
واظـــل دايـــخ بوصفك وبكبر معنـاك
وادوخ اكـــثر بعد ياجـرح شــيروفك
نذر خلصت عمــرك لجل هــذا وذاك
ومفصل الركــاب كــراب لسيــوفــك
اســف هــدت عليك الكــبل بيك تـلوذ
وخــيرهم صبــح للمــوت زافـوفــك
جنت الهــم درع وحــزام للكــلفــات
وجـازوك ونعــم قيـــمــو معــروفك
كبـــل باســــو جفــوفك مــن لفـاهم
بــس لمــن ترهــــو كصــو جـفوفـك
وتكتلني بصفنتك وانــه صاير نـار
واسئلك يمته تخلص ســيدي طفـوفك
حلمك ما قنــع ينزع ســواده بـيوم
وفـــكر تنكــلب عريــس بطـــــيوفك
مــو خلصو شبابك ياهـو للنـسوان
تنطيـهــن سبايه شلـــون ما اشــوفــك
للشاعر foraten.net/?foraten.net/?foraten.net/?foraten.net/? السلطاني
اتمنى تعجبكم

والله وعاشت ايدچ اخني قصيده بحق جميله تسلمين على الانتقاء الرائع للقصائد (اللهم لحد ايدوخچ )

شكرا اخي ابو حيدر والله تخجلني بكلامك
كلك ذوق الله يسلمك

ملكة الاحساس

نقله جميله واختيار موفق شكرا على هذا المجهود

تحياتي

العراقي

سلمت اناملك قصيده رائعه
شكرا لك ولذوقك الرائع
تقبلي تحياتي

شكرا اخي مصطفى على المرور الشفاف
وشكرا اخي محمد على المرور الشفاف
نورتو الصفحة

شكرا على الاختيار الجميل لشاعر جميل تحيه لك ياملكه وتحيه لحبيبي ابو حيدر foraten.net/?foraten.net/?foraten.net/?foraten.net/? السلطاني

كبل باسو جفوفك من لفاهم( ............ ) هنا كلمه نقص !

اختيار جميل ورائع

دائما تتحفينا باختياراتك ياملكة

كل الشكر لك ولعطائك والمجهود

شكرا اخي ماجد وشكرا اختي ام فيصل
نورتو الصفحة