غيره ومرجله صارن وسام الكون
ومن جيلن لجيل اسلمن عهده
اليوكف وحده وكباله دنيه جيوش
شنهو من الرجوله. وهذا شتعده !
تجي مدنكه المراجل ماتشيل الراس
ادور عن خياله وتحتمي بسده
وارثهن ورث والباري خصهن بيه
من حيدر ابوه ومن حضن جده
كوم اسأل كربله عن يوم ابو الاحرار
تسولفلك وكفته بساعة الشده
لا كلبه الرجف لا بالحياه طمعان
لا همه الجمع لا خيل لا عده
تتباهه الشمس لمن تصد اعليه
وتبوس الرمال الامست خده
لان بالدم شره للناس عز الناس
ولان صوته جناح اعله الخلك مده
موعجبه الذهب يسجد اباب حسين
ولا عجبه الزمان شما مضه يخلده
اذا فاطم ترضعه وحيدر يناغيه
وجبريل الامين بايده هز مهده
وافر الحب والاحترام من اخوكم ماجد الشاعر
