(طلع البدر علينا)احدث ماكتبت لكل من يريد الدمار لبلدي العراق (عليه السلام)
اكضي الليل وكفه شطوله صار الليل
ومادنكت راسي ورحت حاجيته!!
جنت بالبيت عايش بس جنت مرتاح
هسه البيت خايف يكعد ابيته
تعبت العيون ابكثر ماتانيت
وتابوت البواجي بدمع دكيته
عمر خلصته صاعد عالنخل ناطور
صرت اعيون كلي وكلي تانيته!!
((طلع البدر علينا))
صح شفت البدر بس بدر بيد الليل
بس ايريد يريد ترك حريته
ابكيف الليل تطلع جاشني اشسويت
ظل الليل يحكم شني السويته
كتله صوتي الك ولساني مو وياك
الشاعر مستحيل ايبيع قافيته
توه الساني خضر عمره خمس اسنين
خمس اسنين عمره وينهجم بيته
الحاكم كون يكعد واليتامه اتنام
مفروض اليتامه اتصير شعبيته
الحاكم مو ابقلعه ابنص صريفه ايعيش
الحاكم لوفقير الفقره حاميته
الابس زي معمم عنه قاري اهواي
عرفت اعمامته وحللت خاجيته
شرعية المعمم مو من الخضراء
المعمم بس علي الكرار شرعيته
المثلك مون يسال ليش ضدي الليل
وكف ضدي لان نجمات بجيته
المثلك مايحب الخارطه البطول
يحب بس الطرف والطرف سبيته
المثلك كون يسال عالفقير اشبيه
ضدك ليش جي مايوم حبيته
شني ذنب الفقير ايريد بس يرتاح
لايرتاح بس ترتاح بسطيته؟؟؟
الجسر خلص حياته اعله النهر خيال
طيحت الجسر بس بقت قدسيته
صوج اجتافي هاي السوتك خيال
وكبل لاتصعد انه الفرس وصيته
ماشايف كلتله وكتله راح ايشوف
خله ايشوف بلكي انشوف تاليته
مامستعد اكتل جندي راد ايعيش
واشوف ادموع عوزه ابوجه بيريته
بكد ادموع دجله احساب عندي وياك
ويجي اليوم الاكلك شفت صفيته
كتلك كوم حجب فرعوا بغداد
زيج البصره بيدك ليش شكيته
شط العرب تدري اعله العرب زعلان
يمك بالجذب مارحت راضيته
تره السياب ابنهه وهوه راعي البيت
الخيام اشعليه للبصره دزيته
وعلى مود النفط يتفلش السياب
لوبيدي النفط والكعبه سديته
العراق بكبره كلك كوم للحدباء
امس ذب الاعكال ولبس بيريته
امس دمعاته طاحن فوك خد اربيل
وخد اربيل كردستان سابيته
يكضي الليل باجر بس ولا احاجيك
صوجي الليل الك بليل وديته
عمره خلصته اتاني وهم اتاني اردود
موفوك النخل يانخل كصيته!!!!
رد: (طلع البدر علينا)احدث ماكتبت لكل من يريد الدمار لبلدي العراق (عليه السلام)
ابدعت والله قصيده رائعه
اخ الخزاعي:66 (46): تحياتي الك ياطيب
اغاتي انته
صح السانك وعاشت ايدك
تقبل مني كل الاحترام والتقدير
ننتظر منك المزيد يامبدع
رد: (طلع البدر علينا)احدث ماكتبت لكل من يريد الدمار لبلدي العراق (عليه السلام)
الاخ الخزاعي والله ما شوف الحروف لان ادموعي نزلت انت وقصيدك هاي على راسي مبدع رائعه بكل معنى الكلمه تهاني من كل قلبي اجمل ما قرات في المنتدى اخي العزيز اتمنى ان تكون انت كاتب هذه القصيده لانها حقيقتا (صطرتني)فالى مزيد من الابداع تقبل مني كل الود والتقدير
رد: (طلع البدر علينا)احدث ماكتبت لكل من يريد الدمار لبلدي العراق (عليه السلام)
الله الله الله
يا علي الملا والله لقد كتبت فاجدت الكتابه
ووصفت اتقنت الوصف
تحياتي لك اخي العزيز ولقصيدتك الاكثر من رائعه
استمر فنحن لك متابعون
تقبل تحياتي
العراقي
رد: (طلع البدر علينا)احدث ماكتبت لكل من يريد الدمار لبلدي العراق (عليه السلام)
انافقط اقول لك بارك الله فيك وكثر الله امثالك
وانحني اجلالا وتقديرا لك على هذه القصيدة الرائعة حقا
وتقبل مني كل الود والتقدير
رد: (طلع البدر علينا)احدث ماكتبت لكل من يريد الدمار لبلدي العراق (عليه السلام)
ياخزاعي والله الذي لا إله الا هو
العراق مايضيع ولا يدتك بيوم مادام بيه هالوجوه الطيبة وهالشعب العريق
العراق رايته بيضة بيكم -- لأن مو كل وطن بالكون هوه العراق
العراق مفصل بس للعراقيين -- عاشت ايدك يانشمي
ومرفوعين الراس بيكم دوم -- حته لو جدتوا بحرف للعراق
دمت ودام لنه هذا القلم الرائع
والى الأمام اخواني الشعراء وتحياتي لكل من يحمل سلاحه القلم
دا
رد: (طلع البدر علينا)احدث ماكتبت لكل من يريد الدمار لبلدي العراق (عليه السلام)
الله الله ياعلي قصيده اكثر من رائعه تحياتي الك بامبدع
رد: (طلع البدر علينا)احدث ماكتبت لكل من يريد الدمار لبلدي العراق (عليه السلام)
اقتباس:
المشاركة الأصلية كتبت بواسطة محمد السوداني
ابدعت والله قصيده رائعه
اخ الخزاعي:66 (46): تحياتي الك ياطيب
اغاتي انته
صح السانك وعاشت ايدك
تقبل مني كل الاحترام والتقدير
ننتظر منك المزيد يامبدع
الف الف شكر حبيبي
رد: (طلع البدر علينا)احدث ماكتبت لكل من يريد الدمار لبلدي العراق (عليه السلام)
شكرا اخي الخزاعي على القصيده الجميله
تقبل تحياتي اخي الكريم وننتضر منك المزيد
رد: (طلع البدر علينا)احدث ماكتبت لكل من يريد الدمار لبلدي العراق (عليه السلام)
الله الله الله
عاشت ايدك يا مبدع
والله قصيده اكثر من رائعه
الى مزيد من التاءلق والابداع
اخوك
هاشم نجم الزيدي
رد: (طلع البدر علينا)احدث ماكتبت لكل من يريد الدمار لبلدي العراق (عليه السلام)
تسلم اخي على القصيدة الجميلة
رد: (طلع البدر علينا)احدث ماكتبت لكل من يريد الدمار لبلدي العراق (عليه السلام)
اقتباس:
المشاركة الأصلية كتبت بواسطة ملكة الاحساس
تسلم اخي على القصيدة الجميلة
الف الف شكر ممنون
رد: (طلع البدر علينا)احدث ماكتبت لكل من يريد الدمار لبلدي العراق (عليه السلام)
اقتباس:
المشاركة الأصلية كتبت بواسطة ملكة الاحساس
تسلم اخي على القصيدة الجميلة
الف الف شكر ممنون
