لعنة القصــــــــــــــــــــــــــيده

انا شاعر !!
وكون ماصرت انه شاعر !
جا حملت همومي وحدي !
وجا بجيت جروحي وحدي ! !!
ولان شاعر كل جرح بلناس جرحي
وانا شاعر !!
وتجري بدمي القصيده !
وعلمتهه كل منافق ماتريده !
وكلمن يبيع برخص ناسه !
تلعنه حروف القصيده !
وانا شاعر !!
وللوطن روحي قصيده !
ولحسرت امي بليل وحشه
تنزل دموعي قصيده !
واه .. يالنجمه البعيده !!
نسافر ونحلم نصلكم
والجروح بهيده ..هيده !!
انا جرحي دموعه سكته !
بليل الموادع بجاهن !
ومابقت جلمه التفيده !
زارع عيوني بدربكم
ولدربكم الورد بلكن نعيده !
وانا شاعر ودمعتي اسافر قصيده
الكل طفل تنزل دمعتي
من يجيه الليل يغفه
ووسادة راسه ايده !!
وشلون مااكتب قصيده
والوطن مشلوله ايده !!!!!!
لا ..... مامشلوله ايده !
اني ايده وانت ايده
وشكرا لكل شاعر سبقني
وطرز بدمه القصيده !!

تقبلوا تحيات اخوكم ماجد الشاعر

يابه والله انته شاعر وعلى راسي انته وهاي القصيده الرائعه
عاشت ايدك وصح السانك ياشاعر الوطن وبلا منازع
اخي العزيز تحياتي الك حبيبي انته

ماجـد ياماجــد

شنو أكول أكثر من الي كاله اخي محمد

انته الشعر والشاعر

انته إحساس ومشاعر

صـــانع الكلمات

اللــــــــــــــــــه عليك وعلى صدق العبارات

شنو انت كارثه بالشعر اخويه العزيز ماجد

والله قصيده تثبت انه انت تعادل مليون شاعر

شكرا لك اخي العزيز ..

وتقبل مني خالص الود والتقدير

اخوك حيدر القريشي

1. اخي محمد السوداني حقيقة لا املك ردا معينا او تخونني الكلمات ولم اجد تعبيرا يتلائم مع حجم كلماتك

وانا سعيد جدا جدا بهذه الحفاوه فاحسست انكم خيمة للشعلا شكرا..........

1. سيدتي ام فيصل تسلمين بعد اخوج واني اقف حائر امام كلماتك وشكرا لك ايتها النخله الكريمه......

2. ممنون جدا اخي حيدر القريشي ولااعرف اي الكلمات اكتب اليك فلا املك الا ان اسال الله ان تبقى لنا هذة
الكريمه ...............

شعر كلش حلو ياماجد المبدع

اختي العزيزه ملكة الاحساس لولا ذوقكم واحساسكم بما نكتب لما كان هناك مبدعون سعيد جدا بمرورك
وكلماتك الكبيره لرغم اختصارها ...............

ولحسرت امي بليل وحشه
تنزل دموعي قصيده !
***
الله عليك يا اخي ماجد على هذه القصيدة
الاجمل من الجميلةوهنياله لكل من عنده
ام والله يخليهه اله والفاتحه على روحج ييمه
*تحياتي لك اخي ماجد وتقبل مروري*

اخي عبد الكريم البصري ممنون منك جدا وشكرا للكلمات الاكثر من رائعه تحياتي لك ورحمة الله لروح امك
واسكنها فسيح جناته اخوك ماجد الشاعر ............