بابك ياكلب سديته من سنين_قصيده روعه ادخل وشوف

بابك ياكلب سديته من سنين
كلبي من العشك ماظل صبر عنده
وصيت الكلب لاتعشك انته النوب
لان حظك ردي وقسمتك بعد ارده
شو ياهو التحبة يخون بيك بساع
ويبيعك بالرخص ويذبك بشده
متكلي شجرالك شو تأمن الروح
بيد ابن الحرام الماحفظ وده
كل هذا الحجي ومافاد ابد وياك
ابعد الجرح عني وبيدك ترده
وجاي اليوم اليه بعشك من جديد
بس والله انت حقك فوت وتحده
صدك ياكلب لا ما الومك ليش
افتح بابك انته وبعد لتسده
لان هذا التحبة الكمر منه يغار
ويدنك على راسه ويبوسه من خده
بس كون انته يمي وابد ماتبعد
صدكني البعد لاجاب ولا وده
اعرف كلبي انه ومن يحب مجنون
دخيلك ابد لتخليه وحده
مو شاف القهر من عمره عشر سنين
لان ياهو اليحبه يصير ضده
وطعم الفرح ماضكناه ابد لليوم
لك حتى الفرح من بابي ماعده
اتعنه انه لبابك وابقى اشم بالكاع
اكولن بلكي جدمك فات واتعده
انته اخر عشك بالروح لا لتروح
الوب عليك مثل الطفل وبمهده
زرعتك ورده حلوة بوسط هاي الروح
وازكيك بدمع يا احلى ورده
اقسملك قسم بالخلق داحي الباب
كل مابعد حبك بيدي ارده
كل مابعد حبك بيدي ارده

الله الله الله
قصيده رائعه وكلمات يفوح منها
المسك والعنبر والارجوان
اخت زينه:66 (46): احييك واهنئك على هذا
الابداع
ننتظر دائما منك الرائع والمميز
تقبلي تحياتي

والله اشكرك من كل كلبي عللا هاي الردود الي مااعرف شلون اردهن الك
وياربي التوفيق

الاخت العزيزه زينه قصيده جميله جدا وتسلم الايادي اخوك ماجد الشاعر تقبلي المرور والتحيه

شكرا لمرورك اخي ماجد يسعدني ردودكم

شكرااااا على هاي القصيدة الحلوة وانتي دائما قصائدك حلوة

القصيدة فعلا رائعة تسلمين تقبلي مروري

روعه وابداع جميل ورائع

شكرا على ما خطه قلمكي الرائع

وتقبلي مني خالص الود والتقدير

قصيده
مرهفه الاحساس

ومشاعر جياشه
تألقتي غاليتي بنقلكي الممتع...

قصيدة جدا رائعة يازينهه ويازين كاتبها

عزيزتي احسنت على هذه الكلمات وهذا الإحساس

تحياتي لك وودي يازينه

شكرا اختي زينة
شنو هذا الابداع المن ضامة هذا الكلام الجميل
وننتظر مشاركاتج الرائعة ولا تبخلين علينا بهالكلام الحلو
بس تصدكين كلش كلش قصيدة حلوة
وتحياتي لكي وين انت موجودة

تسلمين وشكرا على ردودكم الحلوه

مشكوره يا صاحبه الاحساس المرهف والذوق العالى والمشاعر الفياضه والى مزيد من المشاركات التى تغذى الروح بالمعانى الجميله