قصيده من روائع الشاعر المرحوم المبدع محمد الغريب ارجو التثبيت

وددت ان اشارككم اليوم باحدى روائع الشاعر الشاب المبدع محمد الغريب الذي احسست برحيله الغربه املي ان تنال اعجابكم .... يقول الغريب

وين جنتي ؟
وليش متاخره علي كل هل سنين
وين جنتي ؟
وليش ما طيفج اجه وفزز صفنتي !
وين جنتي ؟
وكبل تسع سنين مريتي اعله عيني وماوكفتي !
وليش من دك الجرس ماصارن عيونج فرصتي!
ليش يااول درس يفترض كنتي
وليش من كف العمر هسا ظهرتي
وين جنتي ؟
ياملك شيطان وتلبس بجثتي !
وياالم لف روحه سجين بحسرتي وين جنتي ؟
وليش ماجيتي كبل لا توصل الفضه الكذلتي!
وليش منعبرت محطاته ركبتي !
وليش فتحتي لمن ذبلت وردتي !
ووالله لو عندي بخت جا لمج من سنين بختي!
جان هسه دموعي ماكو وخابصه العالم ضحكتي!
وجان هسه همومي ميته وعافيه بوجنة فرحتي!
ووين جنتي وليش متاخره وصلتي ....

رحم الله ابو سمر واسالكم لروحه الترفه الفاتحه والدعاء
اخوكم ماجد الشاعر

مبدع ورائع حتى بالانتقاء ,,,,,,,,,
كلك ذوق قصيدة رائعه اخي العزيز ماجد
وأهنئ نفسي والمنتدى بك اخا وصديقا انظم الى عائلتنا الفراتيه
تقبل تحياتي واني ممنون اخوك
محمد

عزيزي الغالي ابوجاسم انا ان شاء الله منكم واليكم واحسست بالحسره كوني لم انظم قبل هذا الوقت لهذه
العائله الجميله بكل شي لقد غمرتوني باحترامكم واطراءكم الجميل اسال الله ان اكون بينكم دائما الف تحيه
شكرا لك ودمت تحياتي

مبدع يا اخ ماجد حتى بانتقاء الشعر تقبل مروري

وافر الشكر والاحترام اختي العزيزه ملكة الاحساس ومرورك يسعدني تقبلي تحياتي

مبدع اخويه العزيز بما انتقيته لنا من قصيده رائعه

يسلملي ذوقك الحلو وتسلملي انت

تقبل مني خالص الود والتقدير

اخوك حيدر القريشي

شكرا لك اخي حدوري وممنون منك جدا ربي يحفظك يالغالي

بالوقت الذي اسجل فية اعجابي لهذا الاختيار الرائع.....اتمنى عليك المزيد من شعر الغريب فلقد عرفتة في بداياتة الشعرية وفعلا هو فارس القصيدة...واعتقد هذا جزاء من الوفاء لهذا المبدع رحمة اللةشكرا لك واتمنى ان تتحفنا بالمزيد ......مع تحياتي وتمنياتي لك بالموفقية

اخي الغالي زمن الرحيل الف تحيه لك وان شاء الله لن اقصر من نشر ما استطيع وفاء لهذا الشاعر الكبير
محمد الغريب صاحب الحضور المميز والذي عرفته ترفا بكل شيء /تحياتي

مبدع والله اخي ماجد
تقبل تحياتي
وننتضر منك المزيد من الابداع

شكرا لكلماتك الرائعه اخي عاشق كاتالونيا ويسعدني مرورك الجميل ......

شكرا للمرور الكريم اخي العاشق

قصيده كل الشق فيها
ذوق جميل
تقبل مروري

شكرا لكم لقبولي احد اسرتكم

شكرا لك ياعزيزي ماجد على هذا النقل لقصيدة الشاعر المرحوم محمد الغريب فهو حقا يستحق منا الكثير والكثير اشكرك ثانيا على هذا النقل الرائع ياشاعرنا الرائع
اخوك
كريم السلطاني

:66 (46)::66 (46)::66 (46):الله يحرمه كان شاعر مبدع فعلن اخوكم بركات نمنم:66 (46)::66 (46)::66 (46)::66 (46)::66 (46):

:66 (46)::66 (46)::66 (46):شكرآ الكم يالاصايل ماقصرتو طيبين والنعم منكم:66 (46)::66 (46)::66 (46):

مساء الحب والحنان الى الأخ الشاعر كريم السلطاني أتمنى أن تكتب لنا قصيدة عن الأم بمناسبة العيد السعيد أخوك بهــــــــــــــــــــــــــــــــــ الناصري ــــــــــــــــــــــــــــــــــــــــــــــــــ ــــــــــاء تحياتي الى جميع الاصدقاء المشاركين في منتديات الفرات

ماكو غابه

ولا غرابه

والاصناف الي شفتهه حيرتني
شما اگلب بيهه تطلع لو ارانب لو ذيابه

وماكو بالغابه سبع
لا شفت واحد سبع
باوعتله وأبتسملي
ردت اضحك بس بچيت
لأن طلع مكسور نابه

ماكو غابه
ولا غرابه
دنيتك اصلاً طلابه

اليفك بابه يطيــــــــر
ليش واحد للهوه يعرض شبابه

واليسد بابه الف واحد يرصده
عنده حسبه وساد بابه
وكلها اوراق وكتابه

لكن انت تريد تحفظ بابك ومحد يرصده
المسأله كلش بسيطه
لاتفتحه
ولاتسده
ولاتشلعه
ولاترده

شكد خطيه العنده باب
يصير نقمه الباب عنده

لكن الاكثر خطيه
ويستحق نبچي عليه
الباع بابه وخله برده

و موغريبه
كلشي بالدنيه تصادف
رغم فقري
ورغم زغري
وكلشي شايف
وكلهه سهله

ناس ترخص
ناس تغله

ناس تنصه
ناس تعله

شفت جيش بدوله ضاع
وشفت واحد صار دوله

وشفت واحد هو ضاع
وشفت واحد ضيع اهله

وشفت واحد ربه واحد
وشفت واحد ربه ميه

وشفت واحد ربه درهم
وشفت واحد ربه لحيه

وشفت واحد سوه كرسي
وشفت كرسي سوه واحد

وشفت چف زايد اصبع
وشفت چف كلهه زايد

وشفت ميه ابيت كعدوا
وشفت بيت ابحده گاعد

وشفت بيت عيب اكتبه
وشفت بيت ابست قصايد

كلشي شايف
كلشي عايف

مااخاف

لحد يراويني سيفه
ولا يجرده
ولا ينظفه
ولا يصقله
ولا يبرده

لان صدگ من يهده
احسب شچم راس گاطع
ما علي چم مره حده

خلي كل من يحچي قصده
لاتراوغ بالكلام
وياي صير حچايه وحده

انه اعرفهه الي يحبني
ماكو روج تحبه سده

لاتگلي استريح
امبينه كلمت استريح
من تجي ومعناهه طرده

وياك تنغر على واحد
ياجبل لو مهمه تعله

لان بس يصعد عليك
يخلي راسك جوه رجله

وانه گتلك
كل شي شايف
كل شي عايف
مااخاف

انه ابن ذيچ المظايف
انه ابن هاي الصرايف

عمي يا ابن القصور
شبيك ويه اهل الصرايف

جذب جفي بعدكم .. يوم اله احد
و هواكم وين حده .. يو ماله حد
انه لو ما اجيكم .. يوم الاحد
الأثنين من الصبح لطموا عليه


يا هضيمه
ويا حسايف

انچفت كل الدلال
وطاحت ضلوع المظايف

عمي كافي لخاطر الله
طفي عودك لا تشعله

احترگت القريه بكبرهه
وانت بالنار اتسله

بس اكلك كلهه سهله

ذلة النمرود
نمله
لو بعوضه

ما علينه
المهم شبعته ذله
المهم شبعته ذله

===== (( للجبل )) =====
نائل المظفــــْر

حبيبي الغالي لقد هيجت بي المواجع
ورجع بي الوقت الى الايام الخوالي رحم الله ابو سمر
لقد ترك عائله كبيره دون معيل
ترعاهم طفله صغيره
تدعا سماح كان الله بعونك بنيه
تحياتي واحترامي

دمت ودامت اناملك
الذهبببببببببببببيه
يا مبدع