تعالو ساعة فضفضة..في استراحة المنتدى ..على (الماسنجر)

السلام عليكم

كلنا بنحب ندخل من قسم لقسم اخر المنتدى
نبعث مشاراكات ومواضيع
وننتظر مشاركات باقي الاعضاء
ومن المواضيع والمشاركات بيتم التعارف بين الاعضاء

:3:فكرت في موضوع يقرب الاعضاء اكتر من بعض

وهوا ماسنجر للمنتدى

هيكون عباره عن الصفحه دي

نكون اون لاين كلنا او المتواجدين صدفه ندخل نسأل على بعض

واللي عنده حاجه حابب ياخد ر اي الاعضاء فيها يكتبها

يعني واحد عنده هموم :11: واحد ناوي يتجوز نباركله :77 (12): واحده عيالها نجحو نهنيها :66 (20): واحد هيستلم شغل جديد :66 (52): واحد زهقان :66 (97): واحد عيان :66 (51): واحده مش عارفه تعمل ايه اكل النهارده :66 (110): حد عنده مشاكل وعاوز حل :66 (89):


يعني


استراحه وتقارب اكتر وود


نتسامر نقول اخبار جديده سمعناها ونتبادل المعلومات


موقف حصل


اللي موافق يتفضل يشاركنا دايما لما يدخل


واتمنى الموضوع يعجبكم

وشدو حيلكم عاوزين نرغي شويه :66 (231):

فعلا فكره جميله
يا ريت تتطبق
وهكون اول المشاركين فيها
كتير من اللى ذينا بيحتاجو اي حد من اللى في الغربه حاسين بمثل احساسهم يتكلموا يتناقشوا اون لاين
ده بيدى حيويه لمناقشة المواضيع
تقبلي مني كل التقدير والتحيه
ودمتي في حفظ الرحمن

شكرا جدي تيتو على المبارده الجميله منك
ونبدأ نرغي لغاية ما ينضم عدد منم الاعضاء

متعرفش حد يفسرلي حلم يكون موثوق بيه
؟
انا بكسل اشترك في منتدى لتفسير الاحلام وعلى ما يرد معايا سنه

او اي حد من الاعضاء اللي يعرف يقولي

و انا حكون ثاني المشاركين
فكرة جميلة
تقبلي تحياتي

شكرا لك اختي عالفكره
الرائعه واللي راح تقرب اعضاء المنتدى
من بعض وخصوصا بهالفتره لان ما صرنا نشوف كتير من اخوانا واخواتنا بالمنتدى
وفرصه لنتعرف على الاعضاء الجدد

اقتباس:

---

المشاركة الأصلية كتبت بواسطة الحزينة المبتسمة

و انا حكون ثاني المشاركين
فكرة جميلة
تقبلي تحياتي

---

تسلمي يامبتسمه

يلا ادخلى وارغي معانا:1:
انا كنت سالت تيتو على حد موثوق فيه يفسر احلام
عندك فكره
او تفسريلي انتي:8:

حكي معانا

اقتباس:

---

المشاركة الأصلية كتبت بواسطة @سندريلا@

شكرا جدي تيتو على المبارده الجميله منك

ونبدأ نرغي لغاية ما ينضم عدد منم الاعضاء

متعرفش حد يفسرلي حلم يكون موثوق بيه
؟
انا بكسل اشترك في منتدى لتفسير الاحلام وعلى ما يرد معايا سنه

او اي حد من الاعضاء اللي يعرف يقولي

---

اذيك سندريلا
عامله ايه ان شاء الله تكوني بكل خير
بخصوص الحلم بتاعك انا
اعرف واحد هنا ليه خبره في الموضوع .
وممكن ادلك على طريقه اخرى تفسرالحلم بتاعك بيها ادخلى الباحث ابحثي عن ابن سيرين
ده اشهر من فسر الاحلام
بعد يوسف عليه السلام
وله مؤلفات كثيره عن تفسيرها
ممكن تلاقي تفسير الحلم بتاعك
انتى الجو عندك دلوقتي ايه صبح ليل
الساعه كام عندك دلةقتي
هنا الساعة 12 ظهرا

اقتباس:

---

المشاركة الأصلية كتبت بواسطة egyptiantito

اذيك سندريلا
عامله ايه ان شاء الله تكوني بكل خير
بخصوص الحلم بتاعك انا
اعرف واحد هنا ليه خبره في الموضوع .
وممكن ادلك على طريقه اخرى تفسرالحلم بتاعك بيها ادخلى الباحث ابحثي عن ابن سيرين
ده اشهر من فسر الاحلام
بعد يوسف عليه السلام
وله مؤلفات كثيره عن تفسيرها
ممكن تلاقي تفسير الحلم بتاعك
انتى الجو عندك دلوقتي ايه صبح ليل
الساعه كام عندك دلةقتي
هنا الساعة 12 ظهرا

---

ازيك تيتو ان شاء الله تكون بخير

وشكرا جدا على ردك وانا هبحث حالا عن ابن سيرين

التوقيت عندي دلوقت الساعه 8 الصبح

انا شايفه انك ساكن بتايلاند يعني عندك الساعه 11 بالليل

يالهوي 15 ساعه فرق


روح نام يلا علشان تصحى بدري:1:

انت بتعمل ايه عندك؟

اقتباس:

---

المشاركة الأصلية كتبت بواسطة لامار

شكرا لك اختي عالفكره
الرائعه واللي راح تقرب اعضاء المنتدى
من بعض وخصوصا بهالفتره لان ما صرنا نشوف كتير من اخوانا واخواتنا بالمنتدى
وفرصه لنتعرف على الاعضاء الجدد

---

اهلا لامار

ازيك وازي اهل العراق

الامن مستتب ولا نيجي :66 (234):

الحمدالله اختي سندريلا
كل شي تمام

اقتباس:

---

المشاركة الأصلية كتبت بواسطة لامار

الحمدالله اختي سندريلا
كل شي تمام

---

يارب دايما

اسمك جميل اوي:66 (46):

مشكوره على الموضوع الجميل

اقتباس:

---

المشاركة الأصلية كتبت بواسطة @سندريلا@

ازيك تيتو ان شاء الله تكون بخير

وشكرا جدا على ردك وانا هبحث حالا عن ابن سيرين

التوقيت عندي دلوقت الساعه 8 الصبح

انا شايفه انك ساكن بتايلاند يعني عندك الساعه 11 بالليل

يالهوي 15 ساعه فرق


روح نام يلا علشان تصحى بدري:1:

انت بتعمل ايه عندك؟

---

صباح الخير عندنا ومساء الخير عندكم
اذيك عامله ايه
شوفي انا سمعت الكلام ورحت انام ولسه صاحي دلوقتي
عملتي ايه
لقيتي اللى بتدوري عليه
ولا ايه
على الله يكون الحلم كويس
اسيبك دلوقتي وادخل اعمل لفه في المنتدى اشوف ايه الجديد
راجع تاني
يالله سلام

اقتباس:

---

المشاركة الأصلية كتبت بواسطة egyptiantito

صباح الخير عندنا ومساء الخير عندكم
اذيك عامله ايه
شوفي انا سمعت الكلام ورحت انام ولسه صاحي دلوقتي
عملتي ايه
لقيتي اللى بتدوري عليه
ولا ايه
على الله يكون الحلم كويس
اسيبك دلوقتي وادخل اعمل لفه في المنتدى اشوف ايه الجديد
راجع تاني
يالله سلام

---

الحمد لله تمام
انا بخير
وانت عامل ايه
ان شاء الله تكون تمام

اه لقيت الحمد لله وطلع خير:66 (46):
انا بشكرك جدا

وان شاء الله تكون مبسوط في تايلند

انا اسمع ان تابلند حلوه جدا ان شاء الله تكون مبسوط

اقتباس:

---

المشاركة الأصلية كتبت بواسطة @سندريلا@

الحمد لله تمام
انا بخير
وانت عامل ايه
ان شاء الله تكون تمام

اه لقيت الحمد لله وطلع خير:66 (46):
انا بشكرك جدا

وان شاء الله تكون مبسوط في تايلند

انا اسمع ان تابلند حلوه جدا ان شاء الله تكون مبسوط

---

بصي بقى يا ستي
بالنسبه مبسوط ةلا لا
فالحمد لله
وبالنسبه لتايلند حلوه
فهي فيها حاجات حلوه كتير
وفيها حفر كتير من اللى تودي في داهيه
اكتر من امريكا مليون مره
على سبيل المثال
الليدي بوي
اكبر نسبه على مستوى العالم موجوده في تايلند
وواخدين حريتهم الكامله
يعني ممكن يكونوا مذيعين
عاملين في الحكومه
البنوك اي مكان
يعني في حاجات
اعوذ بالله تجنن
بس في المجمل
بالنسبه لي الحمد لله كويسه .
اظرف حاجه حصلت النهارده وانا بتجول في المواضيع في المنتدى
لقيت واحد نازل سب ولعن فيا بسبب موضوع انا كتبته ( اللى هو ماء زمزم غير صالح للشرب ) منتدى الحوار والنقاش
بس رجع اعتذر تاني
روحي اقري كاتب ايه وردي على هنا

بالنسبه للادي بوي فدول والعياذ بالله انتشرو في كل حته
ربنا يستر علينا

هما في اوروبا اكتر واكتر
انا كنت قبل كده في اوروبا وفعلا ممكن تكون في سوبر ماركت وتقف تلاقي اللي بتحاسبه واحد منهم

المشكله في امريكا هنا عدم الامان
حواذث السرقه والخطف والقتل وبدون سبب كتيره جدا وبدون داعي
وفي فئه اسمها homeless
يعني مش عندهم بيوت بيباتو في الشوارع وبيعملو قلق للناس وحاجات كده غريبه
ربنا يستر


انا شفت موضوع ماء زمزم

كلامه الاول فظييع
هههههههههههههههه
بس بجد موقف ظريف

والله ياريت بس متى؟؟؟؟؟؟؟؟؟

اقتباس:

---

المشاركة الأصلية كتبت بواسطة نادين12

والله ياريت بس متى؟؟؟؟؟؟؟؟؟

---

منوره نادين الماسنجر
اي وقت انتي تدخلي هتلاقي اعضاء كمان اون لاين كلميهم هنا في الصفحه او اسالي وهما بيجاوبوكي لما يدخلو

لما تدخلي زورينا هنا:2:

اقتباس:

---

المشاركة الأصلية كتبت بواسطة ملكة الاحساس

فكرة جدا جميلة

---

منوره ملكه الاحساس
اهلا بيكي دايما

اذيك سندريلا
عامله ايه
ايه الاخبار انشاء الله يكون كله تمام

الحمد لله تمام تيتو تمام
الجو حر شويتين
29 د ودي اكتر درجه بتوصله الحراره هنا
بس حاسه انها 40

كتر خير الناس اللي في مصر والله

المهم انت ايه اخبارك
ومنورررررررر بعد الاشراف:66 (46):

ربنا يخليكي
انا الحمد لله تمام
انتي زعلانه بقى ان درجة الحرارة عندك 29
هنا ممكن تطلع من 30/35
لولا ان انا في مدينه على البحر كنت مت يا بنتي
بس اللى بيخلى الجو هنا كويس ان المطر كتير
في كل فصول السنه في مطر
تعرفي ان في بعض الاوقات المطر بيستمر 8ساعات
والغريب
بعد المطر ما ينتهي بــــ حوالي ساعه
متلاقيش ولا نقطة ميه في الشارع
المهم
مبروك عليكي انت العضويه البرونزيه
ووسام التميز ........... والبقيه تاتي
اسيبك دلوقتى انا رايح انام
الساعه 6.22 صباحا
اشوفك على خير
يالله سلام

تقول ايه في التكنولجيا
مصافي الميه اللي في الشوراع مش بتخلي نقطه فعلا



الله يبارك فيك وتستاهل الاشراف

الساعه 6 ونص ولسه منمتش

يالهوي ده انا بكون قربت اصحى

يلا تصبح على خير

فكره جميله اختي وياريت تتطبق
وتقبلي مروري

الى السندري اعجبتني كثيرا مشاركاتك انت و المتميزة بكاني الغرام:66 (9)::66 (6):

شكرا على الموضوع الرائع ياحلوة .......تقبلي مروري اختك رناا

اقتباس:

---

المشاركة الأصلية كتبت بواسطة رحيق

فكره جميله اختي وياريت تتطبق
وتقبلي مروري

---

منوره رحيق
احنا فعلا مطبقينها اهو كل ماتحبي تتكمل معانا تعالي هنا:1:

اقتباس:

---

المشاركة الأصلية كتبت بواسطة pepe

الى السندري اعجبتني كثيرا مشاركاتك انت و المتميزة بكاني الغرام:66 (9)::66 (6):

---

انت الاحسن pepe
منورنا عالماسنجر:2:

عامل ايه؟

ايه انتي اون
لسه صاحيه
ولا ايه
اخبارك ايه
ايه الجديد

أختي الجميله سندريلا أزيك وازي أمريكا الساعة في مصر 5 العصر واعتقد انك نائمه الان ( أحلام سعيده )
فكرتك جميله ورائعه وموضوعاتك الاخرى لاتقل روعه وتستحقين حقا الوسام واسمحي لي ان اشترك معك الان
فكرتك أجابت لي عن سؤال عاد الي ذهني بعد قرأتي لموضوعك عن الصداقه
هل يمكن أن يكون هناك نوع من الصداقه بين الجنسين لاتغضب الله ؟
نعم في صفحة تعالو ساعة فضفضة فلا توجد خلوه محرمه ولا هي شات لاتحمد عقباه والردود تعتبر عامه لا خاصه
لأن الجميع يقرأها ويستطيعوا التداخل معها فنحن نأخذ من الصداقه أجمل ما فيها ونترك ما يغضب الله.
وربنا يستر ولا اجد رد يقول صداقه بين الجنسين لا تغضب الله انت هتفتي ترضاها لأمك ترضاها لجدتك .
وبالنسبه لتفسير الحلم فأنا مسافر بعد ساعات قليله و اول مارجع سالما باذن الله هرغي معاكي عنه .
وأود ان اهديك أخر ما كتبت قصيدة بعنوان ( كيف انساك ) سوف أكتبها في منتدي الشعر بعد انتهائي من الرد
أرجو ان تحوز اعجابك وأجد عليها رد منك بعد عودتي من السفر .
وصباح الخير (مقدما)
مع خالص ودي وتقديري واحترامي
أخوك الفريد

اقتباس:

---

المشاركة الأصلية كتبت بواسطة بكاني الغرام

شكرا على الموضوع الرائع ياحلوة .......تقبلي مروري اختك رناا

---

انت اللي ممنور ياقمر

اقتباس:

---

المشاركة الأصلية كتبت بواسطة egyptiantito

ايه انتي اون
لسه صاحيه
ولا ايه
اخبارك ايه
ايه الجديد

---

صباح الخير
انا صحيت دلوقت
الحمد لله تمام
وانت اخبارك ايه في الغربه؟
مزرتش مصر قريب او ناوي

والله رمضان في البلاد الاجنبيه صعب جدا

ربنا يهونه علينا

اقتباس:

---

المشاركة الأصلية كتبت بواسطة kfared

أختي الجميله سندريلا أزيك وازي أمريكا الساعة في مصر 5 العصر واعتقد انك نائمه الان ( أحلام سعيده )
فكرتك جميله ورائعه وموضوعاتك الاخرى لاتقل روعه وتستحقين حقا الوسام واسمحي لي ان اشترك معك الان
فكرتك أجابت لي عن سؤال عاد الي ذهني بعد قرأتي لموضوعك عن الصداقه
هل يمكن أن يكون هناك نوع من الصداقه بين الجنسين لاتغضب الله ؟
نعم في صفحة تعالو ساعة فضفضة فلا توجد خلوه محرمه ولا هي شات لاتحمد عقباه والردود تعتبر عامه لا خاصه
لأن الجميع يقرأها ويستطيعوا التداخل معها فنحن نأخذ من الصداقه أجمل ما فيها ونترك ما يغضب الله.
وربنا يستر ولا اجد رد يقول صداقه بين الجنسين لا تغضب الله انت هتفتي ترضاها لأمك ترضاها لجدتك .
وبالنسبه لتفسير الحلم فأنا مسافر بعد ساعات قليله و اول مارجع سالما باذن الله هرغي معاكي عنه .
وأود ان اهديك أخر ما كتبت قصيدة بعنوان ( كيف انساك ) سوف أكتبها في منتدي الشعر بعد انتهائي من الرد
أرجو ان تحوز اعجابك وأجد عليها رد منك بعد عودتي من السفر .
وصباح الخير (مقدما)
مع خالص ودي وتقديري واحترامي
أخوك الفريد

---

هلا اهلا الفريد
ازيك يامصري
صباح النور
ومرسي كتييييير للقصيده
هروح ادو ر عليها في قسم الاشعار
انا بحب الشعر جدا
بس قرايه بس:1:
معنديش ميول كتابيه

وتسافر وترجع بالسلامه
وبالمناسبه انا مش في مصر حاليا انا في امريكا

منورني دايما
لما ترجع تعال نرغي

اقتباس:

---

المشاركة الأصلية كتبت بواسطة محمود الطائي

فكرة جدا جميلة شكران

---

منورنا محمود :66 (46):

اقتباس:

---

المشاركة الأصلية كتبت بواسطة @سندريلا@

صباح الخير
انا صحيت دلوقت
الحمد لله تمام
وانت اخبارك ايه في الغربه؟
مزرتش مصر قريب او ناوي

والله رمضان في البلاد الاجنبيه صعب جدا

ربنا يهونه علينا

---

صباح الخير او مساء الخير
او جود افتر نون
او اي حاجهههههههه

انا كويس الحمد لله
انتي عامله ايه
ايه الاخبار

انا ناوي ان شاء الله انزل مصر
اخر رمضان
يعني على 20 رمضان اكون في مصر ان شاء الله
وانتي ناويه ولا لا
اشوفك على خير اروح الف شويه في المنتدى وارجعلك تاني
يالله سلام

اقتباس:

---

المشاركة الأصلية كتبت بواسطة egyptiantito

صباح الخير او مساء الخير
او جود افتر نون
او اي حاجهههههههه

انا كويس الحمد لله
انتي عامله ايه
ايه الاخبار

انا ناوي ان شاء الله انزل مصر
اخر رمضان
يعني على 20 رمضان اكون في مصر ان شاء الله
وانتي ناويه ولا لا
اشوفك على خير اروح الف شويه في المنتدى وارجعلك تاني
يالله سلام

---

ازيك انت تيتو ايه اخبارك


مساء الخير دلوقت عندي

انا مش ناويه والله لاني انا سايباها من 4 شهور بس ملحقناش

بس كويس انك نازل اقضي شويه من رمضان وسط العيله

انا مخنوقه جدا
عدا نص شعبان ومصمتوش مش تفكرني؟:66 (124):

حسبته غلط وفوجئت انه عدى

انت السبب

مش قلتلك فكرني:77 (7):



يلا انا كمان هلف لفه

:66 (46):

اقتباس:

---

المشاركة الأصلية كتبت بواسطة @سندريلا@

ازيك انت تيتو ايه اخبارك


مساء الخير دلوقت عندي

انا مش ناويه والله لاني انا سايباها من 4 شهور بس ملحقناش

بس كويس انك نازل اقضي شويه من رمضان وسط العيله

انا مخنوقه جدا
عدا نص شعبان ومصمتوش مش تفكرني؟:66 (124):

حسبته غلط وفوجئت انه عدى

انت السبب

مش قلتلك فكرني:77 (7):

يلا انا كمان هلف لفه

:66 (46):

---

انا رجلى وجعتني من اللف في المنتدى
قلت اجي استريح هنا شويه
مع كوباية شاي

ان جيتي للحق انا كمان مصمتوش

افتكرت امتى انتى عارفه
الظهر لما صحيت من النوم
بس ما ينفعش صيام
لاني ما نويت
الصيام

يالله قدر الله وما شاء فعل
الحمد لله

بالنسبه لرمضان في مصر
كان نفسي اقضى رمضان كله في مصر
بس اعمل ايه معرفتش غير كده
انتي عارفه
ان رمضان هنا عذاب يا بنتي
علشان اعرف اصوم
لازم مخرجش من البيت الا للضروره القصوى
الناس هنا محتشمين الاحتشام الاوروبي والامريكي
يعني لابسين من غير هدوم
وطبعا ناهيك عن التصرفات اليوميه اللى تخلى الصايم مش يفطر
لا ده يفطر الشهر كله في يوم واحد

يالله اسيبك اروح اديها لفه كمان

اقتباس:

---

المشاركة الأصلية كتبت بواسطة egyptiantito

انا رجلى وجعتني من اللف في المنتدى
قلت اجي استريح هنا شويه
مع كوباية شاي

ان جيتي للحق انا كمان مصمتوش

افتكرت امتى انتى عارفه
الظهر لما صحيت من النوم
بس ما ينفعش صيام
لاني ما نويت
الصيام

يالله قدر الله وما شاء فعل
الحمد لله

بالنسبه لرمضان في مصر
كان نفسي اقضى رمضان كله في مصر
بس اعمل ايه معرفتش غير كده
انتي عارفه
ان رمضان هنا عذاب يا بنتي
علشان اعرف اصوم
لازم مخرجش من البيت الا للضروره القصوى
الناس هنا محتشمين الاحتشام الاوروبي والامريكي
يعني لابسين من غير هدوم
وطبعا ناهيك عن التصرفات اليوميه اللى تخلى الصايم مش يفطر
لا ده يفطر الشهر كله في يوم واحد

يالله اسيبك اروح اديها لفه كمان

---

هههههههههههه
البس كوتشي وانت بتلف المنتدى:1:

انا متخيله الوضع طبعا في الشارع عامل ايه

بس اوروبا وامريما اصعب واضل

وبعدين انت عامي ايه في الاكل عندكم

انا كنت في اليابان
وطقوسهم واكلهم غررررررررريب
اعتقد تايلند زيها
الله يكون في عوننا والله

انا كمان هوح اتعشى والف وراك:8:

اقتباس:

---

المشاركة الأصلية كتبت بواسطة @سندريلا@

هههههههههههه
البس كوتشي وانت بتلف المنتدى:1:

انا متخيله الوضع طبعا في الشارع عامل ايه

بس اوروبا وامريما اصعب واضل

وبعدين انت عامي ايه في الاكل عندكم

انا كنت في اليابان
وطقوسهم واكلهم غررررررررريب
اعتقد تايلند زيها
الله يكون في عوننا والله

انا كمان هوح اتعشى والف وراك:8:

---

انا سمعت كلامك لبست كوتشى بس في حفرة في المنتدى
وقعت وانا ماشى
ههههههههههههه
الاكل هنا برده زى اليابان
جنوب شرق اسيا يعتبر متشابه الى حد ما
بس هنا
بيكلوا حاجات غريبه جدا

صراصير مقليه
خنافس مشويه
ديدان
وحاجات يا ساتر

اه اسف انا نسيت انك رايحه تتعشى
على فكره مش هزار بيكلوا الحاجات دي فعلا ودي عندهم زي اللوز والجوز والمكسرات يعني
شفتي بقى لي حق مخرجشى لما اكون صايم ولا لا

انا سايبهم بيصلحوا في الحفرة اللى قولت لك عليها اروح اشوفهم عملوا ايه واجي تاني

اقتباس:

---

المشاركة الأصلية كتبت بواسطة egyptiantito

انا سمعت كلامك لبست كوتشى بس في حفرة في المنتدى
وقعت وانا ماشى
ههههههههههههه
الاكل هنا برده زى اليابان
جنوب شرق اسيا يعتبر متشابه الى حد ما
بس هنا
بيكلوا حاجات غريبه جدا

صراصير مقليه
خنافس مشويه
ديدان
وحاجات يا ساتر

اه اسف انا نسيت انك رايحه تتعشى
على فكره مش هزار بيكلوا الحاجات دي فعلا ودي عندهم زي اللوز والجوز والمكسرات يعني
شفتي بقى لي حق مخرجشى لما اكون صايم ولا لا

انا سايبهم بيصلحوا في الحفرة اللى قولت لك عليها اروح اشوفهم عملوا ايه واجي تاني

---

اوف اعوذ بالله هوا في اكل زي اليابان
الله يكون في عونك والله
انا يوم ما سبت اليابان كنت في منتهى السعاده
مع انهم طيبين جدا
بس طقوسهم عجيبه واكلهم
وياسلام على السمك الناي
ولا الدود والصراصير والجراد:11:

الحمد لله اني خلصت عشا:2:

انا هبعتلك اكل من هنا بس من غير دود
:8:


يلا هسيبك دلوقت اروح انام
تصبح على خير