أبوذيات بعدهن بالباكيت ....جدد حيل

[FONT='Times New Roman','serif']1)[/FONT][FONT='Times New Roman','serif']معاد الناس كلهة وانتة أصلي[/FONT][FONT='Times New Roman','serif']
مثل غصن بفروعك وانتة أصلي
راح اوكف ابابك وانتة اصلي
وكل طلقة التجيني ضماد الية

2)قدر مكتوب حبك وانتة قسمة
الواحد مالة ناتج من تقسمة
لون بسيوف كلبي من تقسمة
دشوف معزتك شنو امسوية بية

3)عليك اصغار تسالني والكبار
وانا المتقي بحبك والك بار
الك كنيسة بنص كلبي والك بار
تصلي وتسكر وتخطب عليـــه

4)احب جفنك واحب عينك ورمشاك
واضل طول العمر امشي وره امشاك
اذا تكطع مراسيلك ورمشاك
اسويها معارك طائفيه

5)وگع گلبي بغرامك ماتشيله
وجرح شوگ البيه ماتشيله
اخابر وأنته تسمع ماتشيله
ولك هالروح ماتحمل أذيه

6)حبيتك واصبحت ابغير .. عالم
ورب العرش يشـهدلـي .. وعالم
طالب اني عندك وانت .. عالم
تشرحلي وترد تمتحن بيـه

7)نشدت الناس عنك و انته هينه
و على فراكك تعذبنه و انتهينه
قلبي انته التعذبه و التهينه
بس تظل انت اعز محبوب اليه

8)حبيبي جروح الك بل روح حالن..
وأمس چنت احسن من اليوم حالا..
أريدك تنتخيلي وتمر حالا..
باچر وين ماتلحگ علية

9)يشطك جاري مايه من يعبره
خذت دوم الاوادم مني عبرة
تكول عليه جاهل من يعبره !
وانه اسوه العلمك واسوه أبيه(ابوه)

10)هام العگل من شوگگ وجن بيك
وشبيه الگمر من يضون وجن بيك
ابوسك لو يحبسوني وجن بيك
أوامر من وزير الداخليه

11)غرف رمان بخـــــدوده غرف تين
ويريت اغرفلي من حسنا غرفتين
داجر مشتمل كلبي غرفتيـــــن
والايجار بوسه بكل مسيــــــــه

12)عقد ياقوت ذرعانك وفضه
على المخلوق طش حسنك وفضه
حسابي وياك اريد اكعد وفضه
واحجي العلي والمو عليه

13)ردت طيفك يلوح بيوم مالاح
وطعم فركاك صار هواي مالح
بعد مادز رساله وابد مالح
لان كلما ادز مترد عليه

14)روحي من الهجر ملت وسالت
عليه احباب لانشدت وسالت
الف دمعه الجرت مني وسالت
ولادمعه الجرت منهم عليه

15)اخذ گلبي حلالك وانتحر بيه
اخذ دمي وشرايني وانت حر بيه
سم بالماي احطنك وانتحر بيه
ولا غيرك يمس اصبع من اديه

16)حياتي عكب شخصك شلي بية
وجميع اعضاي صارت شلل بية
توديلي رسايل شلي بية
اريدن شوفتك والكعدة سويا

17)شوفني الفراگ نجوم ظهري
وگمت للشيبة اگلهابساع ظهري
ردتك يابني انته حزام ظهري
ترد العيلة لوصارت عليه

18)اذهب ورتحل عنك ورد ليك
و من بستان كلبي ارسل ورد ليك
يمعذب كلب دامي و أرد ليك
رسائل شوك وياهن هديه

19)انه بحبك ابد مايوم غشيت
وعن كل البنات النظر غشيت
گعدت يمه وعليه بسكوت غشيت
وگف صاح المدرس غش عليه

20)على مودك عفت ربعي وناسي
واسد بحلوك شماتي وناسي
اذا عني غفل كلبك وناسي
انه بطرواك لسه وتدري بيه [/FONT][FONT='Times New Roman','serif']

[/FONT]

[FONT='Arial','sans-serif'][/FONT]

أبدعت في أختيارك

أرق المنى

ابوذيات رائعه احييك واشكرك على هذا الذوق والانتقاء الجميل
تقبل تحياتي وننتظر المزيد اخوك
محمد

تسلم وتعيش ياحيدر ياورده ابوذيات في غايه الروعه

شكرا على مروركم الرائع
وعلى ردودكم
تقبلو مني خالص الود والاحترام

لاتعليــــــــــــــــــــــــق

وقف الكلام --- ياحيدر

لم ولن والى الابد لا يتوقف كلامي ولا تعليقي على ما تكتبين من ابداع متواصل

وعلى روعه التعبير ودقه الايصال والتميز في الافكار .....

شكرا على مروركي المشرق على صفحتي المتواضعه

وتقبلي مني خالص الود والتقدير

الله تسلم ايدك يا حيدور الورد
كلك ذوق والله تحياتي الك
اخي العزيز

vروعه ومشكوووووووووووووورررررررررررر

شكرا على مرورك الرائع اخي العزيز يا عاشق البرشا

وتقبل مني خالص الود والتقدير

مشكووور حبيبي الورده حيدوري على الابداعات
تقبل مروري

العفو اخي العراقي الاصيل

وشكرا على مرورك الرائع منور بوجودك

تقبل تحياتي

مشكـــــــــــــــــــور كلك ذوق احسنت الاختيار
تقبل مروري......:8: :66 (46): :8: :66 (46):

شنو هذا الجمال شنو هذي الروعه ابوذيات تعبر بكل الصراحه عن ذوق فنان وانت رائع اخي العزيز ننتظر مزيد ابداعاتك تقبل تحياتي ياصاحب الانامل الماسيه

مشكور اخويه المهندس على ردك

المليء بالذوق وعبق الاحاسيس

تقبل مني خالص الود والتقدير

الجمال والروعه والدقه والرقه والعذوبه في ابوذياتك اخ حيدر شكرا لك اخي العزيز

شكرا على روعه كلامك
وعلى دقه متابعتك
وعلى مرورك الكريم
وتقبل مني خالص الود والتقدير

مشكور كلام جميل
بارك الله فيك

الله الله يا ابو كرار والله ماادري بيك شاعر
احلا بيت شعر عجبني
)عقد ياقوت ذرعانك وفضه
على المخلوق طش حسنك وفضه
حسابي وياك اريد اكعد وفضه
واحجي العلي والمو عليه
تقبل تحياتي

حبيبي الغالي العراقي الاصيل هديه مني الك


ألك وحشه بحياتي وانت بيها
حرام اغمض العين وانت بيها
الدنيا بغير شخصك شلي بيها
الكمر انت ويشع نورك عليه


تحياتي اخوك حيدر القريشي

حبيبي الغالي مشكور جدا جدا
على الشعر بس تعذرني لان اني حرام كلشي مااعرف بلشعر
تقبل تحياتي بس انشالله اهديلك اغنيه قبل رمضان
تقبل مروري

والله ابوذيات روعه وصدك جديده بالباكيت عاشت ايدك وننتظر منك المزيد اخوك مقداد