حبيتك صدك . . . .معقوله ما حسيت

حبيتك صدك ... معقوله ما حسّيت
وآنه الجنت اظنّك تدري وتحبني
طلع كلبك اناني ويه أني أنغرّيت
ما وفّه لمحَبتي وبالعجل ذبني
وحيد بلا حبيب ولا عشك ضلّيت
شجره بلايه ميّ ولا شمس جنّي
صلب مثل الجبل بالشدّه منهزّيت
بس بُعدك عليه بهالوكت هزني
حيّرني الزمان وبيك أنه أحتاريت
وجن بيك الزمن رايد يعذبني
نطرت محبتك والهه شكثر تانيت
لحظات العشك وياك نستني

جنت ليّه الاهل انت وجنتلي البيت
وبس انت الجنت بالدنيا عاجبني
وجنت انت التذوّب قلبي لو عدّيت
وأطيحن لو عيونك مرّه تنظرني
جم مرّه الوكت يجرحني متأذيت
بس زعلك عليه الجان يألمني
بشر غيرك أبد بكليبي ما حطيّت
وكل واحد بعد بالدنيا ما همني
جنت بعيني ليلى وجنت الي جوليت
وجنت آنه قيس وروميو بذنّي
وصرت كبالي عبله ووالله لو مرّيت
اصيرن عنتره وابن امه اليكظني
شجاك تغيرت وبروحي ما خليت
بس حسره ودمع وجروح أذتني
وشجاك تغيّرت صدكني ما ظنيت
تنساني بسهوله وتبتعد عني
أشتريت محبّتك بالغالي كلّي شلون
فلس ونص محبتك هسه باعتني
يا ذنب الجنيته وكلي انه شسويت
حتى انت بعذابي لوحدي تتركني
قلبك هذا قلبك لو حجر سجيل
حالك والله والعباس صفنّي
جنت آنه الحبيب الما يزيحه الكون
واحد هسّه زاحه شلون فهمني
تمشي كبالي تضحك منشرح وياه

ما عندك قصد كل قصدك تغثني
مو صوجك ابد لا بيه كل الصوج
قلبي بهالمواقف هوّه اليحطني
صح آنه انجرح بس الجرح استاذ
قاسي بشرحه لكن درسه علمني
تعلمت ابقى صادق بالعشك للدوم
ومنه اصنع تجارب خبره تكسبني
روح خطيه انت ولا تظن بيوم
تعرف شنهو حُب وتمسي متهنّي
ما تكدر تحب تايه تظل حيران
وقلبك ما يدك فد يوم صدكنّي
وما تعرف بعد محبوب مثلي يصير
واذا واحد يصح لك مثلي عاتبني
خمس سنين احبك تالي هذا الصار
طول المده وانت بحبي خادعني
آنه اتكنّسلت هذا الغشيم شلون
اذا ما عفته بعد اسبوع خابرني

مــرحبا بشاعر الحب والاحساس ياحيدر

كلمات تنطق بالصد والهجران --- وتقابلها بالغزل

احيي قلمك الجميل / تقبل مروري

شكرا على مرورك الرائع ام فيصل حقيقتا لقد انرتي هذا الصفحه بهذا المرور الرائع
تقبلي تحياتي

شكرا على مرورك الرائع اخي ابو اماني الورد
وتقبل مني اسمى التحايا

عاشت الايادي الي كتبت هالكلام الجميل والرائع
تقبل تحياتي اخي حيدر

الله على هذه الكلمات الرائعة التي نبعت من قلب صادق
وكتبت باحساس رائع وجميل يا اخي الرائع

شكرا على ردك الجميل يا امير الشاعر
تحياتي

صديقي العزيز قصيدتك جميله جدا وارد عليك بهذا الدارمي سن الضحك وياك مبخوت اشلعه --- وكلبي اليحن عليك من صدري اطلعه

شكرا اخويه حازم على بيت الدارمي الرووووعه
تحياتي

يسلم ذوقك كلمات في قمه الروعه

شكرا على مرورك الكريم
تحياتي

قصيده رووووعه
تقبل تحياتي اخ حيدر
وننتظر جديدك

الله الله الله
شكرا على هذا الشعر الجميل جدا
وألك مني احلى واقى تحيه

السلام عليكم ورحمة الله

اخي حيدر
كثر ما متعلقين احنا هنا بالعراقين
كل شي منكطم حلو
بس هالقصيده لعبة بي لعب
جميل انت حتى النخاع

خا دمكم الاقل حظا
بو كوثر :66 (46):

الله يبارك بيك اخي ابو كوثر
وكلنا اخوتك وشكرا على كلماتك الرائعه
وتحياتي الك

hedar_1985
استاذي

كلمات نقف لها باعجاب

كلمات تصل الى قلوبنا ب لحظه

كلمات خطها قلمك الجميل

شكراً لكلماتك الرائعه

اخوك قاهر اليل

شكرا على مرورك الرائع والمميز يا اخي العزيز يا قاهر الليل
زعفو لذلك ولكني ما زلت تلميذا صغيرا اسبح في بحار الشعر الكبيره
لك مني كل ود واحترام
وتقبل تحياتي

:8:شكرا كلمات تجنن كلش حلوة:2: