( شيعي آنه ونتـه سنــي )

اعــزائي اعضاء المنتدى -- ارجو ان تتقبلوا مني التقدير لمروركم - وارجو ان تعجبكم كلماتي



شــيعي آنه ونتــه ســني ,,,, وانتــه شيــعي وآنه ســني


ومــايدرون دمــك واحــد ودمـــي


شيــعي آنه ونتــه سنــي ,,,,, ومـايدرون بسم الله إثنينّــه نـسـمـّي


ومــايدرون من نــوكف علــه الكلــفات,,,, يضــرب بيــد وحــده عمــك او عمــي


شيعــي آنه ونتــه سنــي


حضـنــّه هـالوطـن وبحضــن الــوطن بتنــه ,,, مـاكـال الوطن بس للشيعـي دنّي


وإيدين الوطن مو بس للسنـي ربــت ْ ,,, حضنـّه ابين ايديه البيهه ربتنــي


عــراقييـن ومن الأزل خــوان ,,, ماتـكدر ذيـاب الليل لعزيمتنه اليوم تثنــي


عــراقيين لو لفتْنـه النوايب بالجنوب ,,, يصيح شمال الوطن والوسط دك لحنــّي


ماطخينـّه راس اشـما يمرنـه الضيـم ,,, ولا مشينـه بهالزمان بظهــر محنــي


بـريـّه ايـدي منـلرهــاب ,,, ومـو آنه الكـتـلتك خــويه حلـلني


ولا بيـديـّه فـجرت ْ المسـاجد والحســينيات ,,, ورزيــه امنلـرزايه لاتحمــّلني


أخـوك آنه ونتـه خـويــه ,,,شـلون أكتـلـك بيــدي بيــّنـلي


ولاتـشيــّلني همـوم فــوك همــوم ,,, مو كــافي الغيــر - كـل همـومه شيــّلني




مــع تحيـــات / ام فيصــــل

شكرا على الموضوع الجميل

وماكو فرق بين شيعي وسني

وننتضر جديدك

اهـــلا بك اخي العراقي وسعــدت بمرورك الذي أنار صفحتي

اتمنه ان انال ولو الجزء البسيط من تشجيعكم

دمتم لي / اخي

تسلمين ام فيصل على هاي القصيده نحن بحاجه ماسه لمثل هذه القصائد عاشت ايدچ

احترامي اخي العزيز الزير الروماني

اتمنى ان اكون عند حسن ظنكم بكلماتي

كل الشكر لــك أخي

أخي العزيز العراقي

دمت لي بتواصلك الدائم

وكل الشكر للمرور

والله قصيده كلش جميله ومعبره

تحياتي ألج ولكل عراقي شريف

يحب شعبا مثلج

وشكرا على الموضوع الجميل

اهــلا بك عزيزي مسافر بلا عنوان

وجزيل شكري لمرورك وكلماتك

هذه هي حقيقة شعبنا -- ولعـن الله من أشعل الفتنه بين الأهل

احترامي وتقديري

الله علة هذة الروح العراقية ام فيصل وانشاء الله متوحدين احنة

شاعـر العراق مرحبا بمرورك الكريم أخي

اسعدني حضورك متصفحي واتمنى ان تكون حاضرا دوما


كل الشكر لك ياعراقي اصيل