الفرق بين السيد الوزير المجاهد والخايبه ام حسين ؟؟؟؟

ولد الخايبه ذالك المصطلح العراقي الشعبي الذي انتشر وبات يطلق على الشباب
العراقي الذي كان يسوقهم صدام الى الجيش والموت والسجون دون ان يملكوا
حق الاعتراض او الرفض حتى في قرارة انفسهم ,,,
وام حسين احد معارفنا هي خايبه لاسف لان قدر ان تكون ام لثلاثة اولاد حيث
استشهد الاول في حرب الحماقات الصداميه الايرانيه والثاني استشهد في غزو
الكويت والثالث اعدم على يد جلاوزة الدكتاتور بتهمة الاشتراك في ( صفحة
الغدر والخيانه ) كما اطلق عليها حينها اي الانتفاضة عام 1991 وبعد اعدام
الثالث حرمت ام حسين حتى من حقوق اولادها الشهداء واضطهت وعاشت
ظروفا صعبه خصوصا فترة الحصار حيث الحرمان والجوع يطوق كل شي
ولولا صبرها وايمانها بالله لما صمدت تلك المراه ,,
وتوقعت ام حسين ان تكرم وتحصل على حقوقها بل فوق حقوقها لانها مثال
للام المضحيه والصابره على ظلم كبير ..
تذكرت كل هذا عندما شاهدت لقاء من احد الساده الوزراء ( المجاهدين )
المحاربين لانظام صدام والمنتمي لاحد اكبر الاحزاب الدينيه الحاكمه اليوم والذي
غادر العراق وكما يقول منذ اكثر من ثلاثين عاما ,, تذكرت ام حسين
تذكرت اولادها خصوصا عندما سأله المذيع عن عائلته فأجابه السيد الوزير المجاهد
بأنه ابنته الكبرى تدرس في كندا واولاده الاثنان يعملان في لندن وابنته الصغرى
مع امها في الامارات وهي تدرس الكومبيوتر ,,
وبطبيعة الحال ليس كل ما ذكره الوزير تهمه اوعيب وانما العيب ان يتكلم عن النضال
والجهاد والوقوف بوجه الطغيان الصدامي ؟؟؟؟؟؟؟؟؟؟؟؟
واذا كان السيد الوزير قد ضحى من اجل العراق .. فماذا تقول ام حسين والعديد
من العراقيات امثالها من الثكلى واالارامل ؟؟؟؟؟؟؟
ماذا نقول الى الذين انتفضوا بوجه صدام علنا ؟؟؟؟؟؟؟؟؟؟؟؟؟
الا يكفي كذبا وخداعا وضحكا على الذقون ايها الوزير ؟؟

ان الوزير هو وزير التربيه وكان اللقاء على احد القنوات العراقيه ولم يتبجح ببناتهه بل كان الرد على عدد افراد العائله وهو مقيم في كندا من سنين طويله وكان رده على الفضل الذي قدمته زوجته في تربية اولاده اثناء ـ ـ حسب ما ورد بالحرف الواحد للسيد الوزير انه كان مشغول بامور السياسيه والكتابه والشعر وقد القى بيتان من الشعر عن حال الدنيا ولم يستطع ان يكمل القصيده لطول مدة زمن كتابته للقصيده ولم يتطرق الى اي كلمه عن الطغيان ولا صدام
اما اولاده فهم الكبيره تدرس هندسة كمبيوتر
والولد عمره 19 عام يدرس هندسه
والثالثه تدرس اللغه الانكليزيه
والرابع صغيره في المتوسطه ولم يقل تدرس الكمبيوتر حسب ما ذكرت
وسئله عن اللغات التي يعرفونها
العربيه الفارسيه الانكليزيه

للعلم والتنويه
اما ام حسين فتبقى ام حسين هي وغيرها من الامهات اللواتي قدمن فلذات اكبادهن للوطن
تبقى ام حسين هي رمز للصبر والايمان بقدر الله
وتحيه لام حسين ومن على شاكلتها وليعطيهن الله الصبر

التبجح موجود وان كان ليس في هذا اللقاء ويمكن انتوا متعرفون بهذا الشي ..
كثير اني حضرت ندوات حزب الدعوه , تنظيم العراق وغيره وكانت كلها تبجح في مشاوير النظال
خارج الوطن .. لاكن لااقول الا حسبي الله ونعم الله على الي اجوه على الجاهز ويكول المثل العراقي
الدارج .. يجد ابو كلاش وياكل ابو جزمه ...

نحن نتكلم عن موضوع البطله ام حسين والوزير
قمت بنفي التبجح في هذا اللقاء
اتهمتنابعدم المعرفه
تقول حضرت ندوات ـ ـ صيغة الجمع
وكانت كلها تبجح في مشاوير النضال
دليل على عدم رضاك على التبجح
لماذا تذهب اذن وتسمع مثل هذه التبجحات ان كنت
لاترغب بها
الانسان الذي لايرغب ان يهظم موضوع معين يبتعد عنه
انت تقول حضرت ندوات
الذي لايرغب بحضور ندوه ليس مجبر بالذهاب
اما تصف نفسك بابو كلاش
ياخي ليش عفت العمليه التي وصلت ابو جزمه ونست ابو كلاش
كن في كتاباتك تختار مفردات ونقاش يقع ضمن المقبول وضمن المنطق

عملي يتيح لي حضور ندوات من مختلف الاتجاهات وبصراحه ما وجدت غير الكذب في كل هذه الندوات
يمكن انت بل اكيد ما عايش بالعراق اخي الظروف الي يمر بيها البلد مأساويه وواحد يرمي المسؤليه على
الاخر وطواحين الموت شغاله والسيد الوزير اولاده بكندا وهو يمثل قائمه تقتدي المفروض بسيد الشهداء
الامام الحسين (ع) الي اول ما قدم نفسه ثم اولاده من اجل الدين والاخ مخليهم بكندا شنو هل الازدواجيه
واسمحلي ان اخبرك وحسب مصادر اعلاميه بعض المعلومات
1,, ابراهيم الجعفري ,, حامل جنسيه انكليزيه وعائلته كلها في لندن ولم يتخلى عن جواز سفره البريطاني
,,,,, عندما اصيح رئيسا للوزراءوهو خلاف لدستور العراقي
2,,عبد الكريم العنزي ,, حامل جنسيه فارسيه ومقيم في طهران ولايحضر جلسات مجلس النواب ..
3,,بيان باقر صولاغ ,,, حامل جنسيه انكليزيه ولم يتخلى عنها عندما استوزر لاول مره ابان مجلس الحكم
4 ,, محسن شلاش .,, وزير كهرباء حكومة الجعفري يحمل الجنسيه الكنديه ولم يتخلى عنها ..
وبس ام حسي ما حوت جنسيه ومساعدات ماليه خارجيه .. الج الله يام حسين

نعم التبجح موجود وفي كل مكان...نعم العيب ليس في التعليم خارج القطر ولا العيب في الكلام عنهم لكنهم العيب والعار كل العار ان تبقى أم حسين على حالها دون تعويض مادي ومعنوي

يعني هسه انتوا نسيتوا السبب وراء كل الدمار ورحتوا تتعاركون مع انفسكم ؟؟؟ لهذا العراق عمره ما راح يصير بيه خير ...

هسه اذا اجتك فرصه للعمل في كندا هل سترفس النعمه برجليك ؟ لو تركض وراها ؟؟ ليش اناقض انفسنا اخي العزيز

وبالمناسبه كل هذوله الوزراء تره تعبانيين على انفسهم محد دفعلهم فلوس وطلعهم غير هم هجوا من ابن صبحه ؟؟؟؟

نرجع للبطله الحقيقيه ام حسين اخي اذا ام حسين فقدت ولدها مو معناتها انروح نقتل باقي الشباب العراقي برميهم في التهلكه ...والا انقرض العراق والعراقيين ....

وصدقني في كل بيت عراقي ام حسين ...فقدت اعمامي على يد ابن صبحه لعنة الله عليه وعلى اللي يصفق له ويمجد بجرائمه ..

روح احجي على المحامي الدليمي العراقي ..بدل ما يلزم قضية ام حسين راح لزم قضية صدام حسين !!!! ليش ؟؟ منو المنافق؟؟ منو اللي يركض وره الفلوس ؟؟ منو الطماع ؟؟؟ منو اللي باع بلده وضميره ؟؟؟ وين العرب ؟؟ وين الحماس ؟؟؟ وين حركة حماس من ام حسين فقدت ولدهه ؟؟؟؟ محد يكدر ايجاوب لو الكل يعرف الجواب ويكول مالي علاقه !!!


رحمة الله على شهداء العراق المظاليم اينما كانوا والله ينصر الحق ويظهره ولو بعد حين

أنا نسيبي أستشهد وهو في الحرس الوطني
و3 من خوالي في الشرطة وقوات الحدود
ولحد الآن 2 جثثهم ماكو وصارلهم أكثر من سنة
منو يعوضهم أخوتي رحمة لروح والديكم لاتصدقون أنه الي
راتبة 150,000000 أو الي راتبة 75000000 يفكر بينا
واكو فرق بين الي يمشي وراه جيش يحميه
وبين الي ما أله أحد يحميه بس رب العالمين سيحانه وتعالى
يا عراقيين اكو مثل يكول (ابوية ما كَادر غير بس على أمي )
هم هذولة السادة الوزراء هم هذولة القادة في زمن هدام الملعون
وفي زمننا هذا زمن الديمقراطية الله يكرم الي جابولنياها على كَولة الممثل بهجت الجبوري جابوها
مسلفنة
عمي يا عراقيين راح أكللكم أحجاية بس وكَولو لؤي كَالها ولو يمكن أنا أصغر واحد بيكم
أذا ما صرنا مثل السويد نسبة النساء أكثر من نسبة الرجال من ورة هاي الأعمال
الي تهد الحيل عتبوني

وشكرا ألكم والله طرح جميل وأحنا العراقيين محتاجيين هيج مواضيع للمناقشة


تحياتي

أبن العراق


عراقي أصيل

تقبلوا مروري رجاءا بس عندي سؤال لجميع منتقدي الوزراء الحاملين للجنسات الاجنبية بصورة عامة و لابو عراق بصورة خاصة اخوية قبلما تنتقدهم ليش ماتسأل نفسك شوصلهم لدول اوروبا يعني كلنا نعرف و خصوصا بزمن الاول جانوا الكل يطلعون يدرسون و يرجعون بس , ليش هذولة طلعوا مثل الناس لو تلكاهم كل واحد مهزميه من حبل المشنقة , مشنقة صدام يعني تره اذا اكو ناس الله كتبلها عمر مثل الجعفري مثلا لو الشهرستاني اكو واحد مايعرف قصته و شلون المسكين الله كتبله عمر و نجاه و غير و غير من العلماء و النوابغ اللي بدول العالم تستفاد منهم و احنه صاحبنه بالعكس يريد يقضي عليهم جان لان هاي جانت اول خطوات خطته لتهديم العراق و اللي مستمر بيها لحد الان حتى تصير الخلافات اللي مع الاسف البعض ديجيبلهياه مثلما هو و اعوانه جانوا مخططيلها يعني على اقل شي يصير خلاف على شغله سنه و شيعة لو على شغلات ما الها اي معنى و تافهه لابعد الحدود , والله هذا الوزير ما اعرف شبيه و هذا الوزير مدري شنو هاي كلها لعبببببببببببببببة حتى يضل العراق على هالحال المخربط و مايستقر و المشكلة انو احنه نعوف المضمون و نلتهي بالشكليات يعني ما اعرف اذا فلان شايل جنسية ما اعرف شنو هي اني لازم اخرب بلدي خو اني اعتقد اللي قلبه على العراق يتصرف من نفسه و يعوفه من الحكومة و هالشكليات هاي تره طول عمرنه الحكومة بوادي و احنه بوداي فاذا مسوينه حل لنفسنه ماحد ماراح يسويلنه حل فبدل ما احجي على فلان و علان ادور على حل بمكان مايصير كل شعبنه ام حسين لو يمكن حتى ام حسين تصير بعد ماكو ..........
اما عن هاي الام الصابرة اللي حالها حال غيرها من الامهات العراقيات اللي فقدوا و بعدهم لي هسه يفقدون فلذات اكبادهم و اخوانهم و ازواجهم و اباءهم و و و .........فاني اعتقد تكريمهم بيدنه احنه مو بيد الحكومة يعني مجرد نوكف كلنه ايد وحدة و نفكر بالشي اللي يوقف مجرى الدم اني اعتقد هذه امنية ام حسين لان اذا اكو اليوم ناس ذكرتها فباستمرار الحال التعيس يلي بالعراق فماراح يكون احد بحالها باجر , يعني اللي فقدت ولدها و اجوها ولد اخوها يسالون عنها و فقدتهم مثلا منو الها بعد ......
طبعا لو جان الوضع بالعراق غير فاكيد مو هيج تكريمها المفروض بس تره العراق كلللللللللللله صاير نفس الشي بس سبق و كلت و اكرر لازم ننتبه لنفسنه حتى نبقى بذكر هالمجاهدة اللي صدك كلمة مجاهدة تكون كلمة طاهرة بحقها

لازم ننتبه لنفسنه حتى نبقى بذكر هالمجاهدة اللي صدك كلمة مجاهدة تكون كلمة طاهرة بحقها

كلمات روعة منك والله (لاتعليق)

لا حول ولا قوة الابالله طبعا هاي القصه اني سامعها من زمان بس والله ماسات
طبعا هاي بالميه واحد