ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ
أنه ابكحلة اعيونك شايـــف الليل .... ولو خصلـــــــــة ابكَذلتك ليل ونجوم
الأصاله بكل مثل مضربهه عالخيل .... كَبل بس قلدتــــــــك من صرت لليوم
شمس كصتك أشوف ويطفح الكيل .... أخاف أحجي السبب والوادم اتلوم
هلاليــــــن الشمس ما ظنهـــــه تعتاز ...... الشفتهن مو حواجب لا حجابات
الدخل غابة اعيونـــك لو سلم فـــــاز ...... وإذانك ملتقى لكل الفراشـــات
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ
صحيح عيون سوده وجيت أحاجيك ..... شيضيف الكحل لعيونــــك السود
وهنه إبمرود الله اتكحلن اشبيـــــك ..... كحــــــل ربك وربك كافي ويزود
خشمك عالعطــــــــــر لا ما يدليــك ..... الهوه إمعطـــر مدام إتشمه موجود
عله خدودك شفــــــــت فصين ألماز ..... يشعــّن بالضـــــوه لأبعد مسافات
بستهن وإشفت ؟ راح أحجي بايجاز ..... أحس بايس حضاره امن الحضارات
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ
بشفافـــك شكَولـــــن مو عســــل لا ..... طعــــم كوثر الجنـــــه إمكاسر بهيل
خذت بوسه أبحرمهن صحــــــــت الله ..... وخجل وجهك شمس تغفه ابحضن ليل
تهمسلــــي وكلام الهمــــــــس محلاه ..... أذوب أسمع ضحكتك يرجــــع الحيل
ركّبتك باب جنــه وكَلبـــــــــــي معتاز ...... كريم الطبـــــع يعكس معدن الذات
يبو كَلادة ذهب ليش الذهــــــــــــب حاز ...... طمــــع لو غيره لو شغلة عداوات
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ
كَلتلك شفت ليلي بكحــــلــــــة العين .... وهسه آنه اعرفــــــــــت مصدر منارك
تفتح باب صــــدرك بينــــــــــك وبين ..... عيني وتكتمـــــــــــــل صورة نهارك
قلعه الكل مجد وانتـــــــــــه ابقلعتين ...... شايل جــــــــــم مجد داخل أسوارك
دقة خيط خصــــــــــــرك واعظم إنجاز ..... شايــــــــل هالثــكَــل ما بي معانات
إله عين بجســـــــــــارة نظــــرة الباز ..... تصيد الياخـــــــــــــذ ابنظراته نظرات
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ
حياءا ً ما أكمـــّــل ســـــــــرك أبــّير .... وأخاف البيـــــر ما يحملهــــــه الأسرار
أنه أمذمم عليه ويصيــــــــــــر ميصير ...... يكَلي إشلــــــــــــون أحمل ذمة النار
إذا تمشي الخلائق يمــــــــــــــك اتدير ..... مستــــــــــــــــور وعبادك منك اتغار
ومو إنتـــــــــــه .... خيالك راد عكـــّاز ..... يميل ابمشيتك كل خطــــــــوه خطوات
خصيمه الليل لكن أبد مـــــــــــــــا جاز ..... طلـــــــع بالليل ظلك والكَــمر مــــــات
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ
حقهم والله حقهـــــم من يحســــــــــــدوك ..... إذا مريــــت مره ابمشيـــــك اتميل
هلك من الحســـــــــــــــد كَلي اشيلبسوك ...... حضــــــــاره ولازم يلبسونك النيل
تسكن بالكَمر ناســــــــــــــــــــك يتبعوك ...... ترجع للشمــــــس هم ناسك اتشيل
إذا باجر عليــــــك ايمـــــــــرني جنـــّــاز ..... خطيتي إبركَبتك عن عمـــــري الفـات
اليوصفـــــــــــك مو خلك َ فنان يعتـــــــاز ..... بس خلك َ أنبيــــــــــــــاء وسحر آيات
************************************************** ******
منقول
