نخلة بيتنا

http://www.aljeeran.net/images/images[36].jpg

لاتحجي بزمن راح ونسيناه
سولفلي متى وشلون نرتاح
كافي لخاطر الله وعوف ماجان
خليني من أمس لتعيدلي الراح
بحديقتنه الصبح ماتطلع ورود
شظايا تفتح وينطفي القداح
ونخلة بيتنه تحمل صواريخ
ويجي وكت الكصاص وتاخذ ارواح
تانينه الصدك شوطلع جذاب
شمدرينه الصدك دمعات تمساح
نزل مره الكمر وأنطعن مرتين
شيسوي! استحه ولم حاجته وراح
على شفاف الشوارع حمرة الموت
وعلى اركاب النخل سجين ذباح
كضينه الخام الأسود قطع للموت
وعلى كل باب دمعه وليل وأشباح
وكضينه الخشب من كد التوابيت
وهدلنه امتونه من شيل الالواح
أناخايف على أمي ومو على البيت
شباقي بّيتنه بس حايط وطاح
يوميه الفجر تدعي ويّ الاذان
وتسويهه صدك والكون ينزاح
من تطوي العصابه تصير بستان
وإذا تبجي الدموع تطيح تفاح
راحلها بطل ينعد بالف شاب
حمه بصدره الخيم من جتها الرماح
كفت من بجيها عليه العيون
وبقى خيط الدمع بهدومها وشاح
كلما تنسى طوله وذيج الرسوم
تذكرها الصور وشياش الرياح
وتلوليله000الولد ليمت تردون
ولك يمه شعجب ماهزك صياح
تعال اكعد عروسك لازمه الباب
وكنتروك ييمه بغير مفتاح
ماعلكت رسمك عالحياطين
وسط فجات كلبي الصور ترتاح
كلما أغفه يمه وانسه الدموع
يوعيني قميصك وأشبع نياح
شسولف عن اخوي بوكفة الموت
ايتحزم للحرب بحزام فلاح
ينثرها جثث وتخضر الكاع
ويذريها العصف من غير مرواح
مواضع حدر كتره تلوذ بالخوف
ويشك أذن المدافع صوته لو صاح
وإذا رد السواتر ترجع وياه
وعلى متونه يرد العدل والطاح
لو طب معركه يكلبها صوبين
ويطك راس السلاح براس السلاح
ـــــــــــــــ:66 (46):ـــــــــــــ
منقوله

عاشت ايدك اخي العزيز غفران على هذه الكلمات الروعه والجميله التي تملئ بها المنتدى الادبي دائما


تقبل تحياتي

شكرااااااااااا اخويه الزير على المرور الرائع تسلم

قصيده رائعه الف شكر لكم والى الامام دائما

الحقيقة كلمات حلوة و الاروع انها تحمل في طياتها الحكمة
عاشت ايدك اخوي الغالي غفران
تقبل تحياتي و مروري المتواضع
اخوك
سيرانو

الف شكر وجزاك الله خيرا ولاتحرمنا من جديدك

شكراااااا على مرورج الجميل

قصيدة جميلة
ننتظر جديدك

aشكرااااااااااااااااااا على المرور الرائع.

اخي غفران والله لاتسعفني الكلمات ماذا اقول امام هذا الصرح الذي بناه قلمك وهذه الصوره بل هذه الصور
الرائعه التي رسمتها شاعريتك انك شاعر ورسام
عزيزي غفران تقبل مروري وكلماتي التي احاول انجاع معناها للتعبير عن الحاله التي كنت انا بها وانا اقراء هذه
القصيده شكرا لك وشكرا لقلمك
اخوك محمد السوداني