كالولي مو عراقي بقلم عبد القادر الزيناتي

كالولي مو عراقي بقلم عبد القادر الزيناتي
ربينه سوا
وكبرنا سوا:66 (6):

والعبنه الختيله سوا

وغنينا الشميسة سوا

وركبنا مراجيح الهوا

وكالولي مو عراقي

------------------

اني جيت من بلاد ايئمها البشر

من بلاد مقدسية اسرى ليها

نبي الامه جد المنتظر

اني ما جاي من كوكب زحل

ولا من على سطح القمر

وكالولي مو عراقي

------------------

هو اليعيش بوطن كل العمر

واليدفن اجداده بيده بالكبر

ويحلم بدنياه بيها بقمر ونجوم وسهر

هم يصير فراك من بعد التلاقي

وكالولي مو عراقي

----------------

العراقي طبع

ندري احنا نولد بينا

وعاش بينا

نخوة وشهامة وشرف

من طيب الاعراقي

وكالولي مو عراقي

-------------------

الشمس عدنا هناك نفس الشمس

والامثال عدنه هم حزن وعرس

واللغة نفس اللغة اليوم وامس

واسمنا بالتاريخ باقي

وكالولي مو عراقي

-----------------

اعرف من هنا

زاخو بالشمال

ومضروب بالبصرة المثل

والنجف ارض الكمال

والشامية عنبرها يعط

عطر ودلال

ومن غربها قراها

وناعور وسواقي

وكالولي مو عراقي

-----------------

بالرصافة عشنا

والكرخ هوانا ونفسنا

والصبح يطلع علينا

ننشد ونبيني ونعمر بالعراقي

وكالولي مو عراقي

-----------------

شنهوا البقه واني انمنع

حتى احمل وورود وشمع

وخضر الياس ينطرني بدمع

مارضى بغير التلاقي

وكالولي مو عراقي

---------------------

اني بيها ابن البلد

جدي اندفن بيها

وابني بيها انولد

وهم خلف ابنيه ولد

واسمه عربي عراقي

وكالولي مو عراقي

--------------------

مو عراقي اليخون العراق

مو عراقي الينسه كرمها والاخلاق

مو عراقي الما بنه بيها سور,
وغاص بدجلتها للاعماق

مو عراقي اليكول

اني مو عراقي
الزيناتي

يكفي هذه الابيات الي كاتبهة فهي تثبت انك عراقي وارفع راسك من تكول اني عراقي واليكول عكس هذا فهوا غير عراقي

مو عراقي اليخون العراق

مو عراقي الينسه كرمها والاخلاق

مو عراقي الما بنه بيها سور,
وغاص بدجلتها للاعماق

مو عراقي اليكول

اني مو عراقي
0000000000000000
العزيز الزيناتي000

اهنيك على عراقيتك 000

حبيبي ابداع ثم ابداع ثم رسم مشاعر جياشه ترسمها كل يوم لنا 00لنذوب فيها الى حد النخاع000

كلماتك تبكيني صدقني 000

دمت للمزيد000الصكر

تحياتي لك اخي الصكر
وشكرا لمشاعرك الطيبة
صدقني الكثير مما اكتب لا استطيع قراته لكوني احس اني لم اكتبها انما كتبت بيد اخر فابكي واتوقف عن القراءة
شكرا لك لكن من لم يقبلوا بي ليسوا بعراقيين عرب وهذا زمنهم ولكن ليس لاخر الدهر
سلامي لك يابن البصرة الصامدة وصاحبة المعاناة دوما
الزيناتي

شكرا اخي طارق
وهذه شهادة اعتز بها
شكرا لمشاعرك وسلامي لك
الزيناتي

حلوة جدا عيني واني اكول انت عراقي اصيل نور عيني :66 (46):

شكرا لك اخي العزيز واعتزازي بك كما انت
الزيناتي

السلام عليكم
الي كول انت مو عراقي العن امه فوك ابوه والسلام

ما شاء الله

كلام اكثر من رائع اخويه الكريم

بالفعل عراقي وابن عراقي

تحيااتي

شكرا اخي الزير
تحياتي لك وصدقني ضحت للكلمة فانها ذكرتني باحد الاخوة في العراق حين قالها لي وسمع الكلمة اصلا من اخر
صدقا اشكر مشاعرك ومرورك الكريم
الزيناتي

شكرا اخي ابن بغداد
مرورك اسعني وعطر صفحتي وسترى القادمات انشاء الله
الزيناتي