اخر يوم لمهند البكري في منتديات الفرات بيتي الثاني وراح اشتاقلكم هواية......

السلام عليكم

اخواني واخواتي رواد منتديات الفرات والذين احسهم اكثر من اخوة الي

اني قررت وبدون رجعة ان اترك بيتي الثاني
واتركم وراح اشتاقلك هواية
ولو يصعب علية فراكم بس شسوي اتحمل شيء اهم من شيء

عيوني نتو هاي وصيتي خاصة للاعضاء الي اذكرهم
والباقي ارجو التميز والمواصلة منهم


بنوتة العراقية
يافراشة المنتدى والله اكثر وحدة راح افتقدها هي انت
عيوني نتي اريدج تبقين على تميزج وعلى تواصلج والي يضوجج بس كوليلي هههههههههههه
واهتمي بدراستج لان اشبعج كتل والله يموت ام العربي والحاسوب

الفتاة المرحة ((مرح))
دلوعة لمنتدى
ربي يرجعج للمدرسة وتشدين حيلج واريدج الاولى على الكل
وكوليلي منيلج هل المواضيع المميزة والحلوة الي
تجيبها كولي ومااكول لاحد ههههههه
ديري بالج على نفسج
ماشي يلغالية

نجمة الفرات
نجمة المنتدى بابداعج وتميزج
والله صدك نجمة ومميزة ومبدعة بكل مواضيعج يلغالية
ابقي على هذا التميز ومااريدج تتكاسلين ماشي عيوني انتي
اريد ارجع واشوفج مشرفة عامة اوكي

الزير سالم
حبيب قلبي واكثر من اخوية عيوني انت
مااريدك تضوج بنوتة لو مرح
ماشي يلغالي ودير بالك على نفسك عيوني انت
وان شاء الله اجيك
ومراح اقطع تلفونات واميل وياك اوكي


العراقية الغيورة
شمعة الكهوة
عيوني انتي يغالية مااريدج تزعلين علية بس شسوي
خفت منج وطلعت هههههههههههه
لا يلغالية والله راح اشتاق لسوالفج الحلوة
وعود نزلي الصورة اني والزير مو تنسين
اريدج تستمرين على ابداعج يلغالية اوكي
وديري بالج على نفسج



حمودي الانباري
حبيبي الغاي عيوني انت مااريد اطلع من المنتدى وانت عندك موقف لو متضايق مني عيوني
انت والله اخ عزيز وغالي واريدك تبقى على تميزك حبيب قلبي


THE DRAK EYES
مبدعة المنتدى
عيوني انتي مااوصيج اريدج اكثر تميز وابداع
لان برهنتي وبفترة قليلة انج ام الابداع يلغالية ديري بالج على نفسج وعلى مرح ومن تضوجج بس كوليلي ههههههه



والله العظيم راح اشتاقلكم هواية واشتاق لابداعكم
اشوفكم بخير ان شاء الله
عيوني انتو
واني اسف اذا ضايقت احد او ضوجت احد اين كان
امسحوها بوجهي واتأكدوا مكان قصدي
ان اضايق احد او الح



مع الف سلامة واشوفكم بخير وتميز
مهند البكري

وعليكم السلام!
اخي الكريم مهند البكري
اني الظاهر اليوم راح اصير حلالة المشاكل للي يريدون يتركون المنتدى بدون سبب
اخويه مهند فهمونه شنو القصه عسى ماكو شر
بس لاتكون عدكم مؤامره واحنا ياغافلينكم الله ههههههه
او فتحتوا منتدى ثاني واحنا مندري.... كلشي يجوز
واكو مثل يقول : ماكو دخان من دون نار
فاذا اكو شي نتمنى ان توضحه لنا, اذا انت جنت صدك تحسبنا مثل اخواتك
وانت تعرف بين الاخوات ماكو اسرار فان شاء الله ميكون احد مزعلك
من اهل المنتدى الفرات
بس والله خساره ان تتركونا بعد ماعطيتونا
من وقتكم الثمين وجهدكم بالمواضيع والردود لنا
وتريد الصراحه اني شفت هذا احلى منتدى من جميع المنتديات ورتاحيتله
ومراح اتركه ابد فاتمنى ان تذكرنا الاسباب بلكت نكدر نعالجه
احسن من ان نخسر عضو
مهم ومتمييز ومبدع في اختيار المواضيع لنا
فنتمنى ان تتراجع عن قرارك وتعيد الحسابات من جديد
وبارك الله فيما سعيت وان شاء الله سوف تسعى لنا من جديد
وفقك الله والله لايحرمنا من تواصلكم معنا
اختك
نجمة الفرات

عيوني انتي المنتدى مو مثل قبل صح هذا مو دافع يخليني انسحب منه لانه حجة بس لكن الاهم اكو منتدى ثاني بي كل الاخوة والاخوات الي كانوا بمنتديات الفرات الي اني بالنسبة الهم نقطة بحر من ابداع وتميز ومااكدر اعوفهم ولهذا السبب قررت اروحلهم ونرجع جمعتنا الحلوة وهذا السبب وتسلميلي على كلامج الاكثر من روعة والله لايحرمني منج يلغالية



لكِ كل تقديري واحترامي
مهند البكري

اقدر اعرف شنو الي فرق من السابق بالمنتدى ومن كان السبب في ذلك؟
حتى نحكم على انه سبب معقول وفي ذلك الوقت نعذرك اخي الكريم
وممكن اذا سمحت نعرف من هم الذين تركوا المنتدى الفرات فلاجلهم انت راحل عندهم
وهل هم طلبوا منك ذلك
لو هاي سر المهنه وميصير نعرفها
وبالاخير القرار بيدك

يلغالية اولاً اهمال من الادارة لان كثرة المواضيع المكررة وكثر دخول ناس غير مرغوب بهم وثالث شيء
الي غالين علية واني افكر اروحلهم ملاك الرحمة وزهراء ومهند الكربلائي واكيــــــــــــــد تعرفيهم
واذا سؤالج عن طلبهم لو سر المهنة عمر الاخوة متصير تراب صح لو غلطان واعتقد اروح يمهم ارتاح اكثر
لان وكفوا وياية هواية وساعدون الى الوصول لهذه المرحلة فلهم الفضل الكبير في تطويري
ومااكدر انكر الجميل الي سووليا بالعكس جميلهم على راسي من فوك حقي اروحلهم لو لا واذا تريدين تجين اني بالخدمة اخذج وياية ههههههههههه لا جديات مو شقة

اقتباس:

---

المشاركة الأصلية كتبت بواسطة مهند البكري

يلغالية اولاً اهمال من الادارة لان كثرة المواضيع المكررة وكثر دخول ناس غير مرغوب بهم وثالث شيء
الي غالين علية واني افكر اروحلهم ملاك الرحمة وزهراء ومهند الكربلائي واكيــــــــــــــد تعرفيهم
واذا سؤالج عن طلبهم لو سر المهنة عمر الاخوة متصير تراب صح لو غلطان واعتقد اروح يمهم ارتاح اكثر
لان وكفوا وياية هواية وساعدون الى الوصول لهذه المرحلة فلهم الفضل الكبير في تطويري
ومااكدر انكر الجميل الي سووليا بالعكس جميلهم على راسي من فوك حقي اروحلهم لو لا واذا تريدين تجين اني بالخدمة اخذج وياية ههههههههههه لا جديات مو شقة

---

لا اخويه مهند اني مرتاحه اهنانه وعندي طبع حلو
اذا اكعد ابمكان واحد بعد مااكوم منه
يعني احلها واعالج امرها ولا اقلبها اما البعض من غيري يطبق عليهم هذا
المثل الي يقول( لو العب لو اخرب الملعب)
واذا على الردود ليسوا هم لهم الفضل بل هذا من جهدك
ومعرفتك السابقه بهذه المعلومات
هم فقد قدروا موضوعك واثنوا عليه
مثل بقية الاعضاء يعني هسه تريد تكلي انه فقط هولاء الاشخاص
الذين ذكرتهم
بس هم الذين يمرون على موضوعك وباقي الاعضاء متجاهلينك فهذا الشي لااعتقده ابداً.
قول متعلق بهم ولكن لاتقل هم لهم الفضل فيك لان
كل انسان هو الذي بيده هذه الامكانيات والقدره

مثل اني اجيت جديده على المنتدى قبل 9 ايام ومااعرف احد بس مواضيعي وردودي هي التي جذبت الاعضاء نحوي واثنوا على موضوعي فاذاً لايوجد فضل في هذا الشي الذي قلته
واما بالنسبه للمواضيع المكرره هذه الامور بيد المشرفين السابقين
الذين كانوا على هذه الاقسام
الذي تتواجد فيها المواضيع المكرره فالتقصير هنا في يد المشرفين وليس الاداره
واما بالنسبه الى ماقلت دخول ناس غير مرغوب بهم
اخي مهند كل المنتديات يوجد
فيها هذه الوضيعه يعني ابواب المنتديات مفتوحه لكل المشتركين
ولايقدر اي احد
ان يختار من سيكونون عضو في اي منتدى فالاداره
ليست من هي تختار بل التسجيل
مفتوح لجميع الاطياف والقوميات بدون استثناء الا اللهم صاحب المنتدى
يكتب الموصفات المطلوبه للتسجيل فرضاً اذا كان موقع سني يقول نريد فقط سنيين
وكذلك موقع الشيعه يقول ذلك فاذاً هنا لايوجد توحيد كلمه بين المسلمين والمنتدى فقط للمتعصبيين لقوميتهم او مذهبهم او ليس المهم عندهم تطوير الثقافه بل جماعتي وجماعتك فهل هذا برائيك صحيح؟؟؟؟
وانا رايت مواضيعهم وردودهم الذين ذكرتهم حالهم حال الاخرين
المثابرين في المنتدى ونشكرهم على ذلك
وانت بامكانك ان تكون عضو هنا وعضو هناك فما الفرق في ذلك
الا اللهم
كان شرطهم ان تترك المنتدى بعد صرت متمييز ومعروف بهذا المنتدى الفرات ولذلك انا وغيري
تعرفنا بسرعه على مواضيعك وامتيازاتك في المشاركات
واريد اسئلك سوال اخر فهل ليس لنا معزه اخويه عندك مثل معزه الاخوان الذين تركونا من هنا؟
ولاتنس معنى كلمه المنتدى فهو يعني جامع الثقافات والتقاليد من جميع القوميات والمذاهب
يعني هنا معنها استفادة العلم والمعرفه وليس فقط كسب الاصدقاء
وفي الاخير لايسعني الا اقول لك بالتوفيق ان شاء الله اين ما تكون.
مع التحيه والتقدير

تسلم ايدج على الرزالة الحلوة ههههههههههههههههههه
يعني بين قوسين اسكت واحسن من اللغوة الفارغة مالتي خلص
لخاطرج راح العب على الصوبين لان مااريد اخسركم ولا اخسرهم
بس والله نجمة من وراج ومن ورة هذه الرزالة راح اتعب تعب مو طبيعي بس راح اصير
خفاش المنتدى ويكون ظهوري ليلي راح يصير عندي شفتين شدعيلج هههههههههههه
اوكي خلص ابقى اهنا واهناك والله كريم انتي تأمريني

لالالالالالالالالالا اخويه مهند هاي احسبه معاتبه اخويه لان احنا كونن انعزك ونتشرف بيك كعضو بيننا
ومنريد نخسر الاعضاء الطيبين مثلك بس مو تروح وتكول عدولي
بعد يشخلصك مني اجاك الموت ياتارك الصلاة
وانريد شغل حلو ومرتب مثل قبل ومنريد اهمال ههههههههههههه اوكي
مشكور اخي على تراجعك بالقرار
تسلم وجزاك الله خير

ليش ماذكرتني هههههههه

نجمة اخبارش
انتي توش جديدة ومواضيعش حلوة
واني ارقبش من فترة
ذكرتيني باختنا الحلوة قرة العين
وملاك الرحمة
لكن انتي مثل قرة العين
الله يذكرها بالخير

مهند البكري انت وين ماتروح مواضيعك حلوة

الاخ مهند البكري

تعجبني صراحتك بكتابتك لهذا الموضوع
عكس بعض الاعضاء او المشرفين الذين غادرونا
نحن نعرف جيدت ان هناك مؤامرة لنقل الاعضاء الى منتدى اخر
التخطيط ةالترتيب من الاخ مهند الكربلائي وعضوتان ولدى الادارة ما يثبت ذلك ومن باب الصدفة وصلت الرسائل بالخطاء لعضو وتبين لنا الخيط الاسود من الخيط الابيض وان رغبت ازودك بقسم منها
اما ان ترغب بترك المنتدى وتلتتحق بركبهم فانت حر الاختيار وليس لنا حق ان نقف في طريق افكارك
اما نشاطك انت الذي تجبر الناس على متابعتك
وليس زيد او عمر
اما تقول اهمال الادارة
ممكن تعطيني سبب واحد للاهمال
او نقطه واحده للاهمال
تقبل تحياتي

الاخ مهند البكري

تعجبني صراحتك بكتابتك لهذا الموضوع
عكس بعض الاعضاء او المشرفين الذين غادرونا
نحن نعرف جيدت ان هناك مؤامرة لنقل الاعضاء الى منتدى اخر
التخطيط ةالترتيب من الاخ مهند الكربلائي وعضوتان ولدى الادارة ما يثبت ذلك ومن باب الصدفة وصلت الرسائل بالخطاء لعضو وتبين لنا الخيط الاسود من الخيط الابيض وان رغبت ازودك بقسم منها
اما ان ترغب بترك المنتدى وتلتتحق بركبهم فانت حر الاختيار وليس لنا حق ان نقف في طريق افكارك
اما نشاطك انت الذي تجبر الناس على متابعتك
وليس زيد او عمر
اما تقول اهمال الادارة
ممكن تعطيني سبب واحد للاهمال
او نقطه واحده للاهمال
تقبل تحياتي


السلام عليكم ورحمة الله وبركاته
استاذي الفاضل ماجد

انا مستحيل اترك الفرات لاسباب
اولها انه اول منتدى اشارك به في حياتي وحواني واحسست انه بيتي الثاني لان اغلب وقتي فيه اكثر بكثر من تواجدي بالبيت
والشيء الثاني انه احس اني جالس في بيتي فعلاً
والشيء الثالث مثل مامهند الكربلائي صديقي واخ الي اكو كثيرين اصدقاء واكثر من اخوة في منتداكم الفاضل
واولهم الزير سالم والاخ فرات
وانا قصدت بالاهمال من قبل الادارة وهذا دليل كلامي

1)لا يوجد مشرفين على المنتديات العام ومنتديات اخرى من ضمنها الاسلامي وابقى طوال الليل لامنع
اي تجاوزات من اعضاء يحرصون كثيرين على خراب المنتدى
وتعرف استاذي الفاضل هذا الشيء وتعرف
كثرة شكواي على الاعضاء الذين يعشقون الخراب والتفريقة بين الاخوة الاعضاء نقص المشرفين شيء اساسي
في تأخير المنتدى

2)انتو في مشروع تطوير المنتدى الله يبارك بيكم
لكن مو يعني ترك كل المواضيع وطلبات الاعضاء
لان اكثر الاعضاء يعتبرون هذا الشيء
نقطة ضعف على الادارة لانه لايرى اي دافع او تشجيع من قبل
الادارة على ابداعه

3)المشرفين الكرام المتواجدين الان في مناصب الاشراف يندر
تواجدهم في المنتدى
لان صار حلم عند الاعضاء ان يشوف مشرف متواصل على الدوام واحتمال لاسباب شخصية لانعلمها


4)نقص المشرفين يؤدي لى عم انتظام المنتدى وتكرار اكثر من موضوع وكنت على علم به بس لمن ابلغ على هذا التكرار
استاذي الفاضل


وارجو ان اكون قد وضحت النقاط المهمة في اهمال الادارة للمنتدى
صح كثرت المنتديات والاقسام في منتدى الفاضل
لكن لا يعني نبني شيء ونخرب شيء اخر
لان السفينة بدون قبطان تغرق


وهذه النقطة لزيادة العلم
منتدى الفارت مااقدر ان اتركه حتى ولو شاركت بالف منتدى اخر
بالعكس يزداد نشاط اضعاف مضاعفة عن قبل



مع كل الشكر والتقدير
مهند البكري

الف هلا بيك نتمنى للجميع التوفيق لما فيه خير وصلاح للمنتدى

تسلملي يلغالي على اهتمامك بالموضوع والله يوفق كل من يريد انجاح منتديات الفرات



اخوك مهند البكري

اقتباس:

---

المشاركة الأصلية كتبت بواسطة شوق الخليج

ليش ماذكرتني هههههههه

نجمة اخبارش
انتي توش جديدة ومواضيعش حلوة
واني ارقبش من فترة
ذكرتيني باختنا الحلوة قرة العين
وملاك الرحمة
لكن انتي مثل قرة العين
الله يذكرها بالخير

مهند البكري انت وين ماتروح مواضيعك حلوة

---

تسلمين حبيبتي شوق الخليج على سؤالج عني
فانا بخير والحمد لله واتمنى لكي ذلك
الخير والنجاح والتوفيق ان شاء الله
ومشكوره على الاطراء ومشاعرج الرائعه تجاهي
ومقارنتي بالاخت الفاضله والغاليه قرة العين
فانا اتشرف وافتخر واعتز بها ان اكون مثلها
فاتمنى من الله ان يحفظها الله ويوفقها اين ماتكون ان شاء الله
فانها بجد انسانه نادره و خلوقه وروعه واني متابعه مواضيعه وردودها القيمه
عندما كنت زائره في ذاك الوقت
ولكنني مع الاسف لا اجدها حالياً في المنتدى
فغيابها صعب علينا ان شاء الله ترد لنا بالسلامه وبااقرب وقت
امييييييين
مع التحيه والتقدير

والله مهند اتمنى ان تغير قرارك واخويه محد يمنعك من ان تكون مع اخوانك لكن لايوجد مانع من ان تكن معنا ايضا
انا مشارك باكثر من منتدى ولكن لايمنع ان اكون مع الفرات واعطي وقتي له لانه والله بدون مجامله منتدى مميز واعضاءة مميزين
اتمنى ان تبقى معنا ولك الاختيار