ابو ذيات عراقية:"دخلو شوفوا

:1: تغيب الروح بغيابك واردها:66 (9):
كتاب جفاك من عندك وردها
روحي بفركتك يذبل وردها
شمس انت وتنور الدرب ليه


تلوعنة وشفنه كل حلاوتهم ومرهم
والروح تمشي على طوعهم وأمرهم
حبيبي دوه لجروحي ومرهم
تمنيته يجي ويحن عليه


همت وانسلب عكلي وزاد مرضاي
على المر ماشفت شخصة مر ضاي
لون بات الترف بحشاي مرضاي
لكه اكرب يهل مبعد علية


بسك لا تضل تشكي بهاماك
وتلوم العين وتعضعض بهاماك
اخذ طبع النخل وارفع بهاماك
واذا بالطين عركك هاي هية

لو ردت الحبيب اتشوفه ينشــــــاف
وطيبلك جرح بضــــــــماده ينشـاف
اخبرك بل حبيب اشلون ينشـــــــاف
بس ضيف الاميل وهاي هيــــه

سماح اطلب انا المنكم وهدنــــه
كمش بيد التعورنه وهدنــــــــه
جبل راكَع خجل جيتك وهدنـــــــه
اصير اتراب ونته اسحكَ عليه


وحك رمضان وأشرافه وكتبه
عليك يهل دمع عيني وكتبه
انه شماريد أهم خطك واكتبه
شدهني جفاك من غصبن عليه

وحگ اعيونك ورسمك وداعك
وحگ جلماتك الحلوه وداعك
يصاحب فرهَد ابروحي وداعك
انتلف ثلثين والباقي باذيه


عجب خلخال ساكك مايرنش
جبح ودموع عينك مايرنش
يرن منك مصايب مايرنش
كرهتك لوحياة تصير اليه


تعال اسمع ون النايات وون عود
يخويه امشي نرد للوطن ونعود
اذا باجر متت بالغربه ون عود
وتظل ابعيد عن ارض الوطيه

روحي من الهجر عجزت ولابت
حلفت بدار ماأنزل ولا بيت
ذكرك مابقى ب***ي ولا بد
انكطعت من كطعت الوصل بية

تلوج الروح ياأحبــابي وراكم
وعجاج الضعن سد عيني وراكَم
يدمرني الحلم بيكم وراكم
ويريت الحلم واليقــضه سويه.


وسط گلبي يظل طابع وسمهه
عسل صافي حلو مرهاوسمهه
صفيت متيه باسمي وسمهه
لان هيه النجم واني الثريه



الدنيا خلافك وحشه ومره
ولا منك بعد جيه ومره
صورك مره اضمنها ومره
اشوفنها توج نيران بيه


احبة وما احب واحد بدالة
وياذنب البدة مني وبدالة
الك منصوب بكليبي بدالة
:66 (6): خطك على النبض يشتغل بية:66 (46):

حلوه لا بئس بيه ههههههههههه
لا تزعل اتشاقه وياك بس اني سامعه كل هاي الابوذيات

مشكور اخوي والك مني هاي الابوذيه الك كعده بدليلي ودار من دار وعلى غيرك حبيبي النظر مندار الروح الك فراش والكلب مندر واذا مو كطن اصلي اعتب عليه مع تحياتي نور الراوي

ممنون لك ياطيب
وهاي ابو ذية اني استلذ بيها
حبيبي كلنجم ويلوح بسماي
اذاوب من اسمعة يصيح بسماي
عجب يالعين شو تبجين بسماي
وج ابجي دموم على الراح مندية

وحگ اعيونك ورسمك وداعك
وحگ جلماتك الحلوه وداعك
يصاحب فرهَد ابروحي وداعك
انتلف ثلثين والباقي باذيه

كلام طيب من شخص أطيب:66 (46)::66 (46)::66 (46)::66 (46):

حلو شكرا جزيلا الك وهذا الك مني اخوي العزيز مكانك بلكلب يسمر يمحبوب وشفت لوعات من حبك ولي ذنوب ابد ماحيد عن حبك ولا توب اموتن لحظه لو تبعد عليه

ابوذيات رائعة ياقناصة

عاشت ايدك عزيزي

وتحياتي لك -- بانتظار مشاركاتك

يسلمو كثير على الابوذيات الرائعه

عليه همومي كثرن منته داري
وذا ماتداريني من تداري
جنت اضنك داري انته اومنته داري
طاع يفلان تضحك عليه-السلام عليكم ممكن اتعرف

وجهج شمس للعالم ونوره
وصرح حبة بنيته بدم ونورة
ربح من جمع كلبي وية نورة
وفضل طول العمر يملك علية

وحك من وصة يوسف بالرسالة
حرت شكتب شكولن بالرسالة
لون القلب يوصل بالرسالة
ادزه اليوم لعيونك هدية
مع تحياتي الحديدي

ابات وعلي همي ايروح ويرد
اعله اهاليته الدليل اينوح ويرد
من الشاهود عد وياي ويرد
جروح البالكلب تعبر الميه

اهديلكم هذا الشعر الشعبي
ذاك عيد
ذاك عيد وهذا عيد-وانت عن عيني بعيد
شوكت نتلاكة يولفي واصبح بسدك سعيد
شوكت ايدي تلوي ايدك والزمان الي مضى يعيد
وهاي الناس المعيدة ولبست الثوب الجديد
وبس الك مكتوب اودي بيدالموصل بريد
حتى تتقبلهة ذكرى ولو رحت بالحب شهيد0000تحياتي الحلوةالغالية
اتمنى ان يعجبكم احبكم