قصيده للعراقيين وانشالله تعجبكم

مل مني القلم ومن القلم مليت
عمت عينه قلمنه الما نفع شِعره

تعب حته الشِعر ويه العراقيين
وصار بحال اهلنه وبالعراق ادره

رسمت حروف العراق برسم فنان
وجمعت اربيل والانبار والبصره

وگلت لازم حروفي توحد الخوّان
ما معقوله هيچ تصير فد مره

ورديت ولگيت دموع عالوجنات
حروف الي رسمتهه اليوم متطشره

كردستان تحچي بزودهه وتگول
احنه العاصمه وبغــداد متأخره

والانبار شالت سيف عالخوان
لو ليه الحكم لوفلّش الاسره

والبصره تگول احنه نريد اقليم
ومن نفط العراق الكُم فقط عُشره

وشفت للفتنه والله العراقيين
دون حروف جر يا ناس منجرّه

مذبوحه المحبه وناس تكره ناس
سويه الي يحب والقابض الجمره

حته الورد ما يرضه بعد بالماي
من دمنه تريد الورده والشجره

رقم جبنه قياسي بالقتل والموت
وصرنه اول شعب نص اهله متهجره

نهر دجله يـا ناس من الجثث غرگان
خلي نمد ادينه لدجـــــــــله وانجرّه

على جثثنه ادور هالفضـــــــــــائيات
ياهو الي يصــــور ياخذ الاجــــــره

معصوبه العـــــيون مچتفه الايدين
وانواع الرصاص يچوب بـــــصدره

لا اهله اجوي وچــــــــفّنوا بچـــفان
مجــــهوله الـــهويه ومن درة بأمره

اذا امّه الــــحنونه الصايمه برمضان
ما اكــــلت اكلهه وبقت تـــــــنتضره

تنــــــتضره يرد وتريد تحــجي وياه
اثاري العيـــــــــد لازم ينگطع مهره

لان باعت ذهبهه بشارع الصياغ
حته تزوج ابنهه الما فرح عمره

ما نامت بقت سهرانه كل اليل
ايا ليل العراق الما بزغ فجره

وما جاهه صبر طلعت تدور عليه
مثل طلعة حمامه بعينهه العبره

وما شافت ابنهه وجاهه ملك الموت
تعرف شنهي يعني تموت بالحسره ؟؟

معناها الفرح صاير مثل رجال
شايل ورده بيده وخنجر بضهره

معناها عراقك كاتل ومكتول
سوده گلوبهم وعقول مفتره

وكل هذا ويگلي احنه العراقيين
سنه وشيعه عشنه الحلوه والمره !!

لا والله چذب احنه العراقيين
سنه وشيعه مثل الضره عالضره

ملينه الچذب وليمته وليا دوب
واقع حال لازم نخضع لامره

ملينه الچذب وليمته وليا دوب
قصايدنه اجت للناس متأخره

نعم خوان احنـــــــــــــــــــــه
نعم خوّان احنه وياك آني بهاي
بس مو من بعد تفجير سامرّه

بعد تفجير سامرّه العراقيين
مثل فلم الرعب ودمايته الحمره

مو فتنه صحيح الصايره ابّغداد
سونامي الفتن بغداد منتشره

قتل مو عالهويه هواي متوهمين
صارت عالاسم گص راسه ويشمره

واليگلي تبالغ انته حيل بهاي
جبت حجه ودليل وياي هالمرّه

اتحده بكر واتحده ابو الخطاب
افن واحد البيهُم يوصل الثوره

واتحده على واتحده هم حسين
اذا فلوجه طبهه ومنكسر ضهره

صـــــــــفر كل النتايج للعراقيين
بس بالفتنه جابوا عشره من عشره

هذا يگول سني ناصبي اغتالوه
وهذا يگول شيعي رافضي نكفره

ضلّوا بهالسوالف يا خزي ويا عار
واسرائيل علگت نارهه الــــــكبره

يول وين الــــــــشرف گدامكم بغداد
شــــــگّوا ثوبهه واخذوهه متأسره

غتصبوهه الكُفر ... ما تسمعوهه تصيح
آنه ام الــــــــــــشرف واليوم مو عذره

بعد والله ما يــــــــــــــنفعنه قيل وقال
لات كـــلشي انتهه وانكــــسرت الجرّه


مرحوم الـــــــعراق استشهد من سنين
يا وسفه صفـــت أشلائه مـــــتنثره

متنـــثره بمزابل يمـــهه كوم چلاب
اكلت من لــــــحومه وما درت سرّه

صــــير وياي بس هالمره اترجاك
عيب من الــــــــــــعراق اليوم نتبرّه

صعبه بمزبله جثة الــــــــعراق تصير
خلي نشــــــــــيله منهه وندفنه بگبره

الله الله ياجراح القلوب
لقد وضعت اصبعك على الجرح هنا فعلا هذا هو واقع العراق اليوم
ولعل مانسمعه ونراه على شاشات الفضائيات اقل بكثير من الواقع
المؤلم
نسال الله ان يزيل هذه الغمه عن هذه الامه
سلم قلمك وسلم نفسك الوطني
دمت بود
تقبل مروري
اخوك

علي البهادلي

مشكوووووووووووووووور
اخي على الكلام المعبر
أرق المنى

لسلام عليكم وبارك الله فيك اخي على ما خطته اناملك واسمح لنفسي ان اهدي هذا البيت من الشعر النبطي لكل عراقي وعسى الله ان يحفض العراق والعراقيين
كالو ا عراقي كلت تاج الراس اهل الكرم والطيب والشهامه
واتمنى ان اتعرف بكل اخ مشترك في المنتدى مما يزيدني شرف وفحر

عاشت الايادي كلام جميل ومعبر الف شكر ......

مشكور على القصيده الجميله

عاشت الايادي على الموضوع الجميل والكلمات الاجمل

والله والله والله اشكرك جدا على هذه القصيدة الرائعة التي تتكلم عن واقع حال العراقيين الابرياء

تسلم ياحماده على الكلمات الرائعه
وشكرا لك

شكتب واقلك وبحلكي واقفة العبرة
من دهوك نوخذنه وللفاو بالبصرة
كل واحد يحود النار لقرصته
ويعلن رايته دوم منتصرة
والجرح ينزف دم عراقي
من الشعله والثورة للاعظمية والكسرة
وذاك يقول الفرات باسمي يجري
والاخر دجلة يريد يحوله بصخرة
ياهو ايريد العراق بخير
يوقف جري الدم و يموت العبرة
واليريد العراق بخير :2:
لا يشترط للوحدة كلمة يزيد عالسطرة
واليريد العراق بخير
لا يلتفت حوله .. تره يشوف اذياب متكشرة :66 (124):
واليريد العراق بخير
يشوف باجر .. يبتسم وبراية منتصرة :1:
كلماتك وانا اقراها جعلتني ازيد قليلا عما قلت اخي العزيز
دام قلمك ودمت
الزيناتي

تسلم يالزناتي على هذه الابيات الجميله ولن شاء الله يبقى العراق عالي
الله يبارك فيك

تسلم يا ورده يا جراح القلوب والله انت نزلت الدمع من عيني من قريت كتاباتك الحلوه لان انت كلش حساس وتكدر اتوصل لكلوب الناس الي واطلع الحجي الي ميكدر ون يحجون بيه او يعبرون عليه اتمنالك التوفيق يا اخويه العزيز (روعه العجيلي)

والله انك حراح القلوب الحقيقي 00

عزيزي والله ابكتني كلماتك المنمقه والجميله 00والمحصوره بقلب كل عراقي000شريف غيور على شرفه وعرضه00

قصيده في منتهى الروعه والجمال 00قصيده اوضحت حال العراق الجريح 00وانشاء الله نضمد جراحه ويقف شامخا

بعون الله تعالى00فالعراق كالعنقاء تولد من الموت 000000ودمت للعراق يا اصيل