نظل نكتب قصايد رغم الأحزان
عله رغم الظرف رغم الصعوبات
نظل نعشك ولو كامو يكتلون
إذا سمعو حبيب وكتب أبيات
نظل نبقه نكول العشك مو عيب
وصدكوني اليحب لو مات ما مات
يطيور التهاجر لا تخافون
إذا كالو بلدنه أصبح متاهات
إذا ماكو شجر يحميكم اليوم
تعالو بيوتنه اتحب الحمامات
بعد نزرع ورد ونحط مراجيح
وبعدهه أمي تحب تجني الدجاجات
بعد بينه الحياة ورغم ما صار
نطلع للزرع وكت الأجازات
بعد دجله بحنانه يغطي بغداد
وبعد ينخه الفرات عللصعوبات
وتظل ارض العراق ارض الكرم دوم
هاي الكاع مهبط للرسالات
إذا ردت الحضاره اقصد البغداد
لان كل شبر كانت بيه حضارات
علمنه البشر تكتب حرف ليش
هذه يصير بينه وكلهه شمات
بس ميخالف نكول ابن الجواد
يتحمل إذا مرته الصعبات
وإذا وازى زغير عللغلط يوم
ما يغلط ولا يتعده هيهات
يظل طبع العراق بطبع الجبال
ما يهتز عظيم وعنده شارات
اخوكم الشاعر
علي جواد كاظم البحاثي
http://www.poetsgate.com/sh3ra.php?a...hpoems&id=1334
الرابط الصوتي للقصيده هو
http://up.foraten.net/download.php?f...e183b68b68.zip
