ابهيدة يا زمن ويانه ابهيدة
عشنة بلا فرح وبلا مسرات
جنة صحبة وية الفرح وتزاعلينة
وعاشرنة الحزن عشرة عمر وسنين
ومن تريدة الناس تنشد علينة
بسك وك يازمن ماكفاك
همومك من الزغر مسكته بينه
عشنة بحزن وهموم من اول ندب عالكاع
وخذت فوك الي تريدة
ابهيدة يا زمن ويانه ابهيدة
شيلتنة هموم فوك هموم
بوية حتى ضحكتنة التضحك ضحكة حزينة
لون همنة انكشف ويشوفة ايوب
جا نسنة همومة وعاين علينة
دمعتنة رخيصة ابطارف العين
بس العزيز الغالي مامرة بجينة
النه احباب واحد لو نخيتة
يجيك وشايل الروح اعله ايده
ابهيدة يازمن ويانه ابهيدة
تغربنة سنين وسنين
وشفنة جور وقهر وكلنه قسمتنة ورضينه
وفاركينة احبابنه غصبن علينه
وكلنه هذا الزمن واحنه اشبدينه
وما شكينه وما حجينه
بس خلص موح الجفن من كد ما بجينه
ليش احنه من دون الخلك يازمن رحاله
وكلما نكول انتهت وطلعت رحلة جديدة
ابهيدة يا زمن ويانه ابهيدة
ارجوك وك يازمن امهلنه لحظات
انودع احبابنه انكظهم بدينة
اي يا زمن شكد بيك دورات
شكد كعدنه وشكد مشينه
مرت علينه سنين وايام
واحنه صحبة قلب ولسان وابد مايوم تفاركينة
ليش اجيتني ومن بعد هذا العمر
والهجر رايد تعيدة
ابهيدة يازمن ويانة ابهيدة
اي يازمن عشنة ايام حلوة بلمة الاحباب
كبل ما يمر الفرح واحدنه للثاني تبتسم عينة
احباب خوان وك اصحاب مو شلون ماكان
بينه الوفة والطيب وشتسمينة سمينة
محلى الكعدة لو كعدوا وياحلاة الشوك من نشتاك
ويا محلى محاجينة
وك عمت عين الزمان الي اصبح بيه
الحبيب يودع احبابة بيدة
ابهيدة يازمن ويانه ابهيدة
وك لا تكلي شكد حجيت
مو احبابي علي غالين بغلاة الروح التعز بينه
من اذكرهم تطفح اجروحي
وابد مايرهم دوة الروحي الحزينة
وما شكينة وما حجينةشكد ودعينة
شكد بينة حنين الهم شكد بجينة
احبابي من نويتوا لسفر كتبتلكم قصائد
اشوف اليوم منو يكتبلي قصيدة؟؟؟؟؟؟؟؟
ابهيدة يا زمن ويانه ابهيدة
