ابوذيات عراقية منوعة من الالف الى الياء

ابوذيات



حرف الالف
المسه كتله صباح الخير ....وبراك
اتمازح كال لولا اتوخز ....وبراك
كلت لا والذي صورك .... وبراك
بجبينك صبح ظنيت المسيه
وهو ماخوذ من البيت الشعري الذي يقول
صبحته عند الساء فقال لي ..............هل انت تهزأ ام تقول مزاحا
فأجبته اشراق وجهك غرني.............حتى تخيلت المساء صبـــاحا

2_الباء
بره المسكوم من علته ....وناداي
وحركت اليابس بهجرك...وناداي
براس اربع طرق لكعد....وناداي
انه المظلوم وانت بدعت بيه
وهو ماخوذ من هذا البيت
لاقعدن على الطريق واشتكي...........واقول مظلوما وانت ظلمتني

3_التاء
تظن يبره الجرح عكبك.....ويلتم
جفيت وبالحشى منـــك.....ويل تم
الثريا الها شمل سبعه......ويلتم
وانه واحد حبيبي وشح عليه
وهو ماخوذ من هذا البيت
خليلي اني للثريا لحاسد.............واني على ريب الزمان لواجد
ايجمع منها شملها وهي سبعة.......ويبعد من احببته وهو واحـــد

4_الثاء
ثدي الحب يبس ما در ......والك دار
ومحبتك زالت همومي......والك دار
الك عرش انتصب يا اسمر..والك دار
بكلبي ولا لغيرك سكن هيه
وهو ماخوذ من التخميس الاتي
ما لنا عنك سلوة واصطبار............ولمعناك في القلوب قرار
وسواء منك الجفا والمزار.............اينما كنت فالحشا لك دار
ليس فيها لغير شخصك سكنى

5_الجيم
جره دمعي على الوجنات.......ما دام
على ريم اليدير اقداح..........ما دام
حرام الزنا بالقران............ما دام
من التقبيل لا تبخل عليه
وهو ماخوذ من هذا البيت الشعري
لقد حرم الله الزنا في كتابه.......وما حرم التقبيل بالخد والفم

6_الحاء
حكم سيفك الغـــــدار.......حكمه
ابكلبي وما بقت للصبر....حكمه
كل اللي توله جار .......حكمه
انه عاشك وحكمك جار بيه

وهوماخوذ من هذا البيت الشعري
ها انا اهواك على ما ارى............من قلة الود وبعد المزار
كم جرت بالحكم على عاشق..........اكل قد من ولي الحكم جار

7_الخاء
خالص يا ترف بس الك .....ودنه
لون تسكن بيابي العين ......ودنه
لو بات الترف بحشاي ......ودنه
اكله اكرب يحلو الطول ليه
وهو ماخوذ من هذا البت الشعري
لو بات من اهواه وسط حشاشتي.........لقلت ادنو مني ايها المتباعد

8_الدال
دليلي ابنار هجرك طاح .....وهواي
لشك ثوبي وادك واصيح....وهواي
اذا تنكر هيامي عليـــــك ...وهواي
ادموعي اعلى الخدود اشهود هيه
وهو ماخوذ من البيت الشعري التالي
اذا تكن منكرا هواي ووجدي.......فدموعي على الخدود شهود

9_الذال
ذلولي عليك ناحل ......ما بغيره
وسليم الذات اوده ......ما بغيره
صديـجك لو لكيته ......ما بغيره
بجف ارماد بيعه لو تهيه
وهو ماخوذ من هذا البيت الشعري
اذا لم تجد عند الصديق مروءه........ولا غيرة بعه بكف رماد

10_الراء
روحي بيش اسليها .....كتلها
عليك اني ودمع عيني...كتلها
شبه العيش بالبيده.......كتلها
الظمه ودومن اتحمل الماي هيه
وهو ماخوذ من البيت الشعري الاتي
واشد ما لا قيت من الم الهوى.........قرب الحبيب وما اليه وصول
كالعيش في البيداء يقتلها الضما ......والماء فوق ظهورها محمول

11_الزاي
زماني ما نطه لروحي .....نفاها
ظلمهه وعن مواطنهه .....نفاها
السفاهه اهل المثل كالو....نفاها
انا اشما سفهت ناري سريه
وهو ماخوذ من المثل الذي يقول
الســــــفـــاها......نــــــــفاها

12_السين
سكاره احنه ابهوه شوكه......وصحنه
جره دمعي وجرح خدي......وصحنه
غركنه من الدمع صاحوا.....وصحنه
احتركنه وناركم عمت عليه
وهو ماخوذ من هذا البيت الشعري
فلما برزنــــــــا لتوديعهم............بكو لؤلؤا وبكينا عقيقا
فساروا فاتبعتهم ادمعي..............فصاحو الغريق وصحنا الحريقا

13_الشين
شنهو السبب يا مدلول .......مرضيت
وابزعلك اللب احشاي ......مرضيت
الك عاشك انه وانجان......مرضيت
فؤادي اللي غصبته رده ليه
وهو ماخوذ من هذا البيت الشعري
ان كنت تابى ان تراني عاشقا ........فارجع الي فؤادي المغصوبا

14_الصاد
صومي لليكول اهواك.......شفته
صبحت وارشفت من الترف..شفته
يكلي افطرت كتله البدر.....شفته
بجبينك حرم كل صومي عليه
وهو مقتبس من هذا البيت الشعري
قبلته عند الصباح فقال لي..........افطرت يا هذا ونحن صيام
فاجبته انت الهلال وعندنا..........الصوم في رؤيا الهلال حرام

15_الضاد
ضكت حلوك حبيبي وضكت......ما راك
وانه بغي التجافي الحيــــــل.....ما راك
يضيج الصدر يوم البيـــــــه.....ما راك
وينطيني عذولي الحك بديه
وهو مقتبس من التخميس التالي
الى كم ذا الصدود اطلت هجري..........رويدا فالهوى العذري عذري
متى يوما اراك يهون امري..............ويوما لا اراك يضيق صدري
وتعذرني العواذل في شجوني

16_الطاء
طريدك لا تطن ياوي......لجنه
انذهل وانياب هجرانك ....لجنه
شمس شبهك انصفها.......لجنه
الك ما انصفك بين البريه
وهو مقتبس من هذا البيت الشعري
شبــــــهك الشــــمس ولكنه.............قد انصف الشمس وما انصفك

17_الظاء
ظجر كلبياو دمع العين.......هماي
وراهم يا اجدامي ابشوك....هماي
حجب عن عيني طيب النوم..هماي
اشلون اصفي لزماني الخان بيه
وهو مقتبس من بيت الشعر التالي
قلقـــا تقلبني الهموم بمرقدي...........هل كيف اصفي للزمان واصفح

18_العين
عند البد وفه الانصاب .......كله
علن حربه وعلي ثار........كله
حاجه اتصير عند الجلب....كله
يحجي جليب دير النظر ليه
وهو ماخوذ من المثل الشعبي المشهور
لو صارت حاجتك عند الجلب سميه حجي جليب

19_الغين
غيرك لا تظن بالعين ......حالي
اوريجي عليك مر ما يوم...حالي
بغرامي يالتسل عن شرح ...حالي
اعله كل حال الهوه جتال اليه
وهو مقتبس من هذا البيت الشعري
ان تسل في الغرام عن شرح حالي.............فالهوى قاتلي على كل حال

20_الفاء
فكدت اضعونهم واصفج........بياداي
حلت وين ما ادري............بياداي
الكلب هيهات يســــــلاهم.....بياداي
ولا عيني تلذ بالنوم هيه
وهو ماخوذ من هذا البيت الشعري
فقدت ضعونا في دجا اللبل حملوا...........وراحو ولم اعرف لهن مقاما
فلا القلب يسلاهم ولا النار تنطفي...........ولا العين تهوى بالبعاد مناما

21_القاف
قيد الاسر بالرجلين....... صكه
عدونه والهنا بالكاس.....صكه
انهضوا للعلا واكتبوا ....صكه
اوقع بيه تراني اعله المنبه
وهو ماخوذ من هذا البيت الشعري
الا فاكتبوا صك النهوض الى العلا........فاني على موتي به لموقع

22_الكاف
كثروني وزاد الكلب .........لو بات
ومدري انكطع حبل الوصل..لو بات
الكمر ولفي وعندي اليوم ....لو بات
مجنت ارعه الكمر لو زاد ضيه
وهو مقتبس من البيت الشعري التالي
يا ليل طل او لم تطل................لا بد لي ان اسهرك
لو بات عندي قمري .................ما بت ارعى قمرك

23_اللام
لااسمع لا ارى لحجي .......ولاشام
ابشوك الما حوى نجد .........ولا شام
اله سوره ابصحن خده........ولا شام
سوده وبالسويد اثر سجيه

24الميم
مصابح ناس عادتني ........اولمسها
واوعيني عن مودتها.........او لمسها
الافاعي بالمس لين.............لمسها
لجن من تجلب ابسما المنيه
وهو ماخوذ من البيت الشعري الاتي
ان الافاعي وان لانت ملامسها...........عند التقلب في انيابها العطب

25_النون
نهاني الينم عنك............ وابد منهه
وودك مثل روحي .........وابد منهه
السمه كابلت وجهك........وابد منهه
البدر من ضي سناك انعكس ضيه
وهو مقتبس من البيت الشعري التالي
قابلت وجهك السماء فابدت...............صورة البدر من سناك انعكاسا

26_الهاء
هله بالي بوداده انكشف .......ستراي
وحوبه الجان الي وياك........ستراي
اجانه بالظلام ايريد............ستراي
انفضحنه ابنور خده اليشع ضيه
وهو ماخوذ من هذا البيت الشعري
اتانا في الظلام يريد سترا..............فانفضحنا بنوره في الظلام

27_الواو
ولك شوك الدليلي......وانت شاكي
الذنب منك عليـــه......وانت شاكي
بليه اسلاح اشوفك.....وانت شاكي
لجن بعيونك سلاح المنيه
وهو مقتبس من البيت الشعري التالي
هزوا معاطفهم وهن رماحم.............ونضوا لواحظهم وهن صفاح
شاكين ما حملوا السلاح وانهم..........منهم عليهم اهبــــــــة وسلاح

28_الياء
يحادي الظعن بالله عليك......اني
لما يسمع شريج الروح.......اني
لريد اصبر واعلم الصبر.....اني
امر من الصبر فركاك اليه
وهو مقتبس من هذا البت الشعري
ساصبر حتى يعلم الصبر انني........صبرت على شييء امر من الصبر


*************

كلبي مالعة بغيرة لعابة

وأحسن شفة لأمراضي لعابة

سبحانة الذي صاغة لعابة

ونفخ بي روح حتة يعم علية



***********



عليك ألقيت حجة وألقي يامة

ويامة براسك احجي وألقي يامة

تدري الحشر يمتة والقيامة

القيامة والحشر زعلك علية



*************



تدري شكد ألك كلبي ولع ظام

زغار جروحي يهونك والعظام

أموتن وندفن وأعتك والعظام

يزحفلك زحف لوصحت الية

************


بحظنك ياوطن أغفه ونامن
وبدونك ياوطن ضايع انامن ... ؟
يســألوني أحبك كَلت أنا من
حبه لقب سويته اليه
** ********



أزعل ياوطن وارجــع اراضيك
وحــن بغربتي لناسك واراضيك
بغير الفرح صدك ما أرى ضيك
وأذا مرك حزن حسيته بيه

***************

تشب بضلوع صدري يامناره
وليمته انطره يومناره
الك ثارات قبة يو مناره
لو باجي المصايب ياشفية؟




يعظم الله المصايب هاي ماجور
وتظل الكلوب تبجي بظلم ماجور
اظن فاعل فعلته وياك مأجور
عسى لا هنا بنومة هنية

****************

لا اشره على الظالم ولا اعتاب(من العتب)
بهدم قبة علي الهادي والاعتاب
الي يبن الحسن حسره والي عتاب
شهجب صبرك على هدم البنية

*******************

وحك من كون الاكوان وابسط
انه اسهل من نسيم الروح وابسط
جنت املك مخدة صوف وابساط
الاجوني فرهدو ذني من اديه

**************
بعدك كمت اسوي اللوح ويبات
ولا اخلي دليلي يهين ويبات
الحزن وياي طول الليل ويبات
بفراشي ويسولفلي عليه

***************
بنص گلبي لگعد حُبك وبيته ........ أخلي
وبمرض فرگاك گَلبي وبيته ......... مرضته
گلبي يعتبرك موطنه وناسه وبيته ........ البيت
والي يظل بلا وطن كل عمره أذيه

***************
رخه گلبك عليه وراها ....... راهي
وأنه الميت لو ألـچـح عيونك وراها .... أشوفهه
روحك وين ماتروح روحي وراها ....... خلفها
حس بيه يكفي صدك عليه


*****************
مايهمني نبعك الراهي وسنك ........ عمرك
ولاتكشرلي بنيابك وسنك ........... السن
رمح سواك عاذل وسنك ......... سنترك
على گلبي ونبتك بيه

******************


چــانت أشواگي وياك جد ماظنيت وديه .... عاديه
وأدفعت لعيونك حياتي وعيوني وديه ..... الديه
وردت أحظنك بلهفه بروحي وديه ...... الأيد

***********************

((انت الشمس وانت البدر منهل
وشفاك طعم البدر منــهل
قلبي ياترف بس اللك منهل
الورد من تمر ياخذلك تحيه

**********************

اوف من زماني أه منه
على اللي عشرته وياه منه
اقول الدرب يقول مـــنه
اقله فوت بيه يرد عليه


********************

لساني بيوم شفتك *** جل بيانه
ويريت البيك يصبح *** جل بيانه
طحت وكام ينبح *** جل بيانه
يحذرني من اخوي الهد عليه !!
.................................................. .............................
~~~~~~~~

ْْْْْْْْْْْْْْْْْْْْْْْْولك صه لاتكلي علمنصة

لكلمن عالمنصة علمنصة

تعرفه الخوش شاعر عالمنصة

يطك خشم السمه فوك الوطيه

ْ~~~~~~~~~~~~~~~~~~~

يغم وكتي عله حبلك منشراني

بعتني بسوك غدرك منشراني

اذا صاج انت جفك منشراني

وحك ربك اكطعه العال بيه

~~~~~~~~~~~~~~~~~

النوايب بيه جمعتهن مشابيك

وعلّي نشابهن يردف مشابيك

جتّالك فضل سوه مشابيك

انه لوحدي رحت جنّاز بيه

~~~~~~~~~~~~~~~

حرت ماكدّر العارف وشلباي

بسبب مجرى الدمع والدم وشلباي

صرت كلي جرح ينزف وشلباي

اشتبهت وخيطت جرحي عليه

***************
عليك الدمع مابطل وجاري
هلي ملو كثر نوحي وجاري
العلي ماصاربالدنيا وجاري
صديقي والعدو طبكو عليه



********************

كثير اجناس دنيانا ولأعراق
وانا مولّع على شوفه ولع راق
انا بحريني بس موطن ولعراق
بلد قلبي واله اثبات وهوية

******************


صفينا اشتات بين الناس واغراب
عجيبة ايام مرت بينا واغراب
وكت خله الصكر ينضام واغراب
يحوم عليه ويسومه المنية

*****************

حبيبي لاتظن الدهر سرنـــا
هجرنا ديارنا وللغرب سرنـــا
وحكك ما طلع للناس سرنــا
لجن دمعي فضحني وعم عليه

**********************

بعدنا عنك ياوطن والنوب عدنــــا
وشما تمر شدات ابطال احنا عدنـا
ان ضاك بيك الزمان بيــوم عدنـــا
تلكانـــا الواحـــد يصيــر الك مــية

********************


شيل سلاح ودك ونترامه
الكلب مارام غيرك ونترامه
بجهازي شلون اخزنك وانته رامه
صرت بيك اتصل لو ردت بيه

*******************


صباح الخير يمدلل من الشام
يحلو الطول والوجنات والشام
اذا ينكطع عني الشوف والشم
تضل الروح خضرة بهل الوطيه


*****************

سكر كاس الخمر من ضاك نفسك
اكو غيرك حلو بس ماكو نفسك
اريدك يا حبيبي تبوس نفسك
بس بداخلك تنويهه اليه



******************

وحك الصاح ع الشيطان كلا
الك يروح فدوة العمر كلا
بغلاتك لو تطكني الف كلا
اكلك زيد كلاتك عليه


********************

افكر بيك يا حبي ولا نام
ولا غمض جفن عيني ولا نام
احب اجلس يمك ولا نام
بعيد وشوفتك حسرة عليه


**********************

حلو يالشعرج مفلفل فلافل
وحك عيناج عن حبج فلا فل
لون جانت عشرتي وياج صمون وفلافل
دجاج نصير ومطبك سووووووويه

ويردون عليه

اشدروحي ابحبل شوكك فلافلوجند
ي اكضي العمر يمك فلافل
يريت ابلفتك اصبح فلافل
واحس ابطبكة شفافك عليه

*********************
تدري بودي شزرعلك ولك ياس

وتدري اشايل بكلبي ولك ياس

وتدري اشفت بالشارع والاكياس

شفت عظام مجهولة الهويه

*****************
بس احنه المصايب صاحبنه
لان كل ساعه نفكد صاحب النه
ابنه المات محد صاح ابنه
خاف انصيح ويعدمون اخيه

*****************

السعاده امنين اجيبنه والفراح
او على الخوان راح اصفك ولف راح
الف ذبحو والف عدمموه ولف راح
وتاني او مارجع واحد عليه

******************

لفراكك لاتظن ننسه ونسله
كلنه نذوب لفراكك ونسله
تظن كلبي لكه غيرك ونس له
اذا شكيت اسئل كلبك عليه

************


اتمنى ان تنال رضاكم

الله رائعة ولو اني شايف فكرتها
قبل
مشكور اخي و بارك الله
تقبل تحياتي و مروري
اخوك سيرانو

زمان الجان يزهي كبل مادام

وبجيت عله الخدود الروح مادام

عكبهم كلت اسم الروح مادام

مشوا عني بعد جا شلي بيه؟




مشوا عني شلي بروحي بعدهم

وكت كل غايته عني بعدهم

عيد المايحط جفه بعدهم

حرام انجان يهنه العيد اليه





حرام انجان يهنه العيد ويطيب

ولاجرح البعد يلتام ويطيب

الي بركان حدر الضلع ويطيب

يطك من تمر ذكراهم عليه





يطك من تمر ذكراهم وليراي

الي جانوا نهر عشره وليراي

لهم راي اليفاركنه وليراي

اسير ويّ الضعن ماصح بديه





اسير ويّ الضعن كصدي ولاصاح

بشر لاعدل ظل عدها ولاصاح

حده حدايهم سكته ولاصاح

حده وكطذع بكايه الروح بيه





حده وكطّع غفل روحي منحداه

وعميت وماعرف حدي منحداه

سوه ماكو فرق وحده منحداه

النوايب ذيج بيك وهاي بيه





النوايب دارن وصكن بعدكام

وكضن عشرين من عمري بعد كام؟

كضت كومه من جروحي بعد كام

يمين اجان اداويهن بديه





يمين انجان اداويهن ولاروف

وبعد لا أرحم بحالي ولاروف

تهت لاماي ظل عندي ولاروف

فقط دمع الوجد نهران بيه






فقط دمع الوجد نهران ليلاي

على اللاظم الليلو فوك ليلاي

جذب ماظن تصير بيوم ليلاي

إذا حته آنه صاير موش أليه

إذا حته آنه صاير موش أليه



ميثاق الهلالي







حبك نار كبره من أكبره
وأذا من روحي أبره منك أبره
تعال ومن خيط ومنك أبره
نخيط جروحنه ونلتم سويه
_________________________________




اريد اترك دياري ولا عود
وجكاره ما بقت عندي ولا عود
وكمنجه ما تسليني ولا عود
ولفة التتن حصره عليه
_________________________________




اتلعثم من أشوفك وسطك أنه _
ويا هو الوسوس بأذنك وسطك أنه
تكلي وينك أنته وسطك أنه
تدور بالنض تعثر عليه
__________________________________



يروحي أذوي من أشوفك وسطك أنه
وياهو الوسوس بأذنك وسطك أنه
تكلي وينك أنه وسطك أنه
تدور بالنبض تعثر عليه
__________________________________



أنه العايش همومك وسطك أنه
وصرح الحب بنيته وسطك أنه
تكلي وينك أنه وسطك أنه
تدور بالنبض تعثر عليه
__________________________________




طريق الحب وعر شايك وحل بي
أنعكد حبل الوصل يسمر وحل بي
أخذ كلبي الك ملجأ وحل بي
تهنه ونام بس أعطف عليه
__________________________________



حبيبي لا تعذب الروح خلهه
ضكت حلو الحياة وضكت خلهه
صعب عالروح لو فاركت خلهه
تظل تلوب عالفركه خطيه
__________________________________


تحياتي

ابوذيات روعه اخوي النهرين
عاشت الايادي على هذا النقل المميز
تقبل تحياتي

مشكورررررررر اخي عاشت ايدك


تحياتي الك

عاشت ايدك
على النقل الجميل
تقبل مروري

عاشت ايدك حبي بس الله يساعدك اشلون كملتهم كلهم!!؟.
تحياتي الك ومشكور على الابيات الجميله..
تقبل مروري .....

تسلم ايدك عييييييييييوني نطلب المزيد

مششششششششششكور على هذه الروائع

ابوذيات جميله
وطرح جميل
مشكور على هذا المجهود

تسلم الايادي جهد متميز وحلو

عليكم من سلام الله ورحمة
وحن علصديق الوفي ورحمة
اذا رايد اجر انت ورحمة
بس رد السلام وهاي هية