اسئلة لكل المغتربين... الدخول الزامي!!!

الســــــــــــــــــــــلام عليـــــــــــــــــــــكم


شلونكم يا اخوانة واخواتنة بالغربة شلونهة الغربة وياكم الله يصبركم ان شاء الله وترجعولنة عن قريب ان شاء الله
عندي كم سؤال واريد الجواب عليها بكل صراحة

1..وين كنت ساكن بالعراق؟وحاليا وين ساكن؟

2..صارلك شكد وانت بالغربة؟

3..تفتخر انك عراقي بالغربة؟

4..اوصفلي احساس الغربة بكلمة واحدة او بكلمتين فقط؟

5..ان شاء الله من ترجع للعراق منو اول شخص تتمنى تشوفة؟

6..ان شاء الله من ترجع للعراق اول مكان تتمنى تروحلة؟

7..منو اللي واساك بالغربة؟

8..شنو الشي الفقدتة وانت بالغربة؟

9..انفجار في المنطقة الفلانية واستشهد كذا عدد من العراقيين الابرياء..شنو يصير بيك من تسمع هذا الخبر؟وشنو اول شي تسوي؟


10..أسوء موقف شفتة بالغربة؟

11..احلى موقف شفتة بالغربة؟

12..شلون تثبت نفسك انك عراقي بالغربة؟

13..ساعدت مغتربين عراقيين بالغربة؟

14..اريدك توصفلي العراق بكلمة واحدة فقط..

15..واخيرا.. اريدك توجه كلمة للشعب العراقي الجريح يعني احنة شنو تكولنة؟؟







تحياتي الكم وان شاء الله ترجعون عن قريب بأذن الله
اخوكم مهند البكري



__________________

شكرا لموضوعك
ونتمنى لكل غريب ان يعود الى بلادة
غانما وسالما

نتمنى للجميع التوفيق

تسلميلي يلغالية على هذا ردج الاكثر من روعـــــــــــــــــــــــــــــــــــــة وان شاء الله كل غريب يرجع لبلدة ممنون على مرورج



اخوج مهند البكري

السلام عليكم ورحمة الله
جميل ان يفتح الانسان قلبة ويشكي حال غربتة
لكن الاجمل مواضيعك اللتي تصدمنا بروعتها
فواحد افضل من الثاني
وفقك الله اخي العزيز
اما بالنسبة الى اسئلتك فساحاول ان ارد عليها

1..وين كنت ساكن بالعراق؟وحاليا وين ساكن؟
في العراق كان مسكني في محافظة البصرة
اما الان فاعيش في كوبنهاغن
2..صارلك شكد وانت بالغربة؟
بعد شهرين سوف اتم 18 سنة
3..تفتخر انك عراقي بالغربة؟
اكييد.. انا افتخر باصلي وجنسيتي
افتخر باني احمل دم العراق في عروقي
4..اوصفلي احساس الغربة بكلمة واحدة او بكلمتين فقط؟
الغربة صعب ان توصف بكلمة او اثنين لانها اكبر من هذا لكن نستطيع ان نقول بانها
تعب ودمار
5..ان شاء الله من ترجع للعراق منو اول شخص تتمنى تشوفة؟
؟؟؟؟؟؟؟
6..ان شاء الله من ترجع للعراق اول مكان تتمنى تروحلة؟
العتبات المقدسة
7..منو اللي واساك بالغربة؟
زوجي
8..شنو الشي الفقدتة وانت بالغربة؟
راحة البال
9..انفجار في المنطقة الفلانية واستشهد كذا عدد من العراقيين الابرياء..شنو يصير بيك من تسمع هذا الخبر؟وشنو اول شي تسوي؟
يتفجر بداخلي حزن كبير واشعر بان اللذين رحلوا هم اهلي وناسي ابكي وعندما ادرك بان لا جدوى من بكائي اتوجه الى كلام الله فارتله ترتيلا ليطمئن قلبي...... الا بذكر الله تطمئن القلوب

10..أسوء موقف شفتة بالغربة؟
من اسوء المواقف اللتي هي كثيرة كان في ايام المدرسة.. فكان عندنا رحلة مدرسية عبارة عن سفرة الى مكان ما ونبقى لمدة اسبوعين.... وبحكم ديننا وعاداتنا وتقاليدنا ما عندنا بنت تنام خارج منزل ابوها....... وبدات المشاكل اللتي ادت الى فصلي من الدرسة بسبب عدم اشتراكي بالرحلة
11..احلى موقف شفتة بالغربة؟
للاسف لا يوجد فرحتنا دائما ناقصة
12..شلون تثبت نفسك انك عراقي بالغربة؟
العراقيين مميزين سواء كان بلبسهم او كلامهم , طعامهم كل شيء
اما انا اثبت باني عراقية هو كلامي الدائم عن بلدي
13..ساعدت مغتربين عراقيين بالغربة؟
نعم لكن............. لم اتقي شر من احسنت اليه وهذه كانت غلطتي
14..اريدك توصفلي العراق بكلمة واحدة فقط..
العراق كنز يجب الحفاظ عليه
15..واخيرا.. اريدك توجه كلمة للشعب العراقي الجريح يعني احنة شنو تكولنة؟؟
اقول يا اخي الله يفرج هذه الغمه عن هذه الامه بجاه الحبيب المصطفى
ان بعد العسر يسر

تسلميلي يلغالية واخت عزيزة واغلى من الاخت الله نطاني تسلميلي عيوني انت ام سجاد والله يصبرج على الغربة ويديم الاخوة الي بينة وممنون منج على مرورج مال موضوع احلى من الثاني عيوني انتي انتي ام الابداع ومنج اتعلم يلغالية





اخوج مهند البكري

..وين كنت ساكن بالعراق؟وحاليا وين ساكن؟ كنت ساكن بغداد الحبيبة وحاليا بمصر .. ..صارلك شكد وانت بالغربة؟ سنتين ونصف ..
..تفتخر انك عراقي بالغربة؟ طبعا افتخر لاني عراقي .. 4..اوصفلي احساس الغربة بكلمة واحدة او بكلمتين فقط؟ الغربة صعبة ما النة غير وطنا العراق .. 5..ان شاء الله من ترجع للعراق منو اول شخص تتمنى تشوفة؟
اصدقائي الي مشفتهم من طلعت خارج العراق وبقية اهلي ويلتم شملنة بالعراق .. 6..ان شاء الله من ترجع للعراق اول مكان تتمنى تروحلة؟ بغداد اول مكان ارجع الة ..
7..منو اللي واساك بالغربة؟ الاهل والمغتربين الي خارج العراق تعرفت عليهم .. 8..شنو الشي الفقدتة وانت بالغربة؟ الصداقة الصادقة ..
9..انفجار في المنطقة الفلانية واستشهد كذا عدد من العراقيين الابرياء..شنو يصير بيك من تسمع هذا الخبر؟وشنو اول شي تسوي؟ اول شى اسوي ادعي الله يصبر اهل الي ماتو او انصابو بالانفجار واكول حسبي الله ونعم الوكيل على الي فرق العراقيين .. 10..أسوء موقف شفتة بالغربة؟ الغربة كلهه سيئة ..
11..احلى موقف شفتة بالغربة؟ في يوم من ايام الغربة التقيت بصديق عزيز على قلبي ..12..شلون تثبت نفسك انك عراقي بالغربة؟ تكفيني جنسيتي عراقي مااريد اي اثبات غيرهه ..13..ساعدت مغتربين عراقيين بالغربة؟ ساعدت بالي اكدر علي ..14..اريدك توصفلي العراق بكلمة واحدة فقط؟ مااعرف شنو اوصفلك بالعراق لان هو امنة وابونة ..15..واخيرا.. اريدك توجه كلمة للشعب العراقي الجريح يعني احنة شنو تكولنة؟؟
الصب مفتاح الفراج ماالنة غير الصبر ...... تقبل تحياتي اخوك اسدبغداد

حبيب قلبي تسلملي على مرورك وممنون منك على صراحتك الاجمل اخوية امجد اذا مغلطان بالاسم اني اخوك واعضاء المنتدى كلهم اخوك وشتحتاج اني عيوني الك ىيلغالي




اخوك مهند البكري

1..وين كنت ساكن بالعراق؟وحاليا وين ساكن؟ كنت ساكن في بغداد الكاظميه وحاليا في السويدفي ستوكهولم

2..صارلك شكد وانت بالغربة؟ اكثر من9سنوات

3..تفتخر انك عراقي بالغربة؟اكيد كل عراقي يفتخر بعراقيته

4..اوصفلي احساس الغربة بكلمة واحدة او بكلمتين فقط؟ طبعا هو كلام كثير بس اختصرة بتعب فراق الاحبه والوطن

5..ان شاء الله من ترجع للعراق منو اول شخص تتمنى تشوفة؟ كل اقاربي واصدقاء الطفوله وجيرانه وكل من سئل عنه

6..ان شاء الله من ترجع للعراق اول مكان تتمنى تروحلة؟ اكيد العتبات المقدسه

7..منو اللي واساك بالغربة؟ الحمدالله اهلي معي هذا الي مخفف علينه

8..شنو الشي الفقدتة وانت بالغربة؟ اكيد الوطن

9..انفجار في المنطقة الفلانية واستشهد كذا عدد من العراقيين الابرياء..شنو يصير بيك من تسمع هذا الخبر؟وشنو اول شي تسوي؟ والله يعتصر قلبنه الما وكان الذين قتلوا او جروحوا هم اهلي


10..أسوء موقف شفتة بالغربة؟ اول ما اجيت ما اعرف لغه جنت مثل الاخرس فه فديم طالع وجان تيهت وما اعرف ارجع ولا طكه بالغه وبعدني جنت صغير بعدين رحت للشرطه جانو واكفين مدري اشلون افتهمو ودوني للمركز وجابولي مترجم ياله وصلت وطبعا هذا استغرق وقت كلش طويل ما انسى هذا الموقف

11..احلى موقف شفتة بالغربة؟ يعني اكو مواقف حلوة هواي بس اكثر موقف اجتماع الجاليه العراقيه في الجوامع او المناسبات وخصوصا من فاز المنتخب واخذنه الكاس والله الساحه مال السنتر مال ستوكهولم انترست والشرطه على مودنه سدو الطرق وخلونه نحتفل

12..شلون تثبت نفسك انك عراقي بالغربة؟ باخلاقي بتصرفاتي لان هذا يعكس بلدي والي اتمنى من كل المغتربين العراقيين ان نعكس الصورة الحضاريه عن العراق

13..ساعدت مغتربين عراقيين بالغربة؟ اكيد انت بغربه تحتاج الاخرين والاخرين هم يحتاجوك

14..اريدك توصفلي العراق بكلمة واحدة فقط.. العراق قلبي النابض هل يستطيع انسان العيش بدون القلب

15..واخيرا.. اريدك توجه كلمة للشعب العراقي الجريح يعني احنة شنو تكولنة؟؟ اكول الله يوفق شعبنه والله يرفع عنه هل شدة وينصرة على اعدائه بحق محمد وال محمدويرجع الامان والاستقرار ونرجع نبني وطنه

حبيب قلبي ابو شهاب تسلملي على صراحتك الحلوة وان شاء الله ترجع بسلامة



اخوك مهند البكري

اخي احنه لازم انشكرك على مواضيعك الحلوة الي تجمع العراقيين في كل مكان عاشت الايادي ومواضيعك والله بدون مجامله واحدة اروع من الاخرى

حبيب قلبي تسلملي هذا من حس ذوقك وحجايتك على راسي وان شاء الله ننتظرك وننتظر جديد مشاركاتك الحلوة



اخوك مهند البكري

بالرغم من ان اني نصفي عراقي والنصف الاخر بحريني الا اني احس بما يجول في خاطر كل مغترب واتمنى لهم الموفقيه والتسهيل في الامور ان شاء الله والرجوع الى الوطن سالمين

1..وين كنت ساكن بالعراق؟وحاليا وين ساكن؟

كنت بالراشديه الحسينيه


2..صارلك شكد وانت بالغربة؟
6 سنين وكم يوم

3..تفتخر انك عراقي بالغربة؟
اكيد

4..اوصفلي احساس الغربة بكلمة واحدة او بكلمتين فقط؟
كئابه وحزن

5..ان شاء الله من ترجع للعراق منو اول شخص تتمنى تشوفة؟
اهلي

6..ان شاء الله من ترجع للعراق اول مكان تتمنى تروحلة؟
العتبات المقدسه

7..منو اللي واساك بالغربة؟
رب العباد:77 (9):

8..شنو الشي الفقدتة وانت بالغربة؟
اخواني

9..انفجار في المنطقة الفلانية واستشهد كذا عدد من العراقيين الابرياء..شنو يصير بيك من تسمع هذا الخبر؟وشنو اول شي تسوي؟
شيصير بيه يعني شيريد ايصير بيه كانه بركان ينفجر براسي


10..أسوء موقف شفتة بالغربة؟
من الناس ماترحم كانه تغيرت اطباعها
11..احلى موقف شفتة بالغربة؟
ماكووووو

12..شلون تثبت نفسك انك عراقي بالغربة؟
هههههههههههه
اذا اشيل علم العراقي غير شلون يعني ههههههه

13..ساعدت مغتربين عراقيين بالغربة؟


اكيد


14..اريدك توصفلي العراق بكلمة واحدة فقط..
كلمه وحده والله حرام بحق العراق كلمه بس
العراق مهجة الروح

15..واخيرا.. اريدك توجه كلمة للشعب العراقي الجريح يعني احنة شنو تكولنة؟؟

الله يصبركم على مابلاكم




شكرا للموضوع

عيوني انتي تسلميلي على صراحتج الحلوة وتسلميلي على مشاركتج يلغالية



اخوك مهند البكري

1..وين كنت ساكن بالعراق؟وحاليا وين ساكن؟
بغداد و بعدها سوريا و حاليا السويد

2
..صارلك شكد وانت بالغربة؟
اني تقريبا عمري كله غربة 22 سنة من عمري بسوريا و 10 سنوات هنا بالسويد(ما عشت في العراق غير السنتين الاولى من عمري)

3
..تفتخر انك عراقي بالغربة؟
و الله على سوالف العراقيين سواء اللي بسوريا أو اللي هنا يمنا صرت مع الاسف ما افتخر

4
..اوصفلي احساس الغربة بكلمة واحدة او بكلمتين فقط؟
قهر و مرار....ولو كلمتين ما تعبر عن هالاحساس!

5
..ان شاء الله من ترجع للعراق منو اول شخص تتمنى تشوفة؟
جدتي والدة ابي بس خلص ماتت و بعد ما اشوفها

6
..ان شاء الله من ترجع للعراق اول مكان تتمنى تروحلة؟
بيت جدي في بغداد

7
..منو اللي واساك بالغربة؟
لا احد...انا كنت اواسي نفسي

8
..شنو الشي الفقدتة وانت بالغربة؟
الجمعة الحلوة ويا امي و اخواتي

9..انفجار في المنطقة الفلانية واستشهد كذا عدد من العراقيين الابرياء..شنو يصير بيك من تسمع هذا الخبر؟وشنو اول شي تسوي؟
اول شي اسوي هو البكاء حزنا على الابرياء و الدعاء على المجرمين لان مع الاسف الشديد هذا ما املكه


10
..أسوء موقف شفتة بالغربة؟
مواقف الناس اللي غيرتها الغربة و صار همهم جمع الفلوس بأي طريقة كانت حلال حرام مو مهم

11
..احلى موقف شفتة بالغربة؟
ولادة ابني علاوي اللي خفف عني غربتي

12
..شلون تثبت نفسك انك عراقي بالغربة؟
بان اعلم اولادي ديننا و اغرس فيهم حب العراق و افهمهم انو احنا عراقيين و بلدنا اله تاريخ عريق نفتخر بيه

13
..ساعدت مغتربين عراقيين بالغربة؟
يعني لا يخلو الامر من تقديم مساعدة بشكل او بآخر للعراقيين المغتربين على قدر استطاعتي

14
..اريدك توصفلي العراق بكلمة واحدة فقط..
انتماء

15..واخيرا.. اريدك توجه كلمة للشعب العراقي الجريح يعني احنة شنو تكولنة؟؟
ما اعرف شنو رح اقول دموعي هي اللي رح تتكلم لان ماكو كلام ممكن يقال لابرياء تموت يوميا و امهات تفقد اطفالها و اطفال يتيتمون و و و و و و.....الله كريم


و ان شا الله الله يرد كل غريب لبلده و يفرجها على العراق و العراقيين
و مشكور على الموضوع

تسلم ايدك على مرورك وعلى صراحتك الحلوة


اخةوك مهند البكري

..وين كنت ساكن بالعراق؟وحاليا وين ساكن؟
البصرة وهسه بالامارات

2
..صارلك شكد وانت بالغربة؟
انا مو مولو ده بالعراق وعشت بالعراق فقط 10 سنوات بس كانت من اهم سنوات حياتي اللي تعلمت شنو يعني وطن وعرفت معنى الغربه من تغربت مرة اخرى من 9 سنوات
3
..تفتخر انك عراقي بالغربة؟
والله افتخر سواء في مكان عملي او حتى بالطريق او اي مكان اتواجد بيه ... ترى والله احنا اهل لاان نفتخر بانتمائنا للعراق بالرغم من الطائفيه اللي بالعراق حاليا

4
..اوصفلي احساس الغربة بكلمة واحدة او بكلمتين فقط؟
مهما كنت ببلد عربي ويحبون العراقيين بيه بس تبقى طعم المرار بحلقك ... انت تحس ان الكاع مو كاعك .. مو ناسك ....

5
..ان شاء الله من ترجع للعراق منو اول شخص تتمنى تشوفة؟
صديقتي اللي بجت دم يوم طلعتي من العراق

6
..ان شاء الله من ترجع للعراق اول مكان تتمنى تروحلة؟
؟؟؟؟؟ ماادري بصراحه مشتاقه لتراب البصرة كله

7
..منو اللي واساك بالغربة؟
اهلي ... وصديقاتي بالعراق عن طريق المواصله

8
..شنو الشي الفقدتة وانت بالغربة؟
اني اضحك من قلبي .... وتغيرت اطباعي ... صرت اتصف بالقساوة اكثر فقدت طيبتي لحد ما

9..انفجار في المنطقة الفلانية واستشهد كذا عدد من العراقيين الابرياء..شنو يصير بيك من تسمع هذا الخبر؟وشنو اول شي تسوي؟
ابجي ... ياربي ليش هيجي يصير بالعراقيين ...قلبي ينمرد عليهم ... شنو ذنبهم ؟؟؟ انهم عراقيين ؟؟؟؟؟؟


10
..أسوء موقف شفتة بالغربة؟
من شكد ما هي هواي .... اختصر بالقول الغربة كلها مرة

11
..احلى موقف شفتة بالغربة؟
ابن اختي اللي اموت عليه بدا يصلي وياي ..... بس حركات سجود وقيام (احلى شئ بالغربة كلها )

12
..شلون تثبت نفسك انك عراقي بالغربة؟
ااذا تسنح الفرصه باي وقت احجي عن العراق ... عن بيتنا ومحلتنا ... عن طبايعنا .. عن اكلنا ... عن طيبت اهلنا لجماعتي بالشغل او اصدقائي الجدد

13
..ساعدت مغتربين عراقيين بالغربة؟
حاولت هواي احيانا الله وفقني واحيانا ... لاا

14
..اريدك توصفلي العراق بكلمة واحدة فقط..
وطن ... ويا من قال وطن

15..واخيرا.. اريدك توجه كلمة للشعب العراقي الجريح يعني احنة شنو تكولنة؟؟
الله شايف وماارح يخليكم هيجي .. ان الله يمهل ولاا يهمل ....

على فكرة فاتني اوجهه الشكر كل الشكر الك مهند .... عاشت ايدك ... مواضيعك ومشاركاتك حلوة
الله يحفظك ... انت هيجي ( اقصد اوكي )

هههههههههههههههه تسلميلي يلغالية على مرورج والله نورتي موضوعي بتواجدج
وانتي الخير والبركة وان شاء الله كل شي بنفسج يتحقق
واني بالخدمة

تحياتي
مهند البكري

1..وين كنت ساكن بالعراق؟وحاليا وين ساكن؟.... كنت ساكن في ميسان العمارة وحاليا في كندا

2..صارلك شكد وانت بالغربة؟ بشهر الواحد ادخل في 11 سنة

3..تفتخر انك عراقي بالغربة؟شي اكيد كل انسان يفتخر في جنسيتة وخصوصا العراقي لانة مميز عن شعو الارض

4..اوصفلي احساس الغربة بكلمة واحدة او بكلمتين فقط؟ الغربة تقتل الغريب بصمت

5..ان شاء الله من ترجع للعراق منو اول شخص تتمنى تشوفة؟أمـــــــــــي واخوتي

6..ان شاء الله من ترجع للعراق اول مكان تتمنى تروحلة؟العمارة منطقة السراي كهوة حجي مطشر

7..منو اللي واساك بالغربة؟االبكاء

8..شنو الشي الفقدتة وانت بالغربة؟الصديق والام والاخت والحبيبة وكل شي جميل وخصوصا الاجتماعيات تعرف العربي بطبعة اجتماعي

9..انفجار في المنطقة الفلانية واستشهد كذا عدد من العراقيين الابرياء..شنو يصير بيك من تسمع هذا الخبر؟وشنو اول شي تسوي؟........... اغلق التلفزيون واشغل كاسيت حسيني واكد ابكي حتى انام


10..أسوء موقف شفتة بالغربة؟اسء موقف هو في المطار انا خرجت من سورية لاجي الى كندا ولما وصلت كندا قالو انتة ما الك اي اوراق عدنة وانتة جاي تهريب وكانت للعلم الاوراق بيدي بس ورة ست ساعات بلمطار اجت المندوبة اللي تستلمني من المطار وهم اكتفو بكلة sory

11..احلى موقف شفتة بالغربة؟
الغربة مابيهة شي حلو او حلو بس مو كامل
12..شلون تثبت نفسك انك عراقي بالغربة؟
بطبعي بتصرفاتي باخلاقي وبلحجتي المميزة وهي اجمل لهجة في العالم لاتنسى يا اخي ان العراقيين جميعهم قلوبهم في اعيونهم يعني تراة من قلبة بانة عراقي
13..ساعدت مغتربين عراقيين بالغربة؟شي اكيد لان كل عراقي معاك في الغربة هو اخوك ولا احد يستطيع ان لاساعد اخوة

14..اريدك توصفلي العراق بكلمة واحدة فقط..الحب

15..واخيرا.. اريدك توجه كلمة للشعب العراقي الجريح يعني احنة شنو تكولنة؟؟نسئل من اللة ان يمن على شعبي بالامان وان يحفظ العراقيين من شمالهم الى جنوبهم وان يستر عليكم جميعا بحق محمد والة الاطهار

تسلملي حبيب قلبي على مرورك وعلى صراحتك الحلوة



تحياتي

1..وين كنت ساكن بالعراق؟وحاليا وين ساكن؟
البصرة وهسه بامريكاء

2..صارلك شكد وانت بالغربة؟
16 سنه

3..تفتخر انك عراقي بالغربة؟
اكيد الغربة تخلي الواحد يفتخر اكثر

4..اوصفلي احساس الغربة بكلمة واحدة او بكلمتين فقط؟
اشتياق للوطن

5..ان شاء الله من ترجع للعراق منو اول شخص تتمنى تشوفة؟
الاقرباء


6..ان شاء الله من ترجع للعراق اول مكان تتمنى تروحلة؟
ازور قبر جدتي وجدي

7..منو اللي واساك بالغربة؟
اهلي

8..شنو الشي الفقدتة وانت بالغربة؟
الآذان

9..انفجار في المنطقة الفلانية واستشهد كذا عدد من العراقيين الابرياء..شنو يصير بيك من تسمع هذا الخبر؟وشنو اول شي تسوي؟
انقهر واسكت


10..أسوء موقف شفتة بالغربة؟
عراقيين صارو غربيين

11..احلى موقف شفتة بالغربة؟
جمعةالعرب بامريكاء

12..شلون تثبت نفسك انك عراقي بالغربة؟
دوم احكي عن العراق

13..ساعدت مغتربين عراقيين بالغربة؟
نعم

14..اريدك توصفلي العراق بكلمة واحدة فقط..
روحي

15..واخيرا.. اريدك توجه كلمة للشعب العراقي الجريح يعني احنة شنو تكولن
نيالكم كل يوم تكعدون من النوم تشمون هواء العراق

مع احترامي الى الجميع و الله الغربه ما تراد انا صايرلي بالغربه سنه ونشاله نرجع الى بلدنا الحبيب محد يضمك بس وطنك

والله مواضيعك حلوه وتذكرني بالآلام بس شنسوي مجبورين نعوف العراق

تسلميلي على المرور الرائع يلغالية




تحيااااااااااااااااتي

1..وين كنت ساكن بالعراق؟وحاليا وين ساكن؟
بالموصل بعدين بغداد بعدين رجعت للموصل وبعدين رحت للأردن وهسه رسيت بالسويد
2..صارلك شكد وانت بالغربة؟
اربع سنوات

3..تفتخر انك عراقي بالغربة؟
اكيد واكولها بعالي صوتي

4..اوصفلي احساس الغربة بكلمة واحدة او بكلمتين فقط؟
وحش قاتل

5..ان شاء الله من ترجع للعراق منو اول شخص تتمنى تشوفة؟
بيبيتي الله يخليها

6..ان شاء الله من ترجع للعراق اول مكان تتمنى تروحلة؟
صحيح اني احب الموصل واموووووت عليها بس اول مكان اتمنى اروحله بغداد حياااااااااتي

7..منو اللي واساك بالغربة؟
صديقاتي العراقيات واهلي بالخصوص ماما كل صيف تضحك عليه وتكلي الصيف الجاي نروح للعراق ويخلص الصيف وتكلي على الصيف الجاي



8..شنو الشي الفقدتة وانت بالغربة؟
والله العراق كله من شماله الى جنوبه بس اكثر شي خالي
اللي دائما كنت اتعارك وياه وهسه راح يتزوج وىني مو يمه الله يخليه ويخلي كل العراقين

9..انفجار في المنطقة الفلانية واستشهد كذا عدد من العراقيين الابرياء..شنو يصير بيك من تسمع هذا الخبر؟وشنو اول شي تسوي؟
الصراحه اني مو هوايه اتابع اخبار بس اذا اسمع هيج شئ قبل ادعي على الامريكان الله يلعنهم


10..أسوء موقف شفتة بالغربة؟
لمن نطلب اقامه بالدول اللي احنا كنا مغرقيها بخيراتنها وهيه هسه دا تستكثر علينا الاقامه

11..احلى موقف شفتة بالغربة؟
العراقيين اللي بيها واحد واقف يم الثاني

12..شلون تثبت نفسك انك عراقي بالغربة؟
الصراحه ىني ابد ما اغير لهجتي العراقيه واحاول ابرزها بكل معانيها هذا الشي اللي خلى الكل يعرف اني عراقيه

13..ساعدت مغتربين عراقيين بالغربة؟
والله اني لا بس اهلي

14..اريدك توصفلي العراق بكلمة واحدة فقط..
حبيبي

15..واخيرا.. اريدك توجه كلمة للشعب العراقي الجريح يعني احنة شنو تكولنة؟؟
الله يكون بعونكم ويطلعكم من هاي المحنه
مشكور هنودي على الاسئله الحلوه

تحيه خاصه الى اخواني واخواتي من العراق اخوكم المغترب عمار

تسلميلي عيوني انتي وان شاء الله على الصيف الجاي اجيبج للعراق هههههههههههههههههه
لالالالالالالالالا ان شاء الله ترجعين للعراق بس من يصير زين مو هسة شنو قابل منريدج
هههههههههههههههههههههههههه
تسلميلي عيوني انتي على المرور الحلو



تحيااااااااااااااتي

اخي العزيز ليس كل الغربه شيء سيء ابدا لان فيها ميزات رائعه كنا نفتقدها في بلدنا مثلا حرية الراي والتعليم والمجال الصحي والتثقيفي وتعليم اولادنا وربنا يقول في كتبه جل وعلا . وفسحنا لكم الارض فاسعو في مناكبها .لكن لو قارنت سلبيات الغربه وسلبيات بلدك وقارنت ايجابيات الغربه وايجابيات بلدك ستخرج بنتيجه مفادها انك واهم بكمية الندم المتحققه من خلال اقدامك على الغربه والتغرب مع ايماني العميق ان كل انسان قادر على صنع ظرفه حسب نوع تخطيطه للمستقبل اخوكم سامي الشمري

موضوع رائع يسحق التأمل لكن يجب الابتعاد عن العموميه في التفكير بالحال لان كل شخص له اختيارة في نسج خيوط ظرفه مع امتناني لمن طرح الموضوع . سامي الشمري

ممنون منك يلغالي وتسلميلي على توضيح وجهة نظرك التي قد تكون عند اغلب المتواجدين





لك تقديري

1..وين كنت ساكن بالعراق؟وحاليا وين ساكن؟
في البصرة الحبيبة حالياً المانيا
2..صارلك شكد وانت بالغربة؟
5 سنوات
3..تفتخر انك عراقي بالغربة؟
بكل فخر افتخر أني عراقيه واصلي عراقي
4..اوصفلي احساس الغربة بكلمة واحدة او بكلمتين فقط؟
صعبه انها توصف بكلمة واحد لكن ... مرة مرارتها شديدة
5..ان شاء الله من ترجع للعراق منو اول شخص تتمنى تشوفة؟
أمي وأبوية
6..ان شاء الله من ترجع للعراق اول مكان تتمنى تروحلة؟
الأمام الحسين (ع) روحي فداه
7..منو اللي واساك بالغربة؟
للأسف لا أحد
8..شنو الشي الفقدتة وانت بالغربة؟
لمة الاهل والاحباب
9..انفجار في المنطقة الفلانية واستشهد كذا عدد من العراقيين الابرياء..شنو يصير بيك من تسمع هذا الخبر؟وشنو اول شي تسوي؟

أعصاب ما تبقى عندي أتاذى حيل وكانو الي راحو بالنفجار اهلي
10..أسوء موقف شفتة بالغربة؟
الصراحه كلها.. موقف اسوء من الثاني
11..احلى موقف شفتة بالغربة؟
ما شفت شي حلو بالغربه
12..شلون تثبت نفسك انك عراقي بالغربة؟
العراقي مميز بين كل البشر اثبت بتقاليد أهل بلدي بلبسي للثياب مثل ( العباية) (الحجاب)
13..ساعدت مغتربين عراقيين بالغربة؟
بالتأكيد حين اكون قادرة لكن البعض وللأسف حين تقدم له يد المساعدة يعضها
14..اريدك توصفلي العراق بكلمة واحدة فقط..
عراق الحسين عراق المحبة
15..واخيرا.. اريدك توجه كلمة للشعب العراقي الجريح يعني احنة شنو تكولنة؟؟


الله بفرجها على هذا الشعب العراقي الجريح ودعائنا لكم في كل وقت الله شاهد علينا

قلوبنامعكم ودعائنا لكم والله صبركم ان شاء الله ويرحم امواتكم ويفرج همومكم امين يا رب العالمين


أخي أحب أن اشكرك على هذا الموضوع القيم

دمت بكل خير ودام نزيف حبر قلمك

1..وين كنت ساكن بالعراق؟وحاليا وين ساكن؟

بغداد اليرموك الاربعة شوارع مجاور النادي الترفيهي
2..صارلك شكد وانت بالغربة؟
13 سنه متنقل
3..تفتخر انك عراقي بالغربة؟
على شنو افتخر على دمار البلد او على التهجول اللي احنه بيه
4..اوصفلي احساس الغربة بكلمة واحدة او بكلمتين فقط؟
ماممكن وصف احساس كبير بكلمتين شوف غيرها
5..ان شاء الله من ترجع للعراق منو اول شخص تتمنى تشوفة؟
تمثال ابو جعفر المنصور
6..ان شاء الله من ترجع للعراق اول مكان تتمنى تروحلة؟
الاعدادية مالتي
7..منو اللي واساك بالغربة؟
البنات الاوروبيات حنينات والله هع هع
8..شنو الشي الفقدتة وانت بالغربة؟
فقدت فرصه اعمار بلدي
9..انفجار في المنطقة الفلانية واستشهد كذا عدد من العراقيين الابرياء..شنو يصير بيك من تسمع هذا الخبر؟وشنو اول شي تسوي؟
هذا من اكثر الاشياء احباط وتدمير وازعاج لي وااول شي اسويه اتصل باصدقائي

10..أسوء موقف شفتة بالغربة؟
شفت شاب عراقي يشتغل خادم ببيت ناس يهود
11..احلى موقف شفتة بالغربة؟
فرحت من اخذت البكلوريوس بالادب الانكليزي لحظه رائعه
12..شلون تثبت نفسك انك عراقي بالغربة؟
من خلال انتمائي الوجداني والمادي والمعنوي لجمعيات اغاثه اهلنا بالعراق
13..ساعدت مغتربين عراقيين بالغربة؟

14..اريدك توصفلي العراق بكلمة واحدة فقط..
الرب الثاني لي
15..واخيرا.. اريدك توجه كلمة للشعب العراقي الجريح يعني احنة شنو تكولنة؟؟
الله كريم لو دامت لغيرهم ماوصلت الهم

تسلمولي على مروركم الذي يشرفني وينير صفحتي المتواضع
باقلامكم المميز ومبدعة





لكم تقديري واحترامي

و اللة الموضوع جدا شيق انا بلغربة من سنة 1999 م خرجت الى الاردن وبعد سنة ذهبت الى الامارات وانا حالين اعيش فيها وانا افتخر اني عراقي واشجع جميع الا عبين في لعبات العراق واسمي مايسترو التشجيع وبلنسبة اول مكان اشوفة اريد اشوف مرقد الامام موسى ابن جعفر الكاظم (ع) واسوء انفجار شفتة هو انفجار محطة بانزين الكيلاني في بغداد استشهد ابن عمي رحمة اللة والغربة هية تحصيل حاصل للاوضاع في بلدنا الحبيب العراق وفي الختام انا من بغداد الاعضمية وشكرا على هذا الموضوع الهادف اخوكم علي العقيلي ( مايسترو التشجيع العراقي)

الله يرجعك بخير وسلامة يلغالي
ممنون منك عيوني انت على مرورك الاكثر من رائع





تحيااااااتي

1..وين كنت ساكن بالعراق؟وحاليا وين ساكن؟
انا كنت عايشة في كربلاء و هسة عايشة بالدنمارك:(

2..صارلك شكد وانت بالغربة؟
17 سنه

3..تفتخر انك عراقي بالغربة؟
اكيد طبعا (قالو ليش رافعة الراس و انشوفك قوية, قلت العفو كلنا اولاد ادم بس اني عراقية)

4..اوصفلي احساس الغربة بكلمة واحدة او بكلمتين فقط؟
الغربة ولدت معنا وتجسدت فينا وعشنا بها ومعها سني العمر الطويلة وما شعرنا به بعد ذلك عمق هذا التصور طبع في الداخل بعيدا عن الانعتاق فالمتنفذين فينا يرسمون ...

5..ان شاء الله من ترجع للعراق منو اول شخص تتمنى تشوفة؟
كل اهلي وصديقاتي و جيراني

6..ان شاء الله من ترجع للعراق اول مكان تتمنى تروحلة؟
اكيد للعباس و الحسين عليهم السلام

7..منو اللي واساك بالغربة؟
اهلي و اعز صديقاتي
8..شنو الشي الفقدتة وانت بالغربة؟
الراحة النفسيه, الاستقرار و راحة البال:(

9..انفجار في المنطقة الفلانية واستشهد كذا عدد من العراقيين الابرياء..شنو يصير بيك من تسمع هذا الخبر؟وشنو اول شي تسوي؟
والله على كل منظر اشوفه اموت الف موته:(
ادعي بالصبر

10..أسوء موقف شفتة بالغربة؟
والله الغربة كلهة مواقف سيئة

11..احلى موقف شفتة بالغربة؟
والله مع الاسف مااذكر ولا موقف مفرح, يمكن لما عدمو الطاغية وشفت فرحة اهلي و العراقيين

12..شلون تثبت نفسك انك عراقي بالغربة؟
باخلاقي وااسلوبي مع الناس, بس اني ما احتاج اثبت اني عرقية, لان من احزاني انعرف اني عراقة:(

13..ساعدت مغتربين عراقيين بالغربة؟
نعم مساعدة معنوية

14..اريدك توصفلي العراق بكلمة واحدة فقط..
اجمل ما في الكون

15..واخيرا.. اريدك توجه كلمة للشعب العراقي الجريح يعني احنة شنو تكولنة؟؟ اصبروا وصابرو
إن الله إذا أحبَّ قوماً ابتلاهم

الله يرجعج بالسلامة يلغالية
تسلميلي عيوني انتي على ردج الجميل




لكِ تقديري