قصيده لاحلى اعضاء زمان

السلام عليكم
حبيت أن انقل لكم هذه ألقصيده التي نشرتها أيام زمان عندما كان منتدى الفرات يزهوا بالأعضاء الرائعين مع احترامي واعتزازي لكل الموجودين حاليا وفي هذه ألقصيده اذكر فيها بعض أسماء بعض الأعضاء اللذين كانوا معنا
مع المحبة للجميع
اكتب يا قلم عن لمه أحلى أحباب
واكتب بالفرح كلمات تجمعنه
كلنه أبيت واحد من صدگ خوان
يجمعنه الفرات بشيعه وبسنه
امنين ابدي اسولف حاير ابدي امنين
باام فيصل عزيزة بحبه لمتنه
لو ماجد الشاعر تاج فوك ألراس
والشاعر اسأمه أبرده فرحنه
والزير الملقب أبو ليلى الزين
وهاشمنه النجم بالسمة نجمتنه
لمتنه جميله والله احنه اهواي
وأحلام المحبة الحلوة جنتنه
والعراقية رنا شعلت بگلبي النار
بشعار الحزينة اهواي حزنتنه
والسوداني أخويه العايش بروحي
بردوده ألجميله بسرعة وردتنه
وفاء الغالية شاعره أهل البيت
چن احنه بحديقة وهي وردتنه
ومحتارة الشعر والشعر هم احتار
يااعذب قصيده اهواي عجبتنه
ورند المحبة أبرده افرح حيل
يانبض ألگلب بيديه نبضتنه
والمحامية التدافع عني من احتاج
من انه أنظلم من ويل صاحبنه
وطبع الهادئة معروف من أزمان
بچفوف الخواطر حنة حنتنه
وشلون انتهي وما اذكر انه اهواي
مونصفي الصكر وانه اعرفه ايحبنه
شيعي انه الصرت أسبل الايدين
وأصبح هوة سني وهاي خوتنه
إذا ما يتصل مهموم فكري أيضل
وإذا انه اتصل بصوته يسعدنه
خوتنه عجيبة ودوخت الإخوان
حد الموت والله وهاي صحبتنه
الدكتور الشاعر
سلام الدراجي

لان طيب واصلك طيب تذكر ربعك
شكرا لك يااخ سلام وتحياتي

قصيده جميله جدآ
نتمنى ان نرى هذه الاسماء مجددآ
بالفعل كانت لهم بصمه واضحه في المنتدى ومن اعضائه المميزين
شكرآ لشاعرنا الغالي سلام الدراجي ع هذه القصيده الرائعه والتي استذكر فيها اعضاء الفرات القدامى
تحياتي مع التقدير

عيني سلام سلام عليكم
اكيد كما قال اخي المفرجي
من طيب اصلك
هذا الدنيا غداره ----تجمعنه وتطشرنه\
تخلي العسل بالشفتين--- وترد تالي تمرمرنه
تخلي اعمارنه نصفين
تجي ويانه وتردنه

ا تراوينه العذاب اشكال
ومن نحجي تسكتنه

الاخ العزيز محسن اشكرك لردك الرائع يااصيل
بارك الله بيك وحفظك من كل مكروه
تحياتي
سلام الدراجي

رائع يادكتور سلام تقبل مروري

مع ارقى التحايا لشخصك الراقي

والزير الملقب أبو ليلى الزين

وهاشمنه النجم بالسمة نجمتنه

تحيه لك يا شاعرنا المبدع ودكتورنا سلام الدراجي
حبيبي رمضان كريم عليك وعلى اصدقائنا اعضاء المنتدى الرائعين
هذا من طيبك تذكر الاصدقاء القدامى
ظروف الحياة والمعيشة والدوام حالت دون تواصلنا في المنتدى
كل عام وانتم بالف خير

الله الله ع الابدآآآع
الله يرجعكم يااعضاء زمآن اكيد تستاهلوون الحجي

السلام عليكم الاخوه ايليا وابو الليث وforaten.net/?foraten.net/?foraten.net/?foraten.net/? الخطيب وهاشم نجم والاخت العراقيه
شكرا لمروركم الكريم
اسعدتني كلماتكم وتعليقاتكم الرائعه دمتم بخير
اخوكم الشاعر الدكتور سلام الدراجي

العم ابو حيدرالدراجي تحيه وشكر وامتنان لكل من ذكرته ولم تذكره
نيابه عمني وعن والدي الصكر

اقتباس:

---

المشاركة الأصلية كتبت بواسطة وفاء سلطان

العم ابو حيدرالدراجي تحيه وشكر وامتنان لكل من ذكرته ولم تذكره
نيابه عمني وعن والدي الصكر

---

وفاء الغاليه بارك الله بك وسلامي الى الوالد
اتمنى له الشفاء العاجل تحياتي

تسلم ياشاعرنه الطيب والله قصيدة رائعة تذكرنا باصدقاء الفرات الطيبين ومنهم الزير والاخت ام فيصل والاخت محتارة والاخت الغالية احلام والاخت بنت البصرة والاخت نور الشرق وككثيرين كانو في عطاء دائم للمنتدى انشاء الله الكل بخير وعافية وهذا حال الدنيا

السﻻم عليكم جميعااا
اﻻستاذ الرائع الدكتور الغالي ممنونة منكم جداااا ...مبادرة جميلة منك والله دائما نتذكر هاي اﻻيام اني واختي بلسم ولكم منها سﻻم خاص لجميع اﻻعضاء
الدنيا تﻻهي ويارب ننجمع مرة اخرى بالخير والمحبة اﻻخوية الجميلة

تحياتي انا رنا العراقية مع اختي بلسم الروح

الله عليك يا شاعر يامبدع
هذا هو الوفاء بعينه فقد ذكرتنا بأخوه وأخوات لنا كانو نجوم يزخر بها سماء المنتتدى وأخصهم بالذكر الاخت ام فيصل والاخ الزير سالم ياترى أين هم الان وماذا حلّ بهم

امنين ابدي اسولف حاير ابدي امنين باام فيصل عزيزة بحبه لمتنه والزير الملقب أبو ليلى الزين ******************* الله عليك يامبدع على هذه القصيده الرائعه هنا في هذه الكلمات يتجسد الوفاء لأناس عاشرناهم فتره من الزمن طبعو محبتهم في قلوبنا ورسمو لانفسهم صورا جميله في مخيلاتنا من خلال ابداعاتهم وحضورهم المتألق انهم نجوم زاهره في سماء المنتدى انارت لنا معارف جمه لاننكر الاستفاده منها لاند ري اين حلّ بهم الدهر وكيف هم الان بعد هذه السنين .................... كم اثرت فينا لوعه الاشتياق لاخوه وأخوات كنا لانبارح وجودهم نسأل الله ىالسلامه والموفقيه لهم

:66 (6)::66 (6)::66 (6):الله على مشاعرك الجميله صدك لمتنه حلوه:66 (6)::66 (6)::66 (6)::66 (6)::66 (6):