ألي بعبه عنز بس تگرصه ايثغي
والاصله ذهب معروف معياره
والمومن إذا يعرف حدود الله
ما يضعف ابد بساعة أماره
تكول إبليس وسوس ما أظن والله
لان إبليس بيدك صار سناره
شيفيد الندم فأسك وگع بالرأس
وشنو عذرك ولك من توگع بناره
ومنو جارك ولك وأنت بصقر يا بين
وكتابك بأيدك وبي ألف شارة
ميفيدك بعد وبعيني صرت أصغير
ولو تبچي عمر متصير ألك چأره
لان أنت أغلطت غلطه عمر يفلان
والشاطر ابد ما تنمحي أثاره
صح انه طبيب بس ادري بليصار
وانه گلبي قفل ما تفتح إسراره
ومن تقرا ألقصيده بغيري لا لتظن
ولا تفكر ابد بالثأر وأثاره
لان راسك نعامه تخاف من الأخطار
وشيفيد الدفن ومكشفة ألعاره
متلوح العثك لا بعد لا متضوگ
ما تأخذ بعد من كلبي چماره
من عدنك وصل مرسالك المزعوم
سقط مني القلم لان وكفت أشعاره
بسمارك قلعته ألچنت باسمه أتزور
ومفهومه قضيه جحا وبسماره؟؟
دولابك گلب وتدريه ولك غدار
لا تلعب خشن دنياك غدارة
معروف أصبحت بيتك طلع مكشوف
والدكتور اجاك اليوم بإعصاره
الدكتور الشاعر
سلام الدراجي
