دارميات ............. وبس

كون الله هسه اليوم ياخذهه روحي ... وانسى اذى المحبوب وتخلص جروحي
كون الله هسه اليوم ياخذني وياك ... ظلمه يا ضي العين العيشه بلياك
اتمنى قلبج يوم يوگع بديه ... وأقفل عليه الباب واشبعه اذيه
گلبي تشبعه بضيم أنا اللي ممنون ... بس لا تجافي الروح لو ولفك تخون


مو بالقلب بالروح رايد اخليك *** واكتب خطر ممنوع محد يمر بيك



ملبوس الأسود دوم مو كلش يلوك...من تلبس الأسود يوم جا عزل السوك


ياما شفت حلوات بس انتي الاحلة ... يالعينج خضار دهوك ومن غير كحلة

احمر شعر هواي والخصلة سودة ... يمشي بدلع من يفوت واللبس مودة

اسود لبسلي اليوم وحياني الاشكر ... والشعر نهر النيل والركبة مرمر

سب واشتم شمتريد يا ولفي اقبل ... ولا تظلم اني اهواك ومااريد تزعل

يا خويا يا كرار ظم دمعك ارتاح ... ولاتشمت انتة عداك وتصفك على الراح

هاك ابرتك والخيط كوم امشي عني ... لو بية اشل الجروح جا شل هذني

كلبي ارد اكصة بموس واكوي بمكانة ... علمني اعلى دروب كلهن مهانة
هم ظل *** عندك وبفاس التكطعة ... انا كليبي ذاب من مشو ربعة

نيالك تشوف هواك لو حتى بالطيف ... وك شوفة الحلوين صارت مطر صيف
نيالك تشوفه هواك وبالحلم ساعة ... ما نمت لحظة بليل من يوم وداعة


شحجي شكل للناس من همي شحجي ... مليان بالحسرات بس احجي ابجي


كلبي ارد اكصه ابموس وبفاس اكطعة ... خلصها بالسختات مالحك ربعه


وحقك يداح الباب ما ننسى امنا ... ولاخر نفس والله نفديها بعمرنا


خوي استر على الحال خوي استراستر ... السكف البنيتةاوياك بس غيمت خر


كل واحـد نخــاويـه لازم نفحـصه ... در ابد ما مغشوش و صافي فصه


اگعد بنص الليل واذكر وليفي ... وبحجة الحلمان ابچي على كيفي


حبك يا بعد الروح بگليبي شمعة ... تتحول من تذوب بعيوني دمعة


برنو عيون هواي والمشط بيهه ... والعده سبع ارواح ما يصد ليهه


اطلك لي سبع سنين شفت العجايب ... تالي أطرحت ياناس ذبيته شايب


جيت اسئل المحتل وين النفط صار ... جاوبني هالعصفور مثل الهوه طار



شجره وحدرهه الناس تتفيه وتنام ... خلتني بالعاكول اتفيه الايام


راح البلد ياصاح ،راحت اغانييه ... حرامي واحد راح ، أجوا حراميــــه


ارد انشد العقال واهل العداله ... لو نشف ملح الزاد شنحط بداله؟

لو نشف ملح الزاد حط ماي العيون ... فانهم ترى يا فلان ماسخ يكولون


اسمر واخاف عليك من ممشى الغروب ... جاهل وبعده صغير ما يندل دروب

ليل الشتة يهواي مكدر انامة ... حط بالكلب نيشان هاي العلامة


:66 (6): :66 (6): :66 (6): :66 (6): :66 (6): :66 (6): :66 (6): :66 (6): :66 (6): :66 (6): :66 (6): :66 (6):

مشكــــــــــــــوره على الدارميات الجميله تعيشين وجيبينه

مشكورررررررر انت يا ابو نرجس

وشكرا على مرورك الجميل

تحياتي الك

شكرا شكرا شكرا على الروووووووووووووووووووووووووووووعة يروووووووووووووووووووعة
كلبي من فركاك ظاك الامرين مرة ابجي عليك ومرة اموت نصين

حلوة هذا البيت عاشت ايدك

وانت احلى واحلى

والله ياخوخه ما اعرف شكلج احس ان كلمات الشكر والتقرير قليله
لان الدارميات الي قريتهن موبس يعزفن عالوتر الحساس لايمكن
يربطن بتوت الكلب الي مكطعه


سلانه سل فركاك كلش سلبنه وركه بحلك عصفور ويزقهه لبنه
سلاني سل فركاك حط بيه شاره كل لحضه اصير ماد مثل الجكاره
مثل الجكاره وياك من كد الجروح كلما بستني بنار احركلك الروح
تقبلي مروري محمود الforaten.net/?foraten.net/?foraten.net/?foraten.net/?

كلمات كلهن احساس جميل وروعه
حلوات الجمل بحلات احجايات اهلنه كبل **جنهن العيد مال كبل
اهلا وسهلا بيكحيل الكلب صاح
لوما تكضه اضلوع جا فرفح اوطاح

تقبلي مروري السريع

اخوك ابو علي البصري:1:

مشكور اخي محمود

ومشكور اخي ابو علي

تحياتي الكم


وعلى مشاعركم الجميلة الله يخليكم

يا تفاحة البيد نيـــــوتن ياشعر أنزار المــــوزون
يا دء أه دا أر ابدرسي يا نقطة انته ابحرف النون


مشكورررررررررررررررررررررررررررررررررررررررررررررر ررررررررة

مشكوووووووو اخي العراقي الطيب

تحياتي الك ومشكور على ردوودك الحلوة

ياغاااااااااااااااالي