مــــــــــــــــــــــن سنة محمد ماخذ الدستور

ﮔــــــــــــــــالوا شيعي انته ﮔــلت اي شيعي

ومــــــــــــــــن حيدر علي مختومه جنسيتي

ومــــــــــــــــــــــن سنة محمد ماخذ الدستور

ومن يــــــــــــــــــوم الطفوف شربت تربيتي

سمعــــــــــــــت المصطفى يوصيني بالقران

وﮔــــــــــــــــال اخذ المعارف من اهل بيتي

يعني مـــــــــــــــــــن علي وتروح بالترتيب

لحد العسكري والبســــــــــــــــــــــها بيريتي

لذالك قــــــــــــــــــررت اشطب اسماء هواي

كافي المستحه موطوفت ريـــــــــــــــــــــــتي

ﮔـــــولي شنهو ضرﭺ وانـــه الــــــﭻ ممنون

قابل انــــــــــــــــــــــــــــه كافر وانتي رديتي

ﮔــــلت عــــــــــــدنه ابوفاضل للشرف عنوان

ﭽــــــاأنتي شيظرﭺ يابــــــــــــــــــــــعد بيتي

وﮔــــلت زينب الحــــــــــــــره ويشهد التاريخ

ويـــــــــــــــــــــــــــــن الطائفيه وانتي حذفيتي


اوصيــﭻ بوصيه واخــــــــــــــــذي مني الشور

كتالـــــــــــــه وعلـــــــــــي ومفضوحه قافيتي

وشرن عل حبل وحـــﭽـــــــــــي سوالف ضيم

وذبنــــــــــــــــه القلم وركــــــــــــــض بتوثيتي

كلشي ولاتــــﮕــــلي حسيــــــــــــــــن لوعباس

اصير مسودن وانســــــــــــــــــــــــه خيوريتي

بقلم الشيخ ابوحيدر الشويلي

احسنت جناب الحاج الشيخ
كلمات في الصميم دمت بحفظ
الرحمن
تقبل مروري

حياك ياابو حيدر والنعم منك وانشاء الله مايضل خاطرك الا طيب

بس انت جبيرنا ولازم توعينا ومالازم تأجج الجور بينا احنا كلنا

خدام لاهل البيت وبعد عيني العباس والزهرة الزجيه انا مو قصدي

الحذف ياخوي ولاقصدي انت بالذات انت علم وجبير القوم وماريد منك

غير بس توعية امة الاسلام لك وانا من رديت عليك لاتعتبره ضعف مني بس لانك كبير ولازم نعذرك
واني ابد ماطخ راس للي يهدون والي بيه زود خله يتفضل

اذا كان كلامك صحيح
رجعي القصيده الى مكانها
صح اني معترض على الحذف جمله وتفصيل
بس سبب الحذف هو الي اذاني لانك كتبتي
تثير الطائفيه بنتي
واني عمري ماناديت بيها وامقتها ولعن الله من نادى بها الى يوم القيامه
بس عمي موتخلطين الاوراق
الي يكتب بحب ال المصطفى موطائفي بنيتي
تحيااااااااااااااااااااااااااااااااااااااااااتي

ماتسوى السالفه يابوحيدر وانته كبير والكبير يسامح (وحنه)طبعنه نسامح ونصفح عن اليغلط ابحقنه
تحياتي لك والقصيدة الرائعه .

اخ ابو محسن احنا ماغلطتنه وانت حضرتك تسامحنا
واذا تريد فانا حذفت ابوذية لابن الشيخ وللشيخ بس راح ارجعها
واريد الكل يشوف الاخلاق العالية مع الشكر

عزيزتي وبنتي الغاليه فاتن
الرجل اصلاً مايعرف شنو المشكله
ومجاملته لي لايقصدك انت او اي احد
بل نصحني بان اكون متسامح
وهذا حسن خلق لايعاب عليه
وانتي ام الاخلاق شلون فهمتيها غلط
معقوله احتراماتي لجنابك العزيز
بس مافهمت ياابوذيه الي نزلها ابني
نبراس وشوكت لطفاً

شكرا لك اخي ابو حيدر ولدفاعك عني ولكن من الواضح جدا ان من نتعامل معهم لايعطون فرصة للتسامح ونبذ الخلافات وانا لااريد ان اطلق العنان لقلمي في سجال لايؤدي الى نتيجة .

تسلم وتعيش ياشيخ ابو حيدر على القصيده الرائعه سلمت لنا ...........مع الشكر

قصيدة رائعة فقد جمعت في طياتها شيعة علي وسنة محمد
فهم كلاهما واحد ويصب بنهر واحد وهذا دليل على حسن اطلاع ومعرفة وفكر
بحاجة الى هكذا فكر عميق وليس سطحي
شكرا لك

الشيخ الغالي ابو حيدر
قصيده قمه في الروعه والجمال
بارك الله بيك وجعلها في ميزان حسناتك
تحياتي وخالص تقديري