صاير ما تجاوب من ادك اعليك

متغيِّر حبيبي .. ومـو علـى أوضاعـك
گلّي إشصـار بيـك .. وبـدَّل إطباعـك

صايـر مـا تجـاوب مـن أدگ إعليـك
وبْـرَدِّ الرسـائـل خـافـت إشعـاعـك

جوَّالـك سكـت لا مسـج لا مــسگول
چان بكـل دقيقـة إيفـيـض بابـداعـك

ياخذنـا الوكـت ونسولـف آنـا ويـاك
ونـغـرِّد ســوى بالـحـان إيقـاعـك

ولا يخلص حچينا.. وتخلـص الساعـات
ويصفِّـر رصيـدك وآنــي سمّـاعـك

كل يوم الصبح ترسـل "صبـاح الخيـر"
وبكـل كملـة منهـا ايفـوح نعنـاعـك

چنت من دگَّة وحدة أهلاً "حبيبي" تصيـح
هسَّه . . "المشترك لا يَـرُد" قَـدْ باعـك!
"
حاول مرة أخـرى".."المشتـرك مشغـول"
بلكي بوكـت ثانـي إيشـرِّف أسماعـك

صايـر هاتِفَـك "خـارج نطـاق الكـون"
مو بـس العـراق.. ويصعـب إرجاعـك

چنـت إتگول: "أتمنـى الزمـان ويــاك
يـوگف .... وبحنـان أتوسـد إذراعـك"

وتزعــل لو گلتلك : راح "بعـد إسبـوع
يتفـرق شملنـا" ومشكـلـة إقنـاعـك

عشت اببحر حبَّـك وانـتَ بيـه سفّـان
هسَّه اببحـر هجـرك شايـل إشراعـك!

ودموعك سگتنـي وآنـي وردة شـوگ
وانتَ اللـي إزرعتنـي اببيـن أضلاعـك

هيچي اتشح غيومك واني أضوگ الموت!!
ويفتني العطش واذبـل وسـط گاعـك..

ترضى إيموت گلبـي الينبـض بطاريـك
وانـتَ الأمّنيتَـه .. وحبَّـك وطـاعـك

مـا تسـأل علـيَّ وآنـي مؤمـن بيـك
وبـحـبَّــك أذوب وأول أتـبـاعــك

ومتبـاوع ابعينـي وچنـت مـن ألگاك
بـاوَّل نظـرة منـّي إتطيـب أوجاعـك

گلّي إشغيَّرك مـا بيـن ليلـة ويـوم..!!
وتبيـع الشَّـراك وتشتـري البـاعَـك؟؟
للشاعر هاشم الفريجي

حبيبي الغالي ايليا انتقاء رائع

تحياتي

الله صح لسان الشاعر وعاشت يمينك ياايليا

على مانقلت لنا من كلمات صادقه وبوح

جميل تحياتي لك ولقلمك ياراقي

جميل جدا انتقائك اخي الكريم ايليا الغانمي
روعة ما سطر قلمك هنا
تحياتي الك
اظنكم تريدون تكتلونا
بهذا المنتدى عمي والله اكلوبنة ارهيفة ؟؟
وخاف اموت وانت تصير جتالي ؟؟
مشكور ايليا والله عجبتني القصيدة وحبيت الاطفك حبي
تحياتي بكل وقت .

خالص تحياتي لك اخي الغالي على الاختيار الاكثر من رائع لقصيدة رائعة ... امنياتي لك يا مبدع

اقتباس:

---

المشاركة الأصلية كتبت بواسطة عاشق النساء

حبيبي الغالي ايليا انتقاء رائع

تحياتي

---

حبيبي ابو اصاله شكرآ ع مرورك الجميل
منور ابو النسوان:66 (72):

اقتباس:

---

المشاركة الأصلية كتبت بواسطة فاتن وهيب

الله صح لسان الشاعر وعاشت يمينك ياايليا

على مانقلت لنا من كلمات صادقه وبوح

جميل تحياتي لك ولقلمك ياراقي

---

شكرآ عزيزتي ع المرور مع تحياتي يا ورده

اقتباس:

---

المشاركة الأصلية كتبت بواسطة نظرات تؤرقني

جميل جدا انتقائك اخي الكريم ايليا الغانمي
روعة ما سطر قلمك هنا
تحياتي الك
اظنكم تريدون تكتلونا
بهذا المنتدى عمي والله اكلوبنة ارهيفة ؟؟
وخاف اموت وانت تصير جتالي ؟؟
مشكور ايليا والله عجبتني القصيدة وحبيت الاطفك حبي
تحياتي بكل وقت .

---

الجميل هو مرورك اخويه الغالي
خويه مو بس انته كلبك رهيف حتى اني قووووووووليبي رهيف كولش
عمرك طويل ان شاء الله ابو محمد

الشكر الك حبيبي منور يا غالي
تحياتي الك وين انته موجود

الله نقل رائع
تحيااااااااااااااااااااااااااااتي
لك اخي