أريد أكتب شعر عنك وعني
وأدز الگلب لدروبك وأعنيه
صرت أنت سبب ونتي وعني
وألف دكتور مايلحگ عليه
م \ ن
عرض للطباعة
أريد أكتب شعر عنك وعني
وأدز الگلب لدروبك وأعنيه
صرت أنت سبب ونتي وعني
وألف دكتور مايلحگ عليه
م \ ن
جنت غافي وصدى صوتك وعاني
واريد اهواك كـــل حيـــلي واعاني
شعرلكتـــب غـــزل عنــــك وعاني
وخلي الروح بيك اتهيم هيه
بقلمي
ابوذيه روعه
تقبلي مروري ومداخلتي
المتواضعة تحيا تي
الك اجمل تحيه ابعث وارقها
حبرها دموعي وعيوني ورقها
يلمسبب سهر روحي ورقها
عزيز وشوفتك تصعب عليه
وااااااااااااااااااااو
ابوذيات راقيه جدا
تقبلوا مروري
ابوذيه حيـــــــل اعجبنــــي وراقلي
وكلامج سهــــــراعيونــــي وارقلي
خلص حبري وبعد ماضل ورق لي
وكَمت اكتب مباشر ماتهيه
تقبلي مداخلتي
من جديد تحياتي
وحك من صاغ هندامك وحياك
طلع شريان من كلبي وحياك
أحبك واحترم شخصك وحياك
واحب كلمن وفي ينشد عليه
راقي جدا ابوذيه حلو تقبلي مروري
تحياتي
وحق من صورك يسمـرورسمك
اريد اتمعـــن ابطولـــك وارسمك
تهيم الروح وترفرف وره اسمك
يمرذكرك تطك نيران بيه
بقلمي
عفيـتك يــا كـمر حــالي بسماي
ولك دمعي يــهل بـلعين بسماي
انمــزج اسـمي وســمك بسماي
ومشـة دمــي وية دمــك ســوية
يــــل وسط الكَلــــب دكَيــــت بسمار
اخلصت روحي بجفاك شبيك بس مر
يلاهـــــــي مبتلينـــــي ليــــش بسمر
مزاجه حـــــاد حـــــار ولعــــب بيه
بقلمي
تحياتي
يفز گلبي گبلگ اه ...لو صاح
وتهت سكران انه بيك...لوصاح
غلط حبي الك معرفت ...لو صح
حبيتك انه والبلوه عليه
انه الحبيت شخصك دون ماراك
وحبــــك لعــب بيه وراك ماراك
حيلي من همــوم الوكـــت ماراك
ولكن رك من بعدك عليه
بقلمي
تحياتي
حبك من تصل ليه واصل ليك
واكطع كلبي بفراكك وصل ليك
احسك ركعة كل ساعة اصليك
واصيح اللة واكبر حن علية
لون حبك يصيـــر النــــار قابل
ومثل شوكَي الك ياتـــرف قابل
هاك اخدود كَلبي ارجوك قابل
وردهه بساع لاتبطي عليه
بقلمي
تحياتي
يمن وجهك يشع للكون بالنار
نصدله ومانغض الطرف بالنار
لون حبك يدخل المحب بالنار
سعير النار يصبح فوز اليه
اذب روحي بسقرنــــارك وصلهه
وتموت انجان الك ماتـــم وصلهه
تراهي انتهت من هجرك واصلهه
بس طيفك يمربالليل ليه
بقلمي
تعال اسأ ل علي يهواي ونشر
صرت مثل الحبل بجفاك ونشر
الك كل الغزل اقراه ونشر
وخلي اهل العشك تكتب عليه
تعال وشوف حالــــي وشجرالي
ودمع عيني بغيابك وشجرى لي
ذبني ابنــــاركَلبــــك وشجره لي
وخليني احتركَ غصبن عليه
بقلمي
تحياتي مشرفتنا القديره
اشعجب دفتر عشگنة ماتگلبة
وليش انت اليگلبك ماتگلبة
احس الگلب بغيابك مات گلبه
وگلب گلبي توفه وعم عليه
شكرا يارحال على الردود الرائعة
تحياتي لك ياغالي
تعال ابراحتـــك عمــي كَلبنه
وفي ومايعرف ايراوغ كَلبنه
ابـــد مايـــوم حبينـــه وكَلبنه
ولاكل يــــوم نلبس جلدحيه
بقلمي
تحياتي
ذهب صافي طبعنة...... ما صدينة
وابد عن اليودنة .....ما صدينة
تصيد الناس واحنة.... ما صدينة
رغم نفس المكان نتصيد سوية
ومشكور يالغالي
ذهب طبعك غشيم الكَال فضه
وكَلبي بس الك ياتــرف فضه
هاك الشوكَ كلــه عليك فضه
واذاماكفه اخذ روحي هديه
بقلمي
تحياتي
عاشت اياااااديكم .... الرحااااااال ... وفتونه
يارب يخليكم منورين هذا المنتدى الرائع ............
تحيااااتي واجمل باقة من الوروووووووووووووود مني لكم
اذهب ورتحل عنك ورد ليك
و من بستان كلبي ارسل ورد ليك
يمعذب كلب دامي و أرد ليك
رسائل شوك وياهن هديه
ردا على ابوذية وردليك
اوديلج كـــلام اينـــوب عني
يفاتن ضلي لترحليـــن عني
اعنيلج شعروانتي الي عني
ورد بستان كَلبج وصل ليه
بقلمي
حبيبــي ارجوك حاجيني شمالك
تهـــت مابين جنوبك من شـمالك
صرت انتة الهوى واشتــم شمالك
واذكـــرك مــن تـــهب ريــحك عليك
حبيبي دوم اذكرك ماسليتك
تحبني لوتضـــدني ماسليتك
تمنيتــك يغـــالي ماسه ليتك
وصوغك محبس وترهم عليه
بقلمي
الله عليك يارحال وعلى ردك العذب
ياشاغلنة فرد مرة نشغلك
ودليلي من ابعدت صدك نشغ لك
صدك لو ترد لينة نشغلك
تربي كلوبنة بطبع الوفية
حبـــــك ياتـــــرف كلــــش شغلنه
وجرح وسط الكَلب يدي شاغ النه
عمــــــال ابنســــل شعـــرك شغلنه
والاجره نضرتك تكفي هيه
بقلمي
حلو إسمك وأبوك شلون سماك
حبيبيك لو زعل وياك سماك
صرت سمچه وانت الصرت سماك
لو طحت بحنانك إعطف عليه
سهم حبك رمه روحي وشب جلاي
نصبت لافاد الك شركـي وشبجلاي
جِنسَك خربط احوالــي وشبجلاي
كَلبــي وعقلـي وك ارحــم اشويــه
بقلمي
الكلب صار الك سلوة ويضلك
ويا ويله اليبعدك عني ويضلك
اغار عليك من تمشي ويضلك
واغار عليك من روحي عليه
شهد طعمك وبدماضكَت مربيك
وانته من الزغـربالروح مربيك
لون نمـــام حـاول يــوم مربيك
كَله احباب لاتكَرب عليه
بقلمي
هله ابوجهك يبعد الروح من هل
وغير اشفاك ابد ما اريد منهل
فديتك لاتعذب القلب من هل
دلال ورد يبعد اجلاي اليه
ابد ماغبنه لحضه منهلينه
لان حلوه عشرتك منهلينه
رقيقه اشفاك ودي منهلينه
عطاشه اشبيك مانحمل اذيه
بقلمي
صرت احنه عله كيفك وانتصرنه
وخرز طشرنه خدك وانتصرنه
عله خدودك هجمنه وانتصرنه
واحدنه اشتعل بشفاك ابيه
الله الله راقي سلمت الانامل
لوما وفي يسمر ماصرينه
ولومانبع شهدك ماصرينه
من ثمرك يخايب ماصرينه
اليصر منه يــــرد للجاهليه
بقلمي
وعليهم
تحياتي ياغاليه
ههههههههههه حياك ياوردة
الگمر دنك يبوسك والك مال
والگلب زاعلها كلها ولك مال
أمتحنه لاطلع راسب ولااكمال
طلع شاطر وأخذ بالوفه ميه
الكَمر منك اخذ شكله ولونه
ومفاتن شكلك وطولك ولونه
لون فديوم عالكرسي ولونه
الك بس بالقرار الاولويه
(بقلمي)
يعني
(رئيس وزراء)هههههههه
ياريت ههههههههه
درج حسنك وكعـني هـواني
اصيح غركت بحبك هوة ني
ولهان بعشكك وحبك هواني
وضوكني سهر كل مسية