على دفتر غيابك طاحت العين

على متوني حمل ذكراك والليل
وعلى متونك حمل دمعي وعذابي
..
بابك من بعد يطرد بالچفوف
وانا بلا ماتدگ ينفتح بابي
...
على دفترغيابك طاحت العين
شعجب مابين بعينك غيابي
.......
نسيت انت نهر حافرته العيون؟
ومايك چان يشرب من سرابي
........
صرتلك لافته بوجه الحياطين
وكثرما ينقره تشگگ كتابي
..
رسم بيه الوكت غربه ومحطات
وتموز وعطش فطّر شفافي
...
بچيت عليك حد خلّصت العيون
وّره عيوني بچن دم الچفافي
....
دربك جمر يلهب غير اطفيه؟
كلت لا لازم اوصل ليك حافي
.....
على چفوفي انطبع چفك والوداع
وعلى چفوفك نهرمن دمي غافي
.
أنه الصخرات عمر تكسّر الروج
وكت خلاني أدور عالمرافي
..
تدري أنت النهايه تگطّع الروح؟
!!!جاي بكل سهوله تگلي كافي
...
أنه من اول عرفتك منجم وجوه
وصرت حته عله روحك شي خرافي
.....
تبدل وجوه وي تبديل الوجوه
وخطيه ابينهن عايش منافي
..
ماشيلك بعد ماظلت اچتاف
شلتك گبل وانباگن اچتافي
.
چنت صافي وخبطني الچذب والله
وبعد لو تنگلب ماارد صافي
...
روح لغير عالم أضحك وعيش
وصاحب غيري تستاهل عوافي
...
مگابر روحي انترست مكاتيل
وماتقبل ولامكتول اظافي


وماتقبل ولامكتول اظافي

الله تسلم اخي سامي المشكور كلمات روعه تقبل مروري مع وافراحترامي

بجيت عليك حد خلصت العيون
وره عيوني بجن دم الجفافي
واحده من روائع القصائد محاكاه باقتدار لشاعر مقتدر

حياك ياسامي المشكور يامبدع اذهلتني بكلماتك الرائعة ساقف بكل اجلال واحترام امامها

لك مني اجمل التحايا مع كل الود

روح لغير عالم أضحك وعيش
وصاحب غيري تستاهل عوافي
...
مگابر روحي انترست مكاتيل
وماتقبل ولامكتول اظافي
الله عليك اخ سامي كلام رائع
دمت بهذا التألق

اخي سجاد
نورني مرورك
لك تقديري

اخي الشاعر يوسف
اشكر مرورك الجميل
لك خالص الموده

الاخت فاتن
شكرا للرد الرائع
نورتي متصفحي
لك خالص مودتي

اختي الصابره
شرفني مرورك
لك تقديري

على متوني حمل ذكراك والليل
وعلى متونك حمل دمعي وعذابي
..
بابك من بعد يطرد بالچفوف
وانا بلا ماتدگ ينفتح بابي.

الله
دخول قصيدة رائع
بشكل لا يوصف
مع الحب.

الف شكر هذا الذوق الرائع
تحياتي اخي سامي
ماننحرم
كن بخير