من شفتك كلت سبحان رب الكون
ابدع بيك صور جلت القدره
بخدودك ترافه الما حواهه انسان
مكنون الحسن بخدودك السمره
مو حمرة خجل تصعد عليهن لاء
لم روحه الغروب وصار الك حمره
يا جرة كحل بعيون الحديثات
يا مصباح عيد الصايم يفطره
احسد عين امك لن تشوفك دوم
واتمنه اصير بعينهه النظره
جنح فراشه كلبي وبس عليك يطوف
لن ما شاف مثلك بالارض زهره
يا اني اشتهيتك مشتهاة الليل
من يمل ظلامه وينطر الكمره
ما حسبت احبك لا ابد والله
بس كلبي هواك وذاب عالفطره
تطلع روحي مني وتعتنيك الروح
وكلبي بلا وعي مسلم الك امره
عشكتك عشك شاعر ويه الالهام
لكاك انته القصيده وقافيه الشعره
بقلمي
