سجلوا لقطات رائعه ومدهشه من مشاهد حياتكم الخاصه
تدوين مشاهد مدهشه او مواقف او طرائف او حوادث
التي وقعت في مشوار حياتكم الخاصه وبحلوها وبمرها
مثلاً في فصل الدراسي او السفرات المدرسيه
او مع الاصدقاء او مع الاهل او اي شي اخر
رد: سجلوا لقطات رائعه ومدهشه من مشاهد حياتكم الخاصه
سأبدا انا
الموقع في العراق بغداد الجديده
الذكرى تخص مدرسة البحتري
كانت بداية افتتاح المدارس واني جنت بالصف الاول ابتدائي
وطبعاً جنت كلش فرحانه لان راح ابدي بالمدرسه
وفرحتي جانت اكثر بالكتب الجديده والاقلام ومساحات ابو الريحه الطيبه
والجنطه وصدرية المدرسه بلون النيلي مع القميص الابيض
وطبعاً قبل ماجنت ابدي بالمدرسه جنت مدخوه امي
(اشوكت تبدي المدارس):66 (29):
لان جنت كلش اغار من اختي الي اكبر مني بسنتين :66 (8):
اشوفها شلون جانت اتحافظ على كتبها وقرطاسيتها وزيه المدرسي
واخيراً جاء يوم افتتاح المدارس واني مصدكت كَعدت
من الغبشه من الساعه خمسه الصبح
علمود ارتب حالي واجهز نفسي للمدرسه:66 (40):
فاختي الي اكبر مني والي اغار منها
:11: كَامت من النوم طبعاً بسبب الهوسه الي مسويتها فوق راسها
وكَالت لي اذا على هالسالفه راح اتبهذل وياج ومراح اعرف انام
عمي على كيفج قابل المدرسه راح تنهزم منج علمود هاي تريدين اتلحكين عليها
ومهتميت بكلامها الى ان صارت الساعه 8 الصبح:66 (45):
واخذتني امي الى المدرسه وبدينا بالنشيد الوطني( وطن مدى )
وبعدها تحية العلم وبعدها اجني المعلمات وكل وحده صاحت طالباتها
الى ان اجه دوري مع معلمه مسيحيه اسمها ست عواطف
اذكرها جان شعرها اصفر وحاطه مكياج حلو ومرتبه نفسها وطويله
المهم داومت بحدود اسبوع وبعد اسبوع اجتي المعلمه علينا ومجانت حاطه مكياج
وشكلها عصبي وبشرتها جانت صفره مثل لون شعرها
واني جنت كَاعده الرحله الاولى من جهه الشباك ويه صديقتي المسيحيه
كان اسمها ياسمين ومعلمتي جانت دائماً تحط الكرسي مالتها يم رحلتنا
يعني وجها بوجهي, ووجها جان اينقط شر من عينها:66 (203):
بس الله يستر منها:66 (185):
وعلى غفله سمعت المعلمه اتصيح على وحده من طالبات الصف بعصبيه
لان الطالبه سوت اشويه وكاحه والطالبه كَامت ترجف اي حقها بعدها صغيره :66 (5):
واني هم خفت منها كَلت خلص من باجر بعد ماراح اجي للمدرسه
وبسبب معلمتي :66 (95):وبدون احد من اهلي يدرون
فكل يوم اطلع اني وامي من البيت الى المدرسه
بس مجنت ادخل المدرسه جنت اوكَف قريب
من المدرسه والعب واكل لفتي الى ان يدق جرص المدرسه
ويطلعون الطلاب للبيت ,واني هم ارجع للبيت وبقيت على هاي الحاله اسبوع كامل
ويافرحه ماتمت اجتي معاونة المدرسه ست قسمه البيتنا
ونفس الوقت هي اتصير صديقة امي واني ماعرف اصار بيه
وين اهرب من ايد امي اذا عرفت السالفه
فكالت اشو بتج متجي للمدرسه شنو ناوين اتبطلوها من المدرسه
امي اتفاجات من هذا الكلام:66 (55): لان كل يوم هي تحضر ريوكي وتوصلني لباب المدرسه
كَالت امي اني كل يوم اوصلها بيدي للمدرسه اشكاعده اتكولين كولي غيرها
والمعاونه كَالت لا والله معلمتها تطني تقرير عن بتج على
ان هي مداوم المدرسه من اسبوع كامل
وامي صارت مثل النار الكبره :66 (137):يعني لو اصير بيديها جانت اتموتني موت
فست قسمه كالت لامي كعدي احجي وياها بهدوء
وبدون عصبيه :66 (94):حتى تفهمين منها شنو السالفه
وان شاء اله باجر انشوفها بالمدرسه وامي كالتها ان شاء الله خير
واول مطلعت المعاونه من بيتنا قالت امي لاخواتي
روحوا جيبوها من جو الكاع هسه وبسرعه
وطبعاً اني جنت خاتله بالمبرده الثانيه العطلانه وحاطيها فوق السطح
وجنت ابجي من الخوف يواش :66 (112): واخواتي مخلو مكان ومدوروا عليه الى ان كشفتني
بزونة جيرانا ولونها ابيض وجانت كلش حلوه
http://up.foraten.net/uploads/11ddb1fc6c.gif
وجان ملبسيها قلاده بيها مدالية جرص
فجانت هاي البزون كلش اتحبني دائماً تجي يمي ومرات اشوفها من الفجر نايمه يمي
المهم كامت اتصيح البزونه حتى افتحلها باب المبرده وتدخل يمي
واني جنت اكشها بس مجان اكو فايده وياها الى ان حسوا اخواتي عليه من صوت البزونه
وعرفوا مكاني واخذوني يم امي
وامي الله يذكرها بالخير مجانت تعرف يمه ارحميني كبل استلمتني طراك طريك
وبعدها اخذت مني الاعتراف الكامل والي كان سببها المعلمه الست عواطف
ومن بعدها صارت الي توبه ومعدتها ابد خوفاً من عقاب امي
والحمد لله ابوي مجان يعرف لو جان يعرف في وقتها جنت صرت في خبر كان
بس الحمد لله امي جانت اتحل امورنا بنفسها
بعيد عن ابي لان ابوي بعد اشد منها في العقاب.
والله جانت ايام وذكريات حلوه وياريت ترجع هيج ايام النا
رد: سجلوا لقطات رائعه ومدهشه من مشاهد حياتكم الخاصه
هههههههههههههههههههههههههههههههههههههههه قرة العين والله ضحكتيني
قصتك لازم يصير فلم او مسلسل لانها جتير حزينة ههههههههههههههه بس حقيقة حلوة جتير
ههههههه
رد: سجلوا لقطات رائعه ومدهشه من مشاهد حياتكم الخاصه
مرة انا كنت في الصف السادس ابتدائي كان صبح انا جيت ع الباب البيت شفت تكرمون حمار واقف يم البيت والمدرسة شوية بعيد من بيتنا قلت ايه هذا خوش فرصة لحتى توصلني ع المدرسة ههههه والله اكلت ريوكة و السيارة مالتي جانت واقفة يم البيت ههههه فمشى سيارتي وصلتني ع المدرسة شوية قربت من المدرسة الطلاب كلهم جاين علية ويضربون الحمار خطية وانا هم جنت بسيارتي هههههه وصدفتا اجى الاستاذ شافتني و انا ما دريان راحت الايام اجى اجتماع الاباء راحت ابوي ع المدرسة و اجى ع البيت قالت تعال ممكن تكلي عندك اجازة لحتى تسوق الحمار لو لا ههههههههههههههه قلت اي حمار؟ قال تعال يا اخ الحمار والله هاليوم ما تخلص مني ههههههههههههههه و هربت ما جيت ع البيت ههههههههه بس حقيقة ياريت مرة اخرى يجي سيارتي لان مشتاق لها هههههههههههه عاشو اخي الغالي على هالموضوع الرائع
رد: سجلوا لقطات رائعه ومدهشه من مشاهد حياتكم الخاصه
اقتباس:
المشاركة الأصلية كتبت بواسطة kochar
هههههههههههههههههههههههههههههههههههههههه قرة العين والله ضحكتيني
قصتك لازم يصير فلم او مسلسل لانها جتير حزينة ههههههههههههههه بس حقيقة حلوة جتير
ههههههه
فعلاً اخي الكريم حياتنا اشبه بمسلسل من الذكريات والملئيه بالمفاجآت
عبر احداث صدرت من القضاء والقدر
ويوم جديد كتب على كل انسان في الارض.
والذكريات والمشاهد الرائعه المخزونه في ذاكرتنا هي نعمه لانها
تبعث للقلب روح الامل وروح الدعابه والفرح والاستمتاع بالماضي
فهي ايضاً تقوي روح الموده والمحبه والاخاه بين الاهل والناس والمعارف
عندما نتذكرهم عبر الذكريات الماضيه بحنين واشتياق.
سلم لي هذا المرور الجميل والطيب
ولاحرمنا الله من تواصلك معنا
دمت بخير وعافيه
رد: سجلوا لقطات رائعه ومدهشه من مشاهد حياتكم الخاصه
اشكرج شكرا جزيلا يا اختي الغالية
قرة العين
تحياتي
رد: سجلوا لقطات رائعه ومدهشه من مشاهد حياتكم الخاصه
اقتباس:
المشاركة الأصلية كتبت بواسطة kochar
مرة انا كنت في الصف السادس ابتدائي كان صبح انا جيت ع الباب البيت شفت تكرمون حمار واقف يم البيت والمدرسة شوية بعيد من بيتنا قلت ايه هذا خوش فرصة لحتى توصلني ع المدرسة ههههه والله اكلت ريوكة و السيارة مالتي جانت واقفة يم البيت ههههه فمشى سيارتي وصلتني ع المدرسة شوية قربت من المدرسة الطلاب كلهم جاين علية ويضربون الحمار خطية وانا هم جنت بسيارتي هههههه وصدفتا اجى الاستاذ شافتني و انا ما دريان راحت الايام اجى اجتماع الاباء راحت ابوي ع المدرسة و اجى ع البيت قالت تعال ممكن تكلي عندك اجازة لحتى تسوق الحمار لو لا ههههههههههههههه قلت اي حمار؟ قال تعال يا اخ الحمار والله هاليوم ما تخلص مني ههههههههههههههه و هربت ما جيت ع البيت ههههههههه بس حقيقة ياريت مرة اخرى يجي سيارتي لان مشتاق لها هههههههههههه عاشو اخي الغالي على هالموضوع الرائع
اقتباس:
المشاركة الأصلية كتبت بواسطة kochar
اشكرج شكرا جزيلا يا اختي الغالية
قرة العين
تحياتي
ذكرى رائعه وطريفه
تسلم اخي الكريم ع التفاعل الجميل والطيب
وع حضورك الرائع
مشكور والله يعطيك العافيه
دمت بخير وعافيه
رد: سجلوا لقطات رائعه ومدهشه من مشاهد حياتكم الخاصه
الذكرى الثانيه
الموقع العراق بغداد الجديده
ايضاً مدرسة البحتري وفي نهاية سنة الثمانينات
كنتُ هنا في الصف الثالث ابتدائي
كانت لدينا معلمه لااتذكر اسمها بالضبط
وكان مادة تدريسها هي اللغه العربيه
واغلب الاوقات تتكلم معنا باللغه العربيه الفصحى وليس بالعاميه
وكان عدنا درس الدين ومعلمة الدين كانت مريضه
فجائت مدرسة العربي بدلاً عنها لكي تعطينا درس الدين
ولمن دخلت المعلمه على صفنا قالت للطلاب المسيحيين
هيا اخرجوا الى الساحه, لكونن انهم على دين المسيح
ودرسها يخص فقط دين الاسلام
وبعدها خرجوا الطلاب المسيحيين من الدرس
واني كنت جالسه في الرحله الاولى في الوسط
وبعدين المعلمه وجهت لي الكلام بالذات وقالت لي
الم اقل لكم على الطلاب المسيحيين ان يخرجوا من الدرس
فقلت لها ولكن انا لستُ مسيحيه يا ست لكي توجهين لي هذا الكلام
فالطلاب المسيحيين خرجوا من الصف
فقالت المعلمه رجاءاً اخرجي من الدرس
لان الوقت اخذ قسطاً من الدرس فليس هذا الوقت الان للمزاح.
بعدين اني صممت على كلامي ومطلعت من الدرس,
فالمعلمه متحملت وكامت تحجي وياي بالعاميه ,
وقالت بنتي درس الدين ممنوع ان يسمعوا طلاب المسيحيين
وهذا قانون اداري من المدير العام مو مني فليش كاعده تعانديني بنتي
فقلت لها : والله والله اني مسلمه مو مسيحيه
فسئلت الطلاب فلانه مسيحيه لو مسلمه ؟
فكلهم قالوا ست منعرف بس يمكن هي مسيحيه
انوب صارت عليه مصيبتين
فقالت لي :طلعي اي كتاب واقريه وفي الدرس القادم
عليج باحضار ولي امرك حتى اتأكد من هوية دينج
وفي المره الثانيه اصطحبت امي معي عندما جاء الدرس الدين
فالمعلمه شافت امي وانصدمت قالت انتي ام فلانه
امي قالت اي اني امها فحسيت من المعلمه ان هي ممصدكه امي
معتقده على انه انو اني جايبه وحده من جيرانا وامي هم حست بهيج
ولان اني مااشبه امي لان ملامح امي عربيه وملامح شكلي اوربي
علمود هاي يعتقدون على انو اني مسيحيه
وطبعاً شبهي طالع كلش على ام ابويه يعني حبايه ومفشوخه بالنص
( الله يرحمهم جميعاً)
فقالت امي اذا تريدين اصيح المعاونه ست قسمة حتى تتاكدين اني ام فلانه
فالمعلمه اعتذرت من امي وقالت لالا اني اصدكج وميحتاج حضور المعاونه
وطبعاً بعض اهل منطقتي ميعرفون انو اني مسلمه فكانوا ايعايدوني دائماً
بيوم عيد ميلاد المسيح ويقدمون لي الهدايا مثل الحلوى او لعب اطفال بسيطه تعبيراً عن فرحتهم للمسيحيين
وحتى هذا الشي كان يحدث لبقية اخواتي
لان اغلبنا طالع شكلنا على اهل ابويه الله يرحمه
وحتى في اوربا هنا اني مخلصانه من الناس لمن يشوفوني محجبه
يشكرون الله ويقولون الحمد لله اللهم زد وبارك على امة الاسلام
ويسولوني باللغه السويديه شلون دخلتي على الاسلام وشلون شفتيه
ومنو ارشدج وشجعج عليه معتقدين اني من اصول اوربيه
فلمن اجاوبهم باللهجه العراقيه المساكين ينصدمون مني
لان هم ممتوقعين ابد على اني من اصول عربي او من دول الشرق.
والحمد لله والشكر على كل حال
رد: سجلوا لقطات رائعه ومدهشه من مشاهد حياتكم الخاصه
اتمنى من الجميع ان يتفاعلوا في هذا الموضوع
وبالتوفيق ان شاء الله
رد: سجلوا لقطات رائعه ومدهشه من مشاهد حياتكم الخاصه
هذه الموقف كنت كاتبتها منذ فتره طويله في رد لموضوع اخر
ولكن اليوم حبيت ادمجه في موضوعي في سجل الذكريات
الموقع العراق بغداد الجديده
وهذا الموقف صار في زمن الحرب العراقيه الايرانيه لمن جنا بالعراق.
جانوا نسوان المحله يكَولون لامي لمن اتصير الغاره الايرانيه مو اتسدين بابج لا
افتحي الباب على طوله لان احنا انحس بالامان يمكم وانتوا ناس مؤمنين وتخافون الله
المهم صارت فد يوم غاره جويه ففتحنا الباب على طوله
علمود نسوان المنطقه واطفالها يدخلون عدنا
ومنشوف الا طيارات ايرانيه مشتبكه مع طيارات عراقيه وتقصف بعضها
وجان طيارانهم قريب من الارض بحيث كان اصوات القصف رهيبه ومرعبه جداً
واني وعائلتي ختلنا بزاويه غرفة الخطار ونقرا بهل الايات ومنلحك
وطبعاً اهل المنطقه كاموا يتوافدون واحد وراء واحد ابيتنا وكلهم جمعوا نفسهم بنفس غرفة الخطار
وجان بوقته الموقف مخيف ومرعب
هسه اهنا وصلنا الى بيت القصيد
جان ابويه مشتري خروف العيد علمود يذبحه على يوم عيد الاضحى
فجنا رابطيه بحبل وشاديه بالقنية الغاز وجانت مليانه علمود لايخلي يسرح ويمرح بحوش بيتنا وحتى يثبت نفس مكانه بحديقة البيت ..
واحنا جنا كلتنا خاتلين بغرفة الخطار ومنسمع الا صوت مثل الحديد يضرب بالكاع بقوه
ويقترب اكثر من غرفتنا فوحده من الموجودات ويانا كَالت الله اكبر الله اكبر حتى الصواريخ توكع ابيتكم متنفجر :66 (55):
وكلها تكَول اللهم صل على محمد وال محمد وضل الصوت يقترب اكثر واكثر
الى ان شفنا خروف العيد طب علينا
وساحب القنيه الغاز المليانه وراه :66 (108):
وكان باب البيت مفتوح كان يكَدر ينهزم خارج البيت لان جان باب البيت اقرب اله
بس الظاه هو شاف الاوادم كلها تدخل بغرفة الخطار
فهو هم كَبل جفت وختل يمنا وشكله المسكين جان كلش خايف
ومدنج براسه ويصيح من خوفه عاد الجماعه كلها ضحكت عليه
وكَالت حتى الخروف ميريد ايصير شهيد الحرب العراقيه الايرانيه لان مراح ايحصل لا راتب ولا اجر من الله ..
رد: سجلوا لقطات رائعه ومدهشه من مشاهد حياتكم الخاصه
هههههههههههههههههه
هاي شنو قرة العين طلعت حياتج كلها مغامرات خلي اذكر مغامراتي اني بعد وارجعلج
موضوع حلو يسلمو
رد: سجلوا لقطات رائعه ومدهشه من مشاهد حياتكم الخاصه
اهلاً وسهلاً بكِ نور الهدى
وان شاء الله نرى سجل ذكرياتك ومغامراتك الجميله
سعدت بحضورك الجميل
ودمتي بخير وعافيه
رد: سجلوا لقطات رائعه ومدهشه من مشاهد حياتكم الخاصه
هلو حبيبتي تذكرت سالفه صارت معي قبل سنه تفريبا
كنت معزومه اني وصديقتي ساكنه معي بنفس العماره
معزومين على عرس ولابسات وكاشخات ومكياج
فتغشينا بالشيلات خليناها على وجوهنا وطلعنا يحليلناههههههههه
طلعنا بشارع ننتضر صديقتنا توصلنا بسيارتها لان اني اموت ولا اسوق سياره بحياتي ابد
لاني (اخااف من السياقه)
زين وكفنا على الرصيف بس اني وهيه منطقتنا شويه هادئه مو كثير ناس تفتر بشارع
شويه وحسيت شي واكف بصفي يضرب برجلي صديقتي بالجهه الثانيه
فكلتلها بطلي حركاتج احنا بشارع عباليها جاي تخوفني او شي
تكولي شبج كتلها شنو جاي تسوين تضربين برجلي كالت وين ولج
كتلها منا بعدين عااااااااااااااااااااااااااااااااااا شفت كلب بصفي اعزكم الله هههههههههه
والله اصفريت بمكاني صرخت صرخه ما انساها
وركض على العماره كنت لابسه فستان تحت العبايه واسع كدرت اركض وسكرت باب العماره عليه هههه
وصديقتي المسكينه لابسه ضيق فوكعت وهيه تركض
اني بذيج الساعه اجتني شجاعه مو طبيعيه رجعت عليها ركض
وبجنطه ضربت الكلب واني اصيح واستغيث
والله سبحان الله الكلب تراجع وطلع ولد صغير معرف منين الله جابه وكام يضرب علي حجار
بعدها رجعنا على العماره وسكرنا باب العماره علينا
وضلينا تحت الما جت صيقتنا واتصلت علينا وطلعنالها نتراكض
استغربت شبيكم منو يركض وراكم منو ملاحكم
كنالها اطلعي بسرعه وبالطريق نكلمج هاي ما صدقت على الله طلعت عسريع تحسب مسوين شي جريمه خخخخخخخخخخخ
وصار العرس مو عرس ضلينا نضحك وكل ما نذكر نضحك
رد: سجلوا لقطات رائعه ومدهشه من مشاهد حياتكم الخاصه
ههههههههههههههههههههههههههههههههههههه
مواقف طريفة ومضحكة ...
شكرا لكم عالقسم الجمييل ...
رد: سجلوا لقطات رائعه ومدهشه من مشاهد حياتكم الخاصه
اقتباس:
المشاركة الأصلية كتبت بواسطة **نور الهدى**
شويه وحسيت شي واكف بصفي يضرب برجلي صديقتي بالجهه الثانيه
فكلتلها بطلي حركاتج احنا بشارع عباليها جاي تخوفني او شي
تكولي شبج كتلها شنو جاي تسوين تضربين برجلي كالت وين ولج
كتلها منا بعدين عااااااااااااااااااااااااااااااااااا شفت كلب بصفي اعزكم الله هههههههههه
والله اصفريت بمكاني صرخت صرخه ما انساها
وركض على العماره كنت لابسه فستان تحت العبايه واسع كدرت اركض وسكرت باب العماره عليه هههه
وصديقتي المسكينه لابسه ضيق فوكعت وهيه تركض
اني بذيج الساعه اجتني شجاعه مو طبيعيه رجعت عليها ركض
وبجنطه ضربت الكلب واني اصيح واستغيث
والله وينشد الظهر بيج :20:يانور الهدى
هاي هيج طلعتي بطله واحنا مندري
صدق لو كَالوا الي مايعرفك يجهلك
وهذا المثل الي انضرب بيج ( الصديق وقت الشده)
والله لازم صديقتج اتحطج ابطن عينها على هالوقفه الي وقفتيها وياها
وانتي ادافعين عنها برغم انج اتخافين من الكلب اجلكم الله
لان الصديق الصدوق نادر تواجده بهذا الزمان
فاتمنى من صديقتج ان تحافظ عليج وابد متخسرج
حتى لاتندم طول حياته.
فمن السهل نلكه صديق الرخاء
بس صديق الشده صعب يتواجد بهذا الزمان.
اما بالنسبه للكلب اجلكم الله طلع متحضر ومؤدب
محب ايصيح ابوجهكم حتى لاتخافون منه
علمود هاي كام يضرب ابرجلج خاف عليكم المسكين من الفزه
وحتى لايخرب كل الي سويتوا من التحضيرات اللازمه للعرس
ومع هذا هم خفتوا منه ههههههههههههههههههه
موقف رائع وطريف جداً
سلمت يداكِ عزيزتي نور الهدى
ع مشاركت وتفاعلك في الموضوع
بأنتظار المزيد من مواقفك ومشاهدك الجديده
دمتي بخير وعافيه
رد: سجلوا لقطات رائعه ومدهشه من مشاهد حياتكم الخاصه
اقتباس:
المشاركة الأصلية كتبت بواسطة prince of love
ههههههههههههههههههههههههههههههههههههه
مواقف طريفة ومضحكة ...
شكرا لكم عالقسم الجمييل ...
تسلم اخويه ع حضورك الجميل
مشكور والله يعطيك العافيه
دمت بخير وعافيه
رد: سجلوا لقطات رائعه ومدهشه من مشاهد حياتكم الخاصه
الاخت قرة العين يبين عند هواية مواقف
هذا موقف من المواقف اللي مر بحياتي سنة 70 كنا بصف الثالث متوسط
الايام الاولى من المدرسة عادة تكون جميلة وخاصة الاولاد يقضوها لعب وهرج ومرح في بداية السنة الدراسية ماكو دراسة بعد والمشكلة هي في الايام اللي يصير بها الدوام بعد الظهر والجو بعده حار والدرس الرابع او الخامس الواحد يصير منتهي .
كان عدنا انكليزي واستاذنا المرحوم طاهر البياتي وهو من الاساتذة المشهورين واحنا بعدها رحلاتنا فارغة يعني بعد ما مستلمين الكتب فكل واحد ياخذ وياه اوراق وقلم ، استاذ طاهر قال انتبهو زين هذا الموضوع مهم ولحد يحجي او يسوي اي حركة، وكان موضوع القواعد الكلام المباشر والغير مباشر, بصفي كان طالب اسمه ياسين كان سمين نوعا ما وتعبان ونايم بالصف واني مامنتبه ذليت القلم بالرحلة بقوة فسوى صوت قوي فالتفت الاستاذ ولاحظ فزة ياسين فصرخ بيه وقاله ياسين شسويت ؟ ، رد ياسين والله استاذ مو آني . الاستاذ فال مو اني شفتك . ياسين كال والله العزيم استاذ اين جنت نايم والصف غرق من الضحك عود الاستاذ كال نايم ها ؟ واني اكول انتبهو .
رد: سجلوا لقطات رائعه ومدهشه من مشاهد حياتكم الخاصه
فعلاً موقف رائع ومضحك جداً
والظاهر مبين عندك هوايه مواقف ومقالب
بالاخص على الي سويته بالطالب المسكين الي بصفك بالرحله
خطيه موخوش احراج اكله من طلاب ومعلم الصف والسبب انتَ :11:
هههههههههههه
تسلم اخويه على مشاركتك في الموضوع
وبأنتظار المزيد من مواقفك ومشاهدك الجميله
دمت بخير وعافيه
رد: سجلوا لقطات رائعه ومدهشه من مشاهد حياتكم الخاصه
رد: سجلوا لقطات رائعه ومدهشه من مشاهد حياتكم الخاصه
رد: سجلوا لقطات رائعه ومدهشه من مشاهد حياتكم الخاصه
الذكرى في السويد
الموقع: في المنزل ... والزمن قبل عددة سنوات
كنت فد يوم اريد ادوغ دهن للتمن وخليت الدهن على النار
وبهذا الاثناء ابني الرضيع بجه ورحت يمه علمود اسكته
ونفس الوقت اني نسيت انو اني حاطه دهن على النار
لان التهيت بأبني
وره شويه شميت ريحت حرك وبعدها جرص الانذار للحريق كَام ايصفر
وطبعاً باب المطبخ جان يم باب البيت يعني
اذا احتركنا منكَدر نطلع من باب البيت بسبب النار
وصرت محتاره شسوي ابقى يم ابني لو اروح اطفي النار
والمصيبه بالسويد ارضية بيوتها من جلد وخشب والحيطان من ورق
وحيطان المطبخ هم كله كاونترات مصنوعه من خشب
وبعدين صارت هوسه عليه منا ابني يبجي
ومنا صفارة الانذار مدوختني ومنا النار
واذا طفيت النار بالماي انوبه يكَوم يزيد ويكَب علينا ..
الحمد لله هاي جنت اعرفها :66 (8):
والمطبخ ماشاء الله عليه سريع الاشتعال بسبب الخشب والورق
فخطر على بالي ان افتح الشباك واشمر الطاوه بره بيتنا
شيصير ميصير هاي بعد ماعرف بيها ,بس المهم انقذ ابني من النار
والحمد لله جان جو شباك مطبخنا كراج سيارات
مو حديقه جان هسه اشتعلت الحديقه بسببي ههههههه
والله ستر مجان احد ماشي من جو شباك مطبخنا
جان هسه رحت بيها سين وجيم
وخصوصاً اذا انكَلبت على راس واحد منهم
ويصير اكرع يبوووو شيخلصني منه لو منها
وكل هذا الوضع اخذ من وقتي ثلاث دقائق من صفارة الانذار الى رمي الطاوه من الشباك... وبوقتها مجنت اعرف انو
لازم اقبغ النار بقبغ او وصله مرطبه ومعصوره من الماي
حتى يختنق الهواء الي بيه وتنطفي النار.
طبعاً هذا الشي اتعلمته من امي لمن خابرتها بعد الحريق
المهم وبعد هذا الاثناء دخل ابو علاوي للبيت
وشاف لون وجهي مخطوف وابني ذابح روحه من البجي
قال : خير شكو اصاير ,, وليش لون وجهج مخطوف
كَلتله مو قبل اشويه ردنا الا وشويه نحترك
وقال : اي وسويتي !!!
كَلتله شمرة الطاوه من الشباك وخلصنا من الحريق ومن دوخة راسه هههههههق
قال : يا !!! خو منضرب بيه واحد براسه
كَلتله لا الله ستر بينا مصار بيها خسائر بشريه الحمد لله مشت علينا بسلامات :77 (9):
وبعدين حجيتها لاهلي وصديقاتي
وصار بيها اسوالف وضحك وبالاخص
اذا جانت واكعه على راس واحد .
رد: سجلوا لقطات رائعه ومدهشه من مشاهد حياتكم الخاصه
