ردت اگلك آنه أحبك وأستحيت أنته تملك روحي ووجداني
من ذكرتك نزلت الدمعه وبچيت أشلــــــــون لوحبيت واحد ثاني
أدري بعيونك حچي وماسولفيت گول موتني بعــــــــــــد شمتاني
وأدري راح أتروح مني ولملميت حبــــــــك العايش بنص شرياني
انته مــــن تروح يعني آنه أنتهيت ويعنــــــــي حبك مزمن وسلاني
كون رايح من صدگ المن أجيت وليش جبت وياك كــــل أحزاني
ليـش خليت الزمن يمي ومشيت بچفه صــــــوط و كفخ يتولاني
أنته شلال الوفه وبيــــك أرتويت وغير شخصك مــــا أريدن ثاني
أنه چـــنت أتصورك يلمادريت بحضنك أتضمني وتتلكــــــــاني
آنــــه من دمعي صرح حبك بنيت عالي چان وهــــــــدمت بنياني
انته مبري الذمه لوعني حچيت لا كـن أبذمتك أذا تنســــــــــاني
أحمــــــد الكعبي...
