دارميات محاورة بين حبيبين

هي
كل ما يمر طاريك تحصرني عبرة
بعدك صبر ايوب واشلون اصبرة

هو
بالصبر كلشي ايهون واتحمليني
كد ما افكر بيج ماتغفة عيني

هي
لتفكر اترجاك ماريدك اتحير
كلي اني عد عيناك واشتطلب ايصير

هو
الساعة لحظة اتصير لو يمي انتي
بعيوني يوم ايفوت لحظة بصفنتي

هي
اتمنة اصير اغطاك وابروحي دافي
عينك ابعيني اتنام نوم العوافي

هو
نوم العوافي ايصير كون انتي وياي
مرن علية اسنين بس احلم بهاي

هي
بحلامي اشوفك دوم وبعيني احسك
بالنبض انت اتعيش كل لحظة اجسك

هو
مو بالنبض الكاج وي دمي تسرين
فدوة الج حتة الروح يالكلشي تسوين

هي
ها يالكلت تسوين شسوة ابلياك
يالتسوة كل الناس حتة انت تسواك

هو
مايسوة هذة الكون كلشي ابلياج
دعوة حبيبج دوم عين الله ترعاج

هي
وي كل صباح وليل لله اندعيلك
ولو تعب حيلك يوم برموشي اشيلك

هو
مادامج انتي وياي مايتعب الحيل
يمج اودي الروح كل مايمر ليل

هي
كل مايجيني الليل احظن خيالك
ولو ردت ابدلك يوم انت ابدالك

هو
هم يمر ذاك اليوم واتبدل اني
وايدج يبعد الروح يلمهة ثاني

هي
مايلمس ايدي الغير بس انت مسموح
وبغيرك ارضة اشلون تتعلك الروح

مما راق لي

اميرة الروح
دارميات رائعه
شكرا لك

تحياتي لكِ اخت اميره وشكراً لانتقائكِ الرائع تقبلي مروري مع فائق احترامي

اخي سامي شكرا لمرورك
انار متصفحي بوجودك
لك ارقى التحايا

اخي سجاد شكرا لمرورك العطر
انرت متصفحي
لك ارقى التحايا

عاشت الايادي

اذا كان للابداع قرين فهي اميرة الروح تقبلي مروري

شكرا ام افنان شكرا لمرورك
انار متصفحي بوجودك
لكي تحياتي

شكرا اخي الشاعر محمد
شدعوه هالغيبه والابداع اقتبسناه منك
لك اعطر تحياتي

اختيار جميل
ومحاورة رائعة
شكرا لكم اختي اميرة الروح
ولكم خالص تقديري

شكرا استاذنا foraten.net/?foraten.net/?foraten.net/?foraten.net/? السالم
شكرا لمرورك
انار متصفحي بمرورك
لك كل الاحترام والتقدير