هو:
*كون الله هسه اليوم ياخذهه روحي ... وانسى اذى المحبوب وتخلص جروحي
هي:
*كون الله هسه اليوم ياخذني وياك ... ظلمه يا ضي العين العيشه بلياك
هو:
*اتمنى قلبج يوم يوگع بديه ... وأقفل عليه الباب واشبعه اذيه
هي:
*گلبي تشبعه بضيم أنا اللي ممنون ... بس لا تجافي الروح لو ولفك تخون
هو:
*مو بالقلب بالروح رايد اخليك ** واكتب خطر ممنوع محد يمر بيك
هي:
*ملبوس الأسود دوم مو كلش يلوك...من تلبس الأسود يوم جا عزل السوك
هو:
*ياما شفت حلوات بس انتي الاحلة ... يالعينج خضار دهوك ومن غير كحلة
هي:
*احمر شعر هواي والخصلة سودة ... يمشي بدلع من يفوت واللبس مودة
هو:
*اسود لبسلي اليوم وحياني الاشكر ... والشعر نهر النيل والركبة مرمر
هي:
*سب واشتم شمتريد يا ولفي اقبل ... ولا تظلم اني اهواك وماريد تزعل
هو:
*يا خويا يا (فلان) ظم دمعك ارتاح ... ولاتشمت انتة عداك وتصفك على الراح
هي:
*هاك ابرتك والخيط كوم امشي عني ... لو بية اشل الجروح جا شل هذني
هو:
*كلبي ارد اكصة بموس واكوي بمكانة ... علمني اعلى دروب كلهن مهانة
هي:
*نيالك تشوف هواك لو حتى بالطيف ... وك شوفة الحلوين صارت مطر صيف
هو:
*نيالك تشوفه هواك وبالحلم ساعة ... ما نمت لحظة بليل من يوم وداعة
هي:
*شحجي شكل للناس من همي شحجي ... مليان بالحسرات بس احجي ابجي
هو:
*كلبي ارد اكصه ابموس وبفاس اكطعة ... خلصها بالسختات مالحك ربعه
هي:
*وحقك يداح الباب ما ننسى امنا ... ولاخر نفس والله نفديها بعمرنا
هو:
*خوي استر على الحال خوي استراستر ... السكف البنيتةاوياك بس غيمت خر
هي:
*كل واحد نخاويه لازم نفحصه ... در ابد ما مغشوش و صافي فصه
هو:
*اگعد بنص الليل واذكر وليفي ... وبحجة الحلمان ابچي على كيفي
هي:
*حبك يا بعد الروح بگليبي شمعة ... تتحول من تذوب بعيوني دمعة
هو:
*برنو عيون هواي والمشط بيهه ... والعده سبع ارواح ما يصد ليهه
هي:
*اطلك لي سبع مسلممسلممسلمن شفت العجايب ... تالي أطرحت ياناس ذبيته شايب
هو:
*لو نشف ملح الزاد حط ماي العيون ... فانهم ترى يا فلان ماسخ يكولون
هي:
*اسمر واخاف عليك من ممشى الغروب ... جاهل وبعده صغير ما يندل دروب
هو:
*ليل الشتة يهواي مكدر انامة ... حط بالكلب نيشان هاي العلامة
مما راق لي
:8::8::8:
