-حوبة ملح-
حوبة ملح
چي شورت
چي صابني
صابك جرح
گتلك تكتلك حوبتي
ما خذت مني احچايتي
گلبي انظلم
گلبي انچوه
ضوگ الالم
مالك دوه
من حوبتي لا ما تصح
حوبة ملح
مديتلك روحي درب
وعبرتك لنص الگلب
ضويتلك روحي شمع
حد ما الفجر بين يشع
والشمس زفتلك صبح
حوبة ملح
چنت اعتقد
حبك صدگ
حب الفراشه للورد
من صابني برمحه الوكت
وحدي اتركتني من وهربت
ما شلت من ضهري الرمح
حوبة ملح
ضنيتني بدربك طحت
بس ما طحت
مكابر نخل
ما طيح حته لو متت
عالي اضل مثل الصرح
حوبة ملح
عالدمعه اكتب فرحتي
واضحك وحزني بشفتي
بس ما ابين حالتي
گلبي انكسر
يالما يدگ گلبك حجر
بيك العشگ ماله اثر
ممسوح من گلبك مسح
حوبت ملح
حوبة ملح
كلمات الشاعر
ناصر اسماعيل الموزاني
