حزن يعگوب ..
حــــزن يعگـــوب
راح أبـــچي عليك بكثر ضحكي وياك
يالربَّــك بلانــــي بحــبَّك وفـــرگــــاك!
آنـي الـــچنـت أشوفـــك گمر لو هليت
وانتـظـــرك تجـيني وأفـرح بمـــلگاك
ما أدري الزمـان يفـــرنـي فرَّة موت
وبلـحظة وداع أتـفـارگ آنـا ويــاك
مـعــقـوله انتـوادع وانتَ عنّي تـغيب
مــا صـبّـح بوجهك وبــــوهَج عيــناك
گلي شلـون أعيش وإنـت عني بعــــيد
وابقــى سنـين عــــمري اتلوَّع ابليَّاك
ثــاري الدنــيا هيـچ إتفــــرّق الأحباب
وتــبـدّل وردنـا الجـــــوري بالأشـواك
والله أحزن عليك بگد حزن يعگــوب
صـــبر أيوب صــبري وذايب بطرواك
ومبــارك حبيـــبي وألف شــايف خير
واتهــنّا بشــبابك وبنــصيب الجـــاك
فـــرحان بفرحــتك وآني گلبي يذوب
هاي دموع عيني ترش درب ممشاك
ميخــالف حبيـــبي الدنيــا هيچ تريــد
واعـــرف بيك أصيل وباقي طبعك ذاك
تــــتـغيــر الدنيـــا وتـــتـــعب العشـــاگ
تبقى انتَ ابوفاءَك وابقى عمري اهواك
تتت
