طعم سكر ...............بقلمي

كل هذا الجمال وظام روحك ليش
خايف من حسد لو أنته تتكبر
خلينه نشوفك خير جيتك خير
لو مرة أضوكك أضمن الكوثر
تعال أشلون بيه بغير وجهك موت
كل لحظة أشتهيك وأعرك وأخدر
وسولفلك عليه بلا وعي أتلكاك
أكضك طيف وأشهك للسمه وأشغر
يكلك عافية وجناتك القداح
ورطوبة أشفافك ثق طعم سكر
تنسم روحي من تمر ودوخن بيك
والعن كل صحوتي ومن تصد أسكر
وأفرفح للسمه لو تضحك وي الغير
غير أكلب الدنيا وأعلن المحشر
يريت وريت بالك يصفه مرة وياي
ومتخلي اليحبك بين عت وجر
موكلبي طفل ما رهم ألا عليك
يعني انته الدلول العليها افتر
وانت الشوك انت ولهفتي وطرواي
وانت الشاف نورك هلل وكبر
وانت انت حبيبي ومايهمني الناس
شنهو الناس غير انت المهم وياك بس أسهر
ياكرصة برد رجفه بجسد تعبان
أحضني أعله طولك لو دفو الحدر
وأعلكني شمع من جدمي حد ماوين
وخليني بعبرتك شهكة تتكسر
بس احسب اشوفك بالاسبوع اسبوع
وكل اللحظة الاشوفك أشتم المنحر


الشاعر
يحيى الحميداوي
25-3-2011

http://www5.0zz0.com/2011/03/09/15/881360265.gif
http://n4hr.com/up/uploads/8143c1b7f2.gif

الاخ يونس الجبوري
شكرا لحضورك البهي
تحياتي

وأفرفح للسمه لو تضحك وي الغير
غير أكلب الدنيا وأعلن المحشر
يريت وريت بالك يصفه مرة وياي
ومتخلي اليحبك بين عت وجر

حرفك ايها الشاعر المبدع اخذني بعيدا حيث واحات العشق الطاهر
سافر بي الي حيث تعتمر العاطفة الحقيقية
متمكن انت من الكلمة ومن اللحن
دمت بالف الف خير

وانت الشوك ولهفتى وطرواى
وانت الشاف نورك هلل وكبر
وانت ايها اليحيى
الشاف قلمى حرفك تعذر
واتوارى كل الكلام
والحرف منى تعثر
شاعرنا القدير
واحتك الغناء يمتد
شذى عطرها بالأجواء
يسعد كل الحضور
وفى انتظار ريح أخرى
تهب بأريجها
دمت بكل الود

الله كلمات رائعة وذات معنى جميل ووصف اكثر من رائع تحياتي لقلمك المبدع مع كل الود

الله يا جميل........

سحرا بصورة ادب جميل ....

فانتشر ابداع م يدك يا يحيى الرائع.....

تحيتي لك...

الشاعر الجميل والرقيق
السبتي
شكرا لمرورك وحرفك الذهبي
تحياتي

الرائعة دارلنك ....
أسعدني مرورك وحرفك البهي
كوني بخير
تحياتي

الاخت الرقيقة والمبدعة
فاتن وهيب
شكرا للحضور والحرف البهي
تحياتي

الشاعر الرقيق
عدي فريد
اسعدني حضورك الجميل
تحياتي

قصيده رائعه لك كل الوردوكل الاماني
اخوك ناصر

الشاعر الرقيق
ناصر الموزاني
شرفني حضورك وأسعدني حرفك
وافر التحايا