مـغازه دنيتك مـليانه حاجات سوكَـ اوبيه بيع اومشتره السوكَـ
يـخسر بيه كلمن عنده وجدان ويربح بالتجـاره اليعـرف يبوكَـ
ناس تبيع ذمـه ونـاس تشرب دم ونـاس تشم هـوه المخنوكَـ
سوكَـ وتلكَه بيه اشكال ورناكَ بسطيت الظماير تـارسه السوكَـ
تـحذر من تطبله تـحزم احزام إعله روحك لاتفك شباچ مغلوكَـ
لون تضعف تدوسك جدم دنياك دومـك تضل حدرالجدم مسحوكَـ
كَلبك كَـطن ابيض لاتـخليه الكَطن من يندف كل ساع مطروكَـ
ومن تطعم بنيـة صدق وأخلاص زادك كل وكـت ماصخ بالحلوكَـ
إيدك لاتـمدها بـذلـه للغير لون تعرف تعيش بثـوب مشكَوكَـ
وإذا ماتطلب الحاجه من اهـلها كل ساعه عليك البـاب مدكَوكَـ
لـونك من ورق دنياك من نـار تلكَفك والورق بالنـارمـحروكَـ
ولـون الصوچ بالرعيان تلكَـاه سـد عينك وكَول الصوچ بالنوكَـ
ولون مضلوم بس كَول آنه ظالم ترجع بيـن اديـك ابساع الحكَوكَـ
لاتـامن ابصاحب يحچي وجهين يـفتن لك عـليك يصـيرحاروكَـ
لاتاخذ حچي ما صخ بلاساس تصيرإعله الحچي الممصوخ
ملهوكَـإعله كَد حالك تعيش بشرف مرتاح تـوكَع بالوحل لـوعاينت فوكَـ
