تدري اني شتمنيت ساعة الشفتك ؟؟؟

انت اول الحلوين متصدر ألكل
حتة ألمرورة البيك هم حلوة تكتل

يمكن علي زعلان وأتمنة زعلان
أهون زعل كل يوم من لحظة نسيان

تضحك علي ادريك بس حالة بية
اضحك واصير وياك واضحك علية

تدري آنة شتمنيت ساعة الشفتك

http://a.foraten.net/up/store/sogaliraq.jpg

كل جسمي شفة يصير والزك بشفتك

يل ردت عني تروح روح بسلامة
بس عدنة راح يصير يوم ألقيامة

عالحشر تنشد ليش ماتدري يمتة
الحشر عدنة يصير من تزعل أنتة

ضلمة وخطية الناس تعثر بالدروب
بس انت كلشي تشوف شي وجهك كلوب

لاتظن واحد يوم غيرك عشكتة
ولو يوم احب أثنين هم أنتة وأنتة

مفتوحة بس متشوف غيرك عزيزين
ومغمضة وتحس بيك وتشوفك ألعين

ظلو إعزاز ألروح محد مسحتة
إمسحت بس أعزاز وألباقي أنتة

وألحسن أحلف دوم ما بعد أجيكم
وأوصل لحرف ألنون وأرجع عليكم

بلبل وأحس مخنوك مابية تغريد
أنصب عزة إبعاشور وألختمة بالعيد

نص مني ونة وآه نص مني تغريد
بيد أشبك ألدمعات بيد أشبك ألعيد

لو فد سباق يصير ياهو أجمل ألناس
ونذب عليك تراب هم تاخذ ألكاس

إبكل حلو لولة تصير بس شحچي عنك
صارت أللولة ألبيك حتى أحلة منك

الصايم يتاني العيد لهلالة ينطر
بس آني أصوم إعليك وبجيتك أفطر

رغم ألبعد ياصاح شخصك حضنتة
أحچي أوية روحي أليوم حسبالي أنتة
..............
مماراق لي

الله عليك وعلى حسن انتقائك
باقه اكثر من رائعه من الدارميات
سلمتي لنا وننتظر كل جديد لك ِ
تحياتي

سلم لي مرورك العطر اخي السومري
لاعدمت اشراقتك المميزه
لك خالص الود

لاتظن واحد يوم غيرك عشكتة
ولو يوم احب أثنين هم أنتة وأنتة


روعة يم علاوي
باقة جدا جميلة من الدارميات
سلم لنا هذا التذوق وجميل الاختيار

خالص مودتي لك عزيزتي

ام فيصل الغاليه نورتي الموضوع
لاعدمت اشراقتك عزيزتي
لك ارق المنى

انت اول الحلوين متصدر ألكل
حتة ألمرورة البيك هم حلوة تكتل
--------
وراقت لنا ايضا ..
تسلمين على الاختيار المميز
دارميات انيقة وحلوة يا ام علاوي
ننتظر المزيد ..
ولكى خالص التقدير

الصايم يتأنى العيد لهلاله ينطر
بس آنى أصوم أعليك وبجيتك أفطر
الرائعة أم علاوى
كل درامى أجمل
وأروع من الثانى
حيرتينى أيش أنتقى
باقات ورودى لك
وللذوق الراقى
كونى بخير وأمان

الرائع ابو علاوي سلم لي هذا الحضور المميز دمت اخي ودام تواصلك لك اطيب المنى

دارلينك دمتي عزيزتي ودام لي تواصلك الجميل
لك ارق تحيه

الله يام علاوي دارميات غاية الجمال كلش عجبتني اتمنى لك الازدهار والتالق تقبلي مروري

يسلملي مرورج عزيزتي ام افنان
ويارب يدوم التواصل
ودي