عينك خلية نحل
عينك خلية نحل---
وحراس تلسع لسع
بهداي اجيت بحذر--
خايف يهجمن جمع
عدمن عليك اشتكي
وشكواي ما تنسمع
القانون بيدك صبح
وانته التحط الشرع
الذيب يخدم حمل
والريم يغلب سبع
مبتلي بحبك انه
وبلواي ما تندفع
اهات گلبي جمر
ونيران جوه الضلع
محروگ واضوي الك
كالخيط وسط الشمع
يكتل الحب من طرف
مشلوع گلبي شلع
تميت مثل الورد
يذبل اذا ينگطع
من حيث حسنك نزع
مني التصبر نزع
لولاك ماكو غزل
والشعر ما ينسمع
الحلوين كلهم الك
من طول غصنك فرع
عينك خليه نحل
وحراس تلسع لسع
چمدوب اشوفك ورد
وابلع بريجي بلع
كلمات الشاعر
ناصر اسماعيل الموزاني
