مركب الأموات

يلمهدي ركبنه بمركب ألأموات
وبروج النوايب گمنه نتگلب
تلكتنه المراكب وأجت مدري منين
مركب يغلب أبمركب
علينه أجمعوا يالمهدي من كل صوب
وخلونه أنتوسط ساحه الملعب
چي شيعه أبشملنه صاحو الفرهود
وطوفان المصايب بس علينه أنصب
أعله عرض البحر دمنه وي الأمواج يفوج
ومن عگبك مجدنه أنوخذ وتسلب
تگطعنه وصل والي غرگ محسود
وما سلسو جثته أبناب وبمخلب
نتگالب بعدنه ويه الحياه والموت
أبحلگهه أتناوشتنه الرحي الماتتعب
عضتنه السنون وگام بينه أتلوج
ومن أحلوگهم ضل دمنه يچبچب
شبعت من لحمنه وتريعت وتگول
لحم الرافضه من كل لحم أطيب.
چي شيعتك صرنه أستوحدتنه الگوم
وصفت كل المذاهب ضدنه تتحزب
حتى اليدعي بينه وتورثنه
رفع للسلم بيرغ أبيض أمترَب
ومن نشكي لربعنه من الظلم والجور
يگولون الامر هلشكل يطلب.
يلمهدي أنته وينك مذهبك مهدور
وكل الدول هسه تقاتل المذهب
سلعه الدين صار أنبيعه من نحتاج
وصفت وي الرياح الناس تتكلب
أشوكت يبن الحسن تسرج أخيول الموت
ونار الغضب يمته أعله الظلم تنشب
وباب القدس بيدك ينفتح يايوم
وسيفك بلحرب ياساعه يَجرب
مته تاخذ أبثاره جدك العطشان
ومته تبطل بچاهه أم الحزن زينب
مته أتطلع السهم من نحر عبدالله
وتنّادي شسوه طفل أحسين وشأذنب
مته من النهر تترس چربة العباس
وتخَلي العطاشه من العذب تشرب
مته تنقذ الشيعه من الظلم والجور
ومته حكم العدل عالأرض يتنصب
ومته يفرح الگضه العمر بالوعات
ومته لديرة أبلاده أيرد الأتغرب
جم عمر أنگضه وباب الفرج مسدود
وتمسك چم موالي بحبلك وچلب
أنكضت كل الأجيال وجيل ياكل جيل
وصبرنه أنكسر ضهره وعالأرض حنَب
آنه أربع طعش جد عالصبر مصلوب
وأنته ابع طعش جد عني تتغيب
الوادم بالعلن گامت تشتم بيك
وصرت أعله المنابر بلعلن تنسب
يكيدون المكايد بس على الشيعه
وشفنه بهل زمان العجب وألاعجب
چي وحدنه ربنه وماعبدنه أرباب
وهمه أربابهم بلكيف تتنصب
ونيويورك كعبه أتطوف بيهه الناس
وشباچ الحوايج حايط أمذهب
بيه أتوسلت وتريد منه أمراد
تسجد كون والماسجد يتعذب
نست ربهه الخلقهه ونصبت شارون
وصبح شارون هوه أعله الخلايق رب
هوَ الحكم بيده ويصنع شما راد
وكلمن يعترض خل يسكت وينجب
خل تتهدم أبيوت وتطيح أسكوف
خل كل ألأطفال أبدمهه تتخضب
خل يتذبح ألأسلام
خل ينباع دمنه ولليهود أيضاعف المكسب
خل تاكل بعضهه وناس تنهش ناس
للدم مستعده تركع وتشرب
خل أتطير روس وخل تطيح أجساد
المهم تثبت ولاهه وتوفي بالمطلب
لازم مايضل شيعي أعله وجه الگاع
وخل ماي الفرات بدجله يتكهرب
قربان الضحايا أنجيبهه لشارون
لايزعل علينه وبلعجل يغضب
يلمهدي ركبنه بمركب ألأموات
وبروج النوايب كمنه نتكلب..

أشوكت يبن الحسن تسرج أخيول الموت
ونار الغضب يمته أعله الظلم تنشب
وباب القدس بيدك ينفتح يايوم
وسيفك بلحرب ياساعه يَجرب
مته تاخذ أبثاره جدك العطشان
ومته تبطل بچاهه أم الحزن زينب
مته أتطلع السهم من نحر عبدالله
وتنّادي شسوه طفل أحسين وشأذنب
مته من النهر تترس چربة العباس
وتخَلي العطاشه من العذب تشرب
مته تنقذ الشيعه من الظلم والجور
ومته حكم العدل عالأرض يتنصب
ومته يفرح الگضه العمر بالوعات
ومته لديرة أبلاده أيرد الأتغرب

السلام عليك ايها العبد المؤمل
والعدل المنتظر

حقيقة ً ,, وقفت أمام هذا السيل العارم من الأسى والألم وقد تلعثمت معي الكلمات
اسأل الله العلي العظيم أن ينصر كل مستضعف على ارضه
وأن يعجل بفرج مولانا صاحب الزمان ارواحنا له الفداء
ليملأ الأرض قسطا ً وعدلا
بعد ان مـُلئت ظلما ً وجــورا
قصيدة رائعة ياforaten.net/?foraten.net/?foraten.net/?foraten.net/? سلمت لنا هذه القريحة
ودام لنا هذا الفيض
لك اطيب تحياتي عزيزي

طيب الله انفاسك وبارك الله فيك اخي العزيز foraten.net/?foraten.net/?foraten.net/?foraten.net/?
نرفع ايدينا ابتهالاالى الله العلي القدير
سائلينه ان يعجل فرج صاحب العصر والزمان
ليملئى الارض قسطا وعدلا بعدما ملئة ظلما وجورا
دمت برعاية الله وحفظه

ام فيصل

باقاتي ورد هدية تليق بكِ وبتواجدكِ العبق
ودمتِ بحفظ ربٍ كريم دائما ابدا.

السومري

اكاليلُ الورد والياسمين
لمروركَ الذي اضاء سماء متصفحي
تحيتي لكَ

الله عليك foraten.net/?foraten.net/?foraten.net/?foraten.net/? الكعبي عن جد بكيت لما سمعت هذي القصيده عن مولانا الحجه تسلم اخي بارك الله بك

احسنت قصيده ثوريه
ومناجات لقائم ال محمد تهز المشاعر
دام ابداعك تحياتي

واحة الشعر
شكراً لمروركم النير
ولكم من القلب تحيه بعطر الياسمين
حفظكم ربي

الشيخ ابوحيدر
تحيتي لكَ
ولمرورك الكريم
دمت بحفظ الرحمن