عله دمـوعي الحزينه إعلكَت شـمعات
وخيّطت الاماني الجيتك ثوب
وشچخت ضلوعي بدروبك مـحطات
وعيوني نواطـير إعله الدروب
وعلّكَت الصبر بعيون نـجمات
غفه بصبري وتبدّد صبرأيوب
ربت وياي من زغري العذابات
وغطتني بـحزنـها دموع يعكَوب
أنثنيت إعله الوكت طلاّب ثارات
لنّي للوكت ثارات مطلوب
غريب وغربتي بكبرالمحيطات
وجرح كَلبي إعله كبرالكَاع مشخوب
الماعنده أهل وبـحسرته يبات
تظل إمعلّكَه عينه عله البوب.
الحزن لولكَط ومتغسله المسّرات
وحزن كَلبي لكَط ونطبع عالثوب.
أضيّع بالعمروكَضيه صفنات
وأكَول إمكَدّر
وعالكَصه مكتوب
يكَطّعني النهار ويكَضي صدعات
ويتلكَانـي مغضب
سيف الغروب.
مذنب ورتكبت اهواي سايات
وماتعرف رحم
مـحكمة الذنوب
علَي شچّخ ارماحه الدهرثايات
اومنّتـني المنايه بذبح الكَلوب
لون ضحك الدموع
إيرجّع الفات
عن ضحك المدامع أبد ماتوب,
