يالطولك حلـو يالراهي بـممشاك
يالنكَلت إجدامك للكحل مرود
يالخصرك نـحيل يـميل ويه الريـح
وحـته الريـح إلك ياترف تتودد
يالوجهك كَـمر يتباها بيه الليل
من حكَها النجوم بـحضرتك تنشَد
يالشعرك حرير إيلمه چف الليل
خافنه بـهبوب الريح يتفرهد
إلك ركَبة غزال ونافرمن الصيد
وإلك نظره سهم عالكَلب تتســــدد
يالخدك صحن وبوجنتك شامه
إلك وحدك تلوكَـ الشامه فوكَـ الخد
يبوعيون الوسيعه وسابـي بيهـا النـاس
منهواليصــــبرإكَبالك لون تـحتد
يالصدرك مـجـرّه وراسـي بيـها هلال
لايكَله ويلوكَـ بصدرك المـكَلد
يالدمك عسل يالبسمتك قداح
من أزعل تبرّدنـي وأصيرمن الثلج أبرد
يالصوتك عذب يطربني امناغاك
وفلا يطربنـي بلبل حب لون غرد
يبوكَلب الحنين المايعرف الغيض
يتفطّر حنينه بسحره جـزر اومـد
ياللهفتك غنوه إمسهّره العشاكَـ
يناقـوس الـمسيح اليدكَـ بالـمعبد
وجـمالك يالجمـالك سلب لب احشاي
ومن اوكَف إكَبالك كَلبي يتمرّد
يـمضيع الحِسن يالمـحد ايشبهك
وبشخصك صفات اهوايه ماتنعد
شكَلك يالعفتنـي وسافرت لبعيد
جرح كلي. من كل كتريتسرّد
نعم انته ادفنتنـي جرح بـجروحك
اويضل لشوكت حبـي ياكل بروحك
كلما أختلي بروحي وأسولف بيك
يـحركَنـي لهيبك اشتعل وخـمد
دلملمني رماد تفرهد ابفركَاك
دجـملني حطب وشعلنـي الملكَـاك
دطفينـي..
دخذ روحـي الجريـحه اوياك
شكَلك ما أكَلك ليش
حزنـي إعليك
فكيته بـحزن اسود
شكَلك ما أكَلك ليش
باب الكَلب وحدك
بس إلك مفتوح
عله غيرك محال
إمـحرم وينسد
شكَلك ما أكَلك ليش
حبـك سودنـانـي
وما كَلت لحّد ,,
